Patay ang isang kapitan ng barangay at isang barangay tanod matapos na tambangan ng dalawang di pa nakikilalang salarin sa North Cotabato.
Nakilala ang mga biktima na si Joaquin Sardon Segumban , kapitan ng barangay Tonganon at Joey Gamotia Gamaricha , isang tanod sa nabanggit na barangay.
Ayon kay Chief Inspector Julius Malcontento , hepe ng pulisya ng Carmen , patungo sana ng Barangay Poblacion ang dalawang biktima na sakay ng isang multicab nang pagbabarilin ang mga ito ng dalawang suspek gamit ang kalibre kwarenta’y singko na baril.
Nagtamo ng siyam na tama ng bala si Segumban habang lima naman ang natamong tama ng bala ni Gamotioa.
Patuloy naman ang isinasagawang imbestigasyon ng pulisya hinggil sa nasabing insidente.
