Nahablutan ng bag at nakaladkad pa ng dalawang snatcher na naka-motorsiklo ang isang babae sa Sampaloc, Maynila.
Batay sa ulat, naglalakad noon ang biktima nang dumaan ang dalawang lalaking naka motorsiklo at hablutin ang bag nito.
Muntik pang masagasaan ng kotse ang babae at nagtamo rin ng sugat.
Nahuli naman ang mga suspek sa isang checkpoint nitong linggo dahil walang helmet at plaka ang motorsiklo.
Nakuha rin sa mga ito ang bag ng biktima ngunit hindi na nito nakuha ang kanyang pera at cellphone.
Nakatakda namang magsampa ng reklamo ang biktima laban sa mga suspek.—sa panulat ni Drew Nacino
