Muling tiniyak ng Metropolitan Waterworks and Sewerage System na hindi magkukulang ang supply ng tubig sa gitna ng pinangangambahang epekto ng tagtuyot sa susunod na taon.
Ayon kay MWSS Division Manager Engineer Patrick Dizon, wala silang nakikitang malalang water interruption sa 2024, dahil nakapaghanda na sila sa El Niño phenomenon.
Pagsisiguro pa ni Engineer Dizon, nasa 212.5 meters na ang water level ng Angat Dam, at target pa nila itong gawing 214 meters para mayroon silang sapat na imbak ng tubig.
Magsisimula ang tagtuyot sa Pebrero hanggang Mayo kung saan pwedeng umabot hanggang 41°C ang temperatura sa bansa. - sa panulat ni Charles Laureta
