Judith Estrada-Larino

Patay sa operasyon ng awtoridad sa Maguindanao ang umanoy spokesperson ng ISIS EA o Islamic State of Iraq and Syria-East Asia.

Kinilala ng Western Mindanao command ang nasawi na si Abdulfatah Omar Alimuden o Abu Huzaifah.

Ayon sa Westmincom, si Abu Huzaifah ang nangangasiwa sa financial transactions ng Daulah Islamiyah-Philippines patungo sa ISIS Central.

Nagsanib-puwersa ang mga tauhan ng 601st infantry brigade, 40th infantry battalion at intelligence units sa special operation na isinagawa sa barangay Poblacion sa Datu Saudi Ampatuan.

Tuloy-tuloy ang pagsirit ng inflation o bilis nang pagtaas ng presyo ng mga pangunahing bilihin at serbisyo sa nakalipas na buwan.

Ipinabatid ni PSA chief at National Statistician Claire Dennis Mapa na pumalo sa 5.4% ang inflation noong nakalipas na buwan na mas mabilis sa 4.9% na naitala noong Abril at 4.1% noong May 2021.

Ayon kay Mapa malaking factor sa mas mataas na antas ng inflation nitong Mayo ang mas mabilis na pagtaas ng presyo ng food and non-alcoholic beverages na may 4.9% inflation at 70. 1% share sa pagtaas ng pangkalahatang inflation sa bansa.

Isang maganda at masayang umaga ang hatid ng PHILHEALTH Group sa kanilang pagbisita sa Aliw Broadcasting Corporation at Insular Broadcasting System, Incorporated partikular sa mga studio DWIZ 882 AM at Home Radio 97.9 FM.

Pinangunahan ni PHILHEALTH Vice President for Corporate Affairs Group Dr. Shirley Domingo ang grupo sa kanilang studio visit na kauna unahan sa isang media organization.

Kabilang din sa mga bumisita sa DWIZ at Home Radio sina:

OIC Division Chief Servillano Medina, Ms. Pinky Aragones – Head, Media and Advertising Team ..Ms. Glo Pactores, PR Officer B at Ms. Dianna Marie Chua, PR Officer I

Layon ng hakbangin na mapalakas pa ang ugnayan ng DWIZ at Home Radio at PHILHEALTH para sa kapakanang pang kalusugan ng mga Pilipino sa anumang oras at pagkakataon.

Ang PHILHEALTH Team ay malugod na tinanggap ng ilang opisyal ng Aliw Broadcasting Corporation tulad nina Mr. Marvin Estigoy, Vice President for Sales and Marketing, Ms. Ana Cansino – HR&Admin Manager, Mr. Braggy Braganza – Station Manager, Home Radio, Mr. Tito Encarnacion, Sales Manager, Ms. Rochen Francisco, Senior Account Executive, DWIZ Anchor/Writer Drew Nacino at DWIZ News Director Judith Estrada-Larino.

Pinalalantad na ng LTO-NCR ang driver ng SUV na sangkot sa pag hit and run sa isang guwardya sa Mandaluyong City.

 Kasunod na rin ito nang inisyung show cause order ng LTO-NCR para sa itinakdang hearing sa kaso bukas, June 7.

Ayon kay LTO-NCR Director Atty. Clarence Guinto, umaasa silang lalantad ang driver at may-ari ng nasabing SUV sa pagdinig para malaman ang buong istorya sa insidente.

Ang biktimang si Christian Joseph Floralde ay naka-confine pa sa ospital matapos ma-hit and run ng naturang SUV habang nagmamando ng trapiko.

Tinukoy ng Mandaluyong Police ang isang puting Toyota RAV 4 na may plakang NCO 3781 na sangkot sa naturang hit and run incident.

Umaasa ang Department of Energy (DOE) na tutuparin ng Organization of the Petroleum Exporting Countries (OPEC) ang pangankong dagdagan ang produksyon ng langis.

Ito’y ayon kay Energy Assistant Secretary Gerardo Erguiza ay bilang tugon ng OPEC sa pangangailangan ng mundo sa supply ng langis sa gitna na rin ng bakbakan ng Russia at Ukraine.

