Abiso sa mga pasahero ng Metro Rail Transit (MRT line 3).
Isasara ng pamunuan ng MRT 3 mula Lunes, Marso 21 ang building A ng kanilang Shaw Boulevard Station partikular sa bahagi ng EDSA – Shangri La.
Dahil dito, inaabisuhan ang lahat ng pasaherong sasakay at bababa sa tren na dumaan sa building B o ang Greenfield side ng naturang istasyon na magbubukas mula alas kwatro ng umaga.
Magtatagal ang pagsasarang ito sa bahagi ng istasyon ng MRT hanggang kinabukasan, Marso 22.
Bagaman tumanggi munang sabihin ng pamunuan ng MRT 3 ang dahilan ng pagsasara sa bahaging ito ng istasyon ay humihingi naman sila ng pang-unawa at paumanhin sa abala na maaaring idulot nito. – ulat mula kay Jaymark Dagala (Patrol 9)
