Isang bangkay ng lalaki ang natagpuang nakatali sa isang poste ng kuryente sa Barangay Campo 4, Talisay City, Cebu.
Batay sa ulat, tadtad ng tama ng bala sa katawan ang hindi pa pinapangalanang biktima na nakapiring at nakatali rin ang mga kamay.
May nakasabit ding karton dito na may nakasulat na Cebuano patungkol sa mga magnanakaw, pusher at drug lords.
Sa salaysay ng kapatid ng biktima, itinanggi nitong magnanakaw ang kapatid bagama’t inamin nitong drug user ito.
Magugunitang noong Lunes, isang bangkay din ng lalaki ang natagpuang nakasabit sa ilalim ng tulay sa Talisay City.
