Halos dalawandaang (200) paggawaan ng shabu at drug dens ang nabuwag na ng mga awtoridad.
Ipinabatid ito ng Philippine Drug Enforcement Agency o PDEA bilang bahagi nang pinaigting na kampanya kontra iligal na droga.
Ayon kay PDEA Director General Aaron Aquino na mula June 2016 hanggang nitong nakalipas na October 25, 163 drug dens at siyam na malalaking shabu laboratory ang kanilang nabuwag na.
Aabot naman sa halos 19 million pesos ang halaga ng illegal drugs na nasabat o mahigit 11 million pesos na mas mataas kumpara noong Setyembre.
—-