Pormal nang nagbukas ang ika-34 na Balikatan exercises sa pagitan ng Amerika at Pilipinas.
Ang pagsasanay ay nakatutok sa mabilis na pagtugon sa harap ng kalamidad na gawa ng tao at kalikasan gayundin sa terorismo.
Magtatagal ang pagsasanay hanggang sa Mayo 15.
Sa kanyang talumpati, kinilala ni Armed Forces of the Philippines o AFP Chief of Staff Carlito Galvez ang malaking papel ng Amerika para mabawi ng militar ang Marawi City sa kamay ng Maute-ISIS.
Naging malaking tulong aniya sa pagbawi sa Marawi ang real time intelligence information, baril, bala at iba pang gamit mula sa Amerika.
Maliban sa Amerika, nagpasalamat rin si Galvez sa Australia at Japan kung saan mayroong hiwalay na kasunduan para sa training exercises ang AFP.
Hinikayat ni Galvez ang mga sundalong Pilipino na kalahok sa balikatan na isapuso ang kanilang natututunan sa pagsasanay lalo na sa harap ng mga banta ng terorismo at mga kalamidad.
AFP’s Galvez: I encourage everyone to take this opportunity to strengthen camaraderie. Let’s work together shoulder to shoulder.
— DWIZ Newscenter (@dwiz882) May 7, 2018
(Ulat ni Jonathan Andal)