Ipinatutupad pa rin ng Archdiocese of Manila ang pagsusuot ng face mask sa loob ng mga simbahan kasunod ng pagluluwag ng gobyerno sa naturang patakaran.
Sa nilagdaang circular 2022-85 ni Father Carmelo Arada Jr., inabisuhan ng archdiocese ang mga Monsignori at pari na ipagpatuloy ang pagpapatupad ng naturang patakaran sa mga dadalo sa misa at iba pang aktibidad sa simbahan.
Sakop naman ng Archdiocese of Manila ang mga lungsod ng Manila, Makati, San Juan, Mandaluyong at Pasay. – sa panunulat ni Hannah Oledan