Sinabi sa DWIZ ni Erguiza na hindi natuloy nuong Oktubre ang unang plinanong dagdag na produksyon ng langis ng OPEC.

Gayunman, nilinaw ni Erguiza na hindi lamang suppy ang problema sa isyu ng langis kundi nagkaruon din ng problema sa mismong refineries.

Walang pinagsisisihan si Health Secretary Francisco Duque III sa kanyang naging trabaho sa gobyerno na aniya’y pinakamahirap niyang posisyon sa pamahalaan.

Sinabi ni Duque na ibinigay at ginawa niya ang lahat bilang pinuno ng Deparrtment of Health (DOH) na kanyang unang pinangunahan nang maharap ang bansa sa AH1N1 pandemic.

Humingi pa ng pasensya si Duque kung hindi sapat ang naging performance nya bilang DOH Secretary na maaring ibigay na lamang sa iba lalo pa’t marami namang magaling na pwedeng maging kalihim ng ahensya.

Una nang inihayag ni Duque na babalik siya sa kanyang home province kapag natapos na ang termino bilang DOH Secretary.

Si Duque ay itinalaga ng Pangulong Rodrigo Duterte sa DOH nuong 2017 matapos na ibasura ng Commission on Appointments (CA) si Paulyn Ubial at naging DOH Secretary rin sa ilalim ng Arroyo administration at naging Chairman ng Civil Service Commission (CSC) nuong Aquino administration.

Binalaan ng PAGASA ang publiko sa mga biglaang buhos ng ulan sa ilang bahagi ng Southern Tagalog at mga karatig lugar.

Dahil ito sa Low Pressure Area (LPA) na ayon sa PAGASA ay pinakahuling namataan sa layong 60 kilometro, kanluran ng Romblon.

Sinabi ng PAGASA na malabo pang lumakas at maging ganap na bagyo ang naturang LPA subalit magdadala pa rin ng ulan kahit malayo na rin ito sa Luzon landmass.

Nakapagdiwang na ng Independence Day ang mga Pilipino sa New York, USA sa kauna-unahang pagkakataon sa nakalipas na dalawang taon matapos manalasa ang COVID 19 pandemic.

Libu-libong Pinoy ang nagtungo sa Manhattan para ipagdiwang ang ika-124 Independence Day at makilahok sa isa sa pinakamalaking parada ng mga Pinoy sa Amerika sa gitna ng pandemya.

Isinara ang kahabaan ng Madison Avenue matapos makiisa sa pagdiriwang ang mga miyembro ng 121 Pinoy community organizations.

Ang nasabing event ay inorganisa ng Philippine Independence Day Council (PIDC).

Huling araw na ng operasyon ng Quirino grandstand field hospital sa Maynila.

Dahil dito, hinikayat ng Manila City Government ang publiko na samantalahin na ang kanilang drive thru vaccination at drive thru testing na mag-o-operate hanggang mamayang alas-5 ng hapon na lamang.

January 13 nang magsimula ng kanilang operasyon ang nasabing 24/7 vaccination na hindi lamang sa mga residente ng Maynila bukas kundi maging sa iba pang lugar

Ayon sa Manila Public Information Office, mahigit 85,000 indibidwal na ang nabakunahan sa halos limang buwang operasyon ng Quirino grandstand field hospital.

Hindi naman tinukoy ang dahilan nang pagsasara ng nasabing field hospital bagama’t tuluy-tuloy ang operasyon ng 44 na health centers, 6 na district hospitals at 4 na mall.

Patuloy na mataas na gasolina.

Ito ang pangunahing pinapasan ng mga mangingisda ayon kay Fernando Hicap, National President ng Pamalakaya bukod pa sa tumaas ding presyo ng mga gamit nila sa pangingisda.

Hirap na hirap aniya ang mga mangingisda subalit nagsasakripisyo pa rin para lamang makaraos sa bawat araw.

Gayunman, ipinabatid sa DWIZ ni Hicap na maraming mangingisda na rin ang naghanap na ng ibang trabaho dahil sa kakarampot na kita sa pangingisda.