Gugulong na susunod na linggo ang pagbabakuna kontra COVID-19 sa mga batang anim na buwan pataas sa Estados Unidos.
Ito ay matapos irekomenda ng U.S. Centers for Disease Control and Prevention ang pagbibigay proteksyon sa pamamagitan ng bakuna sa nasabing age group.
Ayon kay CDC director Rochelle Walensky, alam nilang milyon-milyong magulang at caregivers na ang nagnanais na mapabakunahan na ang kanilang mga anak.
Nabatid na pinayagan na ng U.S. Food and Drug Administration na gamitin ang Moderna vaccine sa mga batang anim na buwan hanggang limang taong gulang at Pfizer-BioNTech’s vaccine para sa batang anim na buwan hanggang apat na taong gulang.
