Arestado ang isang beteranong aktor matapos masangkot sa Cybercrime sa Biñan City, Laguna.
Kinilala ang akusado na si Conrado Manuel Ambrosio II o mas kilala bilang si Dindo Arroyo, 61 years old na hinuli sa mismong kaniyang bahay dahil sa Warrant of Arrest na ipinalabas ni Sta. Rosa City Regional Trial Court (RTC) branch 101 Judge Rosauro Angelito Sicat David.
Hindi na idinetalye ng mga otoridad, ang kasong nilabag umano ni Arroyo na nahaharap sa kasong Cybercrime Prevention Act of 2012 at ngayon ay nasa kustodiya na ng Bureau of Jail Management and Penology (BJMP) sa Biñan City.
Samantala, nagbigay naman ng komendasyon ang Korte sa piyansang ₱10,000 ni Arroyo para sa pansamantala nitong kalayaan.
