Isa ng ganap na bagyo ang Low Pressure Area sa silangan ng Eastern Visayas.
Huling namataan ng PAGASA ang bagyong Jolina sa layong 310km., silangan timog-silangan ng bayan ng Guiuan, Eastern Samar.
Taglay nito ang lakas ng hanging aabot sa 45km/hr at pagbugso na hanggang 5km/hr.
Kumikilos ito pa-kanluran timog-kanluran sa bilis na 20km/hr.
Nakataas na ang public storm signal 1 sa Eastern Samar, Dinagat Islands, Siargao at Bucas Grande Islands.
Samantala, binabantayan din ang isa pang bagyo sa labas ng Philippine Area of Responsibility na nasa silangan ng Visayas at papangalanang “Kiko” sa sandaling pumasok ng bansa sa susunod na isa hanggang dalawang araw. —sa panulat ni Drew Nacino
