Isang bata ang patay habang walo ang sugatan matapos tumaob ang isang bouncy castle sa Spain.
Nangyari ang insidente sa isang Fairground sa bayan ng mislata kung saan ilang bata ang nakulong sa loob ng isang Bouncy Castle matapos tumama ang malakas na hangin sa naturang Inflatable Castle.
Nasa malubhang kondisyon ngayon ang dalawang bata na nasa edad walo at apat na taong gulang na agad tinakbo sa pinakamalapit na ospital.
Ngunit binawian ng buhay ang walong taong gulang matapos maadmit ng 12 oras sa ospital.
Habang nanatili pa rin sa ospital ang apat na taong gulang na bata at hindi masabi kung ano na ang kalagayan nito ngayon.
Samantala, inaalam pa ng mga otoridad ang sanhi ng naturang insidente.
