Nakalabas na ng Philippine Area Of Responsibility (PAR) ang bagyong Kiko.
Gayunman, nakataas pa rin ang tropical cyclone wind signal no. 1 sa lalawigan ng Batanes.
Ayon sa Pagasa, pasado 1 ng hapon kanina ay nakalabas na ng bansa si Kiko.
Taglay pa rin ng bagyo ang lakas ng hanging aabot sa 175 kilometers per hour at pagbugsong aabot sa 215 kilometers per hour.
Makakaranas pa rin ng epekto ng bagyo ang Batanes tulad ng hangin at pulo-pulong pag-ulan at maging ang iba pang bahagi ng Luzon, kabilang ang Metro Manila.
