Nakatakdang i-reclaim ng isang malaking land developer mula sa China ang 147-ektaryang bahagi ng Manila Bay.
Ito ay kung matutuloy ang plano ng Landing International Development Limited na pagtatayo ng multi-bilyong halaga ng theme park sa Metro Manila.
Ayon sa Chairman at Executive Director ng kumpanya na si Yang Zhihui, nakipag-meeting na sila kay Pangulong Rodrigo Duterte para sa planong five-year development program.
Aniya, magiging ultimate destination para sa mga Chinese tourist ang naturang lugar dahil kasamang itatayo dito ang mga luxury hotels at villa, shopping center, gaming, entertainment at leisure facilities.
By Rianne Briones
