Hinamon ni Pangulong Ferdinand Marcos Junior ang bagong hepe ng Philippine National Police na si General Rommel Francisco Marbil na sugpuin ang iba’t ibang banta tulad ng cybercrimes, terorismo, at transnational crimes.
Inatasan din ng PBBM si General Marbil na ibigay ang pinakamainam na serbisyo sa mga Pilipino at maging ‘Agents Of Progressive Transformation’ ang mga pulis sa ilalim ng bagong pinuno ng organisasyon.
Sa ganitong paraan aniya matitiyak na ligtas ang bawat komunidad sa buong bansa.
Giit pa ni Pangulong Marcos, mahalaga na manatiling mapanuri sa harap ng mga hamon at pagkakataon habang sinisikap na itaguyod ang isang bagong Pilipinas. – sa panunulat ni Jenn Patrolla – sa ulat mula kay Gilbert Perdez ( Patrol 13).
