Sisimulan na sa mga susunod na araw ang tv program ni Pangulong Rodrigo Duterte sa government TV station.
Sa teaser na ipinalabas ng Presidential Communications Office, magiging co-host ng Pangulo sa programang “Mula sa Masa Para sa Masa” ang batikang TV journalist na si Rocky Ignacio.
Ayon kay Presidential Communications Office Secretary Martin Andanar, layunin ng nasabing programa na iparating sa publiko ang mga proyekto at adhikain ng pamahalaan mula mismo kay Pangulong Durterte.
Gayunman, sinabi ni Andanar na wala pang eksaktong petsa kung kalian sasahimpapawid ang nabanggit na TV program ni Pangulong Duterte.
By: Meann Tanbio / Aileen Taliping
