Itinalaga ni Pangulong Duterte bilang Assistant Commissioner ng Bureau of Customs si Vincent Philip Cuan Maronilla na una nang nadawit sa isyu ng korapsyon sa ahensya.
Si Morilla ay dating district collector ng Manila International Container Port at pinangalangan ng broker na si Mark Taguba na isa sa mga tumatanggap ng tara sa BOC.
Papalitan ni Maronilla si dating BOC Assistant Commissioner Ariel Nepomuceno na isa rin sa mga nasangkot sa katiwalian.
Agosto ng nakaraang taon nang magbitiw sa pagiging Deputy Commissioner si Nepomuceno matapos siyang pangalanan ni Senador Panfilo Lacson bilang isa sa mga opisyal na tumatanggap ng lagay.
Ngunit iniluklok muli siya sa pwesto ni Pangulong Duterte matapos ang apat na buwan bilang Assistant Commissioner naman ng kagawaran.
