Judith Estrada-Larino

Kontra si Incoming National Security Adviser Clarita Carlos sa pagre-red tag na wala aniyang magandang resulta.

Sa halip, binigyang diin ni Carlos na pagtutuunan nila ng pansin ang pag resolba sa ugat ng insurgency.

Sinabi ni Carlos na hindi tamang gumamit ng kung anu-anong label at akusahan ang kung sinu-sinong personalidad na komunista dahil tutugunan aniya ng Marcos administration ang mga usapin ng kakulangan ng oportunidad at kawalang katarungan na siyang nagreresulta sa insurgency.

Ayon pa kay Carlos, hindi lamang sa economic life ng bansa nakatutok ang Natinal Security kundi dapat ding makunsider dito ang human, food, energy at water security.

Determinado si Incoming National Security Adviser Clarita Carlos ang pagsusulong ng critical engagement sa China kaugnay sa usapin ng West Philippine Sea.

Ito ayon kay Carlos ay matapos nilang pag usapan ni President Elect Ferdinand Bongbong Marcos, Jr. ang relasyon ng Pilipinas sa China.

Sinabi ni Carlos na tututukan niya ang pakikipag ugnayan sa China at ipinag-utos na rin aniya ni Marcos ang pagpapalakas nito sa lahat ng antas at aspeto.

Nagkakasa na ng Model of Intervention ang DSWD kaugnay sa isyu ng unintended pregnancy.

Ipinabatid ni DSWD Undersecretary Luzviminda Ilagan na ang nasabing model ay kontribusyon ng kanilang ahensya para sa social protection ng Filipino adolescents.

Sinabi ni Ilagan na mahalagang maipagpatuloy ang mga programa para tugunan ang unintended pregnancy lalo na’t mahigpit naman ang ugnayan ng mga kinauukulang ahensya sa pangunguna ng Population Commission (POPCOM).

Determinado si incoming National Security Adviser Clarita Carlos ang pagsusulong ng critical engagement sa China kaugnay sa usapin ng West Philippine Sea (WPS).

 Ito’y ayon kay Carlos ay matapos nilang pag-usapan ni President-elect Ferdinand Bongbong Marcos, Jr. ang relasyon ng Pilipinas sa China.

Sinabi ni Carlos na tututukan niya ang pakikipag-ugnayan sa China at ipinag-utos na rin aniya ni Marcos ang pagpapalakas nito sa lahat ng antas at aspeto.

Nagkakasa na ng model of intervention ang Department of Social Welfare and Development (DSWD) kaugnay sa isyu ng unintended pregnancy.

 Ipinabatid ni DSWD Undersecretary Luzviminda Ilagan na ang nasabing model ay kontribusyon ng kanilang ahensya para sa social protection ng Filipino adolescents.

 Sinabi ni Ilagan na mahalagang maipagpatuloy ang mga programa para tugunan ang unintended pregnancy lalo nat mahigpit naman ang ugnayan ng mga kinauukulang ahensya sa pangunguna ng Population Commission (POPCOM).

Nagsanib pwersa ang (UNFPA) United Nations Populations Fund, (PLCPD) Philippine Legislators Committee on Population and Development Foundation Incorporated at POPCOM para palakasin ang kampanya sa isyu ng unintended pregnancy sa bansa.

Katuwang ang DSWD, DOH at DepEd, isinulong sa isinagawang forum ang pagbibigay ng mas kumprehensibong mga paraan para ma protektahan ang mga kabataan sa unintended pregnancy na bumaba ang kaso dahil na rin sa masigasig na pagkilos ng popcom bilang nangungunang ahensya sa usapin ng populasyon.

Ikinakasa ng mga kinauukulan ang proteksyon sa mga kabataang nakaranas ng teenage pregnancy na anila’y hindi lamang women issue kundi kailangang maisulong ang mga usapin ng maternal child care, social protection at pag i invest o pagtutok sa mga kababaihan para magsilbing modelo sa women empowerment.

Sa pamamagitan nito anila ay matuturuan at mabibigyan ng tamang impormasyon ang mga kababaihan para sa kalayaan nito sa self care at maging ang mga magulang na gumagabay sa mga kabataan upang maging responsable sa kanilang mga sarili.

Kasabay nito, umapela ang mga nasabing ahensya sa publiko na tumulong para matutukan at masolusyunan ang isyu ng unintended pregnancy sa bansa.

Sumalpok sa tatlong concrete barriers ang isang puting SUV sa kahabaan ng Boni Serrano Avenue sa boundary ng San Juan at Quezon City.

Ayon sa mga otoridad, durog ang mga nasabing concrete barrier sa lakas nang pagkakabangga ng nasabing SUV na nayupi rin ang harapang bahagi at pumutok ang isang gulong nito sa harapan.

Sinabi ng mga otoridad na ligtas at walang galos ang SUV driver samantalang isinara ang kalahati ng kalsada at mahigit isat kalahating oras bago naayos ang kalsada.

Sa kuwento ng security guard ng subdivision, humaharurot ang SUV na nag overtake pa sa isang motorsiklo bago nagdire-diretso sa concrete barriers.

May Go- Signal na ang ilang establisyimento para sa 100% capacity operation nito.

Ito ayon kay PCOO Secretary Martin Andanar ay matapos baguhin ng IATF ang guidelines sa implementasyon ng COVID-19 alert system.

Gayunman, sinabi ni Andanar na kailangang hingan ng proof of full vaccination ng mga establishment ang mga kasali sa mass gathering kapag 100% na ang operasyon ng mga ito.

Maging ang public transportation ay pinayagan na rin ng 100% full capacity sa Alert level 1.

Priority ng SBP o Samahang Basketball ng Pilipinas na makuha ang serbisyo ni Filipino American Jordan Clarkson para sa 2023 FIBA World Cup.

Ipinabatid ni SBP Executive Director Sonny Barrios na nananatiling option nila si Clarkson para sa nasabing torneo.

Ayon pa kay Barrios, bahala na si Gilas Pilipinas Coach Chot Reyes kung sino ang uubrang isamang naturalized player.

Hindi naman tinukoy ni Barrios kung sinong naturalized player ang target nilang kunin pero mas matangkad na manlalaro ang nasa listahan nila.

Binuksan na ng NKTI o National Kidney and Transplant Institute ang gymnasium nito para sa dumadaming dialysis patients na halos apat na beses na mas marami sa kapasidad ng emergency room ng ospital.

Ipinabatid ni Dr. Joseph Jaro, Deputy Executive Director for Hospital Support Services ng NKTI na sumipa na sa 158 ang na-a-admit sa ospital taliwas sa hanggang 40 pasyente lamang na kaya ng kanilang emergency room.

Mahirap aniya ang sitwasyon ngayon kaya’t binuksan na nila ang kanilang gymnasium at inilipat dito ang dalawampung pasyente para magamot ang mga ito.

Sinabi ni Jaro na mayorya ng 158 patients ay kailangang i-dialysis at 8 lamang dito ang COVID 19 positive na inilipat na rin nila sa COVID 19 unit ng NKTI.