Iginiit ng konsulada ng Hong Kong na bagama’t naantala ang briefing sa mga Pilipino kaugnay sa magsisimulang botohan sa darating na linggo, ay hindi makakaapekto sa pagsisimula ng Overseas absentee voting ang ika-5 wave ng COVID-19 sa bansa.
Ang nasabing briefing na dinaluhan ng iba’t ibang Overseas Filipino Workers Organizations, Media Representatives at Filipino Residents, tinuruan ang mga pinoy ng proseso sa idaraos na halalan.
Nabatid na gaganapin ang overseas absentee voting sa Hong Kong sa Abril a-10 sa Bayanihan Centre sa Kennedy Town.
Samantala, tiniyak naman ng konsulada na mahigpit na paiiralin sa botohan ang health protocols kung saan isa-isang botante lamang ang papasukin sa polling precinct. — sa panulat ni Mara Valle