Halos Tatlong Libo Pitundaang katao na ang nagsilikas bunsod ng nagpapatuloy na bakbakan ng Militar at ISIS sa lungsod ng Fallujah, sa Iraq.
Ayon sa United Nations, tinatayang Limampung Libong katao pa ang naipit sa border ng Fallujah at nanganganib gawing human shield ng ISIS.
Hindi pa mabatid ng UN kung ilan na ang nasawi o nasugatan sa magkabilang panig subalit may ilang ulat na patuloy ang pagtaas ng civilian casualties bunsod ng matinding bakbakan, simula pa noong sabado.
Samantala, hirap pa rin sa pangangalap ng impormasyon hinggil sa kalagayan ng mga apektadong sibilyan sa Fallujah dahil hindi pa rin nakapapasok ang UN sa naturang lungsod.
By: Drew Nacino
