Natimbog ng pinagsanib na pwersa ng Philippine Drug Enforcement Agency at Bukidnon Provincial Police Office sa buy-bust operation ang isang barangay kagawad sa Malaybalay city.
Kinilala ni PDEA Director-General Arturo Cacdac ang suspek na si Lumna Bongcarao, 42 anyos, kagawad ng Barangay 4 Poblacion at number 3 sa top 15 Regional target ng PDEA-PNP.
Kasama ni Bongcarao na naaresto si Nicolas Elloren alyas Kiko, 35 anyos, residente ng Purok Singko, Barangay 9, Malaybalay.
Narekober mula sa dalawa ang 10 piraso ng sachet ng shabu na tumitimbang ng 10 gramo at nagkakahalaga ng 50,000 pesos.
By: Drew Nacino
