Patuloy na humina na ang bagyong ‘Tisoy’ matapos ang ilang beses nitong pag-landfall.
Ayon sa Philippine Atmospheric, Geophysical and Astronomical Services Administration (PAGASA), huling namataan ang bagyo sa layong 180 kilometro kanluran ng Calapan City, Oriental Mindoro.
Taglay nito ang lakas ng hanging aabot sa 120 kilometro bawat oras malapit sa gitna at pagbugsong aabot sa 150 kilometro kada oras.
Kumikilos ito pa-kanluran hilagang-kanluran sa bilis na 15 kilometro kada oras.
Samantala, nabawasan ang mga lugar na nasa ilalim ng tropical cyclone wind signal number 3.
Ang Northern Occidental Mindoro na kinabibilangan ng Abra De Ilog, Looc, Lubang, Mamburao, Paluan kasama ang Lubang Island na lamang ang nasa signal no.3
Signal number 2 naman sa: Oriental Mindoro, Batangas, nalalabing bahagi ng Occidental Mindoro, Cavite, Laguna, Rizal, Bataan, Metro Manila, Southern Bulacan (Balagtas, Bocaue, Bulacan, Calumpit, Guiguinto, Hagonoy, Malolos City, Marilao, Meycauayan City, Obando, Paombong, Plaridel, Pulilan); Southern Pampanga (Floridablanca, Lubao, Macabebe, Masantol, Sasmuan); Southern Zambales (Castillejos, Olongapo City, San Antonio, San Felipe, San Marcelino, San Narciso, Subic); Calamian Islands (Coron, Busuanga, Culion, Linapacan) at western portion of Quezon (Dolores, Tiaong, Candelaria, Sariaya, San Antonio).
Signal number 1 naman sa: Southern Nueva Ecija (Cabanatuan City, Cabiao, Gabaldon, Gapan City, General Tinio, Jaen, Laur, Palayan City, Peñaranda, San Antonio, San Isidro, San Leonardo, Santa Rosa, Aliaga, Licab, Zaragoza); Northern Portion ng Palawan (El Nido, Taytay, Araceli, Dumaran, Municipalities in Cuyo Islands); Tarlac Northern at Central Portions ng Quezon (General Nakar, Infanta, Real, Mauban, Sampaloc, Lucban, Tayabas, Lucena City, Pagbilao, Atimonan, Padre Burgos, Agdangan, Plaridel, Unisan, Gumaca, Pitogo, Macalelon, General Luna, Perez, Alabat, Quezon) Western Romblon (Concepcion, Banton, Corcuera, San Jose, Municipalities in Tablas Island); Marinduque, nalalabing bahagi ng Zambales, nalalabing bahagi ng Pampanga, nalalabing bahagi ng Bulacan at Northwestern Antique (Caluya).
Inaasahang lalabas ang bagyo ng Philippine Area of Responsibility, bukas, Huwebes, Disyembre 5.
