Isinailalim na sa Forensic Examination ng Public Attorney’s Office ang bangkay ng 11 anyos na lalaking namatay dahil sa pananakit ng ulo at lalamunan at matinding lagnat, makaraan umanong bakunahan ng unang dose ng Dengvaxia.
Si A.J. Bautista ang ika-labing-isang biktimang isinailalim sa eksaminasyon ng mga forensic expert ng PAO.
Enero 19 nang bawian ng buhay ang paslit at sinasabing Severe Dengue ang sanhing kanyang kamatayan.
Nasa ospital din ang kapatid niyang si Ashley dahil sa kahalintulad na sintomas pero wala pang kumpirmasyon kung dengue ang sakit nito.
Kapwa binakunahan ng Dengvaxia ang magkapatid sa Valenzuela City noong Agosto.
