Nagsasagawa na rin ng sariling imbestigasyon ang Bangladesh Police kaugnay sa 81 million dollar international money laundering scheme.
Partikular na tinututukan ng Bangladesh Police ang pagtunton kung sino o ilan ang mga hacker na nagsagawa ng isa sa pinakamalaking cyber theft sa kasaysayan.
Gayunman, aminado ang pulisya na masyado pang maaga para pangalanan kung sinuman ang mga suspek.
Base sa inisyal na imbestigasyon, walang iniwang bakas ang mga hacker matapos mag-install ng malware o mapanirang software gaya ng virus na nag-manipula sa printer ng central bank upang itago ang ebidensya.
Kumbinsido ang pulisya at ilang international cyber security expert na propesyunal ang mga nasa likod ng pag-hack sa central bank system ng Bangladesh.
By Drew Nacino
