Bukas pa rin ang pinto ng Samahang Basketbol ng Pilipinas (SBP) na makakuha ng dayuhang coach.
Ayon ito kay SBP Executive Director at Spokesperson Sonny Barrios bagama’t magpupulong pa sila ni Gilas Pilipinas Coach Chot Reyes hinggil dito.
Binigyang diin ni Barrios na mahalaga ring magkaruon ng foreign coach para mapag-aralan din ang mga style at strategy ng laro mula sa ibang bansa.
Malaki aniyang tulong ito lalo na’t sasabak ang Gilas Pilipinas sa FIBA World Cup sa susunod na taon.
Isinusulong ng Securities and Exchange Commission (SEC) at Bangko Sentral ng Pilipinas (BSP) ang anila’y batas hinggil sa digital assets para ma protektahan ang consumers.
Sinabi ni SEC Chairman Emilio Aquino na lumabag sa Securities Regulation Code ang karamihan sa mga ipinasara nilang kumpanya na dawit sa investment scams.
Mahalaga aniyang magkaruon ng batas na direktang tumatalakay sa digital asset upang higit silang maging mas epektibong tagapag patupad ng batas.
Ipinabatid naman ng BSP na mahalagang magkaruon ng batas para mas mapaigting pa ang pag regulate sa digital assets kabilang ang Financial Accounts Regulation Act.
Tatanggapin pa rin ng Department of Education(DepEd) ang mga late enrollee.
Kasunod na rin ito nang opisyal na pagtatapos ng enrollment kahapon kasabay nang pagbubukas ng klase para sa school year 2022-2023.
Ayon kay Atty Michael Poa, spokesman ng Dep Ed, ipinag utos ni Vice President at Education Secretary Sara Duterte-Carpio sa lahat ng public schools na tanggapin pa rin ang mga estudyanteng late nang pinagenrol ng kanilang mga magulang.
Binigyang diin ni Poa na hindi dapat ipagkait amg edukasyon sa mga batang Pilipino dahil late lamang sila nakapag enrol.
Hanggang kahapon, nasa 28, 035, 042 na ang pumasok sa eskuwelahan mula kindergarten hanggang senior high school.
Aatasan ng Department of Finance (DOF) ang local government units (LGUs) na huwag singilin ng buwis ang mga naka work from home.
Ito ayon kay Finance Undersecretary Antonette Tionko ay matapos nilang mabatid na marami sa mga employer ang nagkakaltas pa rin ng buwis sa mga empleyado nilang nagtatrabaho sa bahay.
Ang dapat aniyang buwisan ay ang kumpanyang gumagawa ng trabaho at negosyo at hindi ang mga empleyadong nagtatrabaho sa kanilang bahay.
Tiwala si Health OIC Maria Rosario Vergeire na irerekonsider ng mga mambabatas ang kaltas sa pondo ng PGH o Philippine General Hospital sa susunod na taon.
Una nang kinaltasan ng 800 million pesos ang panukalang 2023 budget ng PGH.
Tiniyak ni Vergeire na tutulungan nila ang UP-PGH para makakuha ng dagdag na pondo sa susunod na taon.
Binigyang-diin ni Vergeire na premyadong ospital ang PGH na mayroong kumpleto at de kalidad na equipment at serbisyo kaya’t dapat lang na mabigyan ng dagdag na pondo.
Kasado na ang paghahatid ng ayuda ng DSWD sa mga naapektuhan ng bagyo sa Northern at Central Luzon.
Ipinabatid ito ni DSWD Secretary Erwin Tulfo sa gitna na rin nang patuloy na pag-monitor sa galaw ng bagyo.
Sa ngayon aniya ay naka-preposition na ang kanilang relief items sa regional at provincial offices nila at handa na rin ang kanilang mga tauhan na mamamahagi nito sa evacuation centers.
Batay sa pinakahuling report, nasa 134 families o mahigit 500 individuals ang inilikas mula sa Cagayan dahil sa bagyong Florita.
Mapapasakamay ng isang mananaya ang mahigit P72-M na premyo sa MegaLotto 6/45 draw.
Ayon sa PCSO, nakuha ng nasabing bettor ang winning numbers combination na 20, 33, 30, 10, 08 at 34.
Samantala, wala namang nagwagi sa pinakahuling draw ng Grand Lotto 6/55 na ang pot money ay nasa halos P91- M.
Ayon sa PAGASA, ang sentro ng bagyong Florita ay pinakahuling namataan sa layong 215 kilometers Silangan Ng Casiguran, Aurora at kumikilos pa Kanluran Timog Kanluran sa bilis na 15 kilometro kada oras.
Taglay ng bagyong Florita ang pinakamalakas na hanging umaabot sa 75 kilometro kada oras malapit sa gitna at may pagbugso na umaabot sa 90 kilometro kada oras.
Ipinabatid ng PAGASA na batay sa direksyon ng bagyong Florita , posibleng mag landfall ito sa vicinity ng east coast ng Cagayan o Northern Isabela bukas ng hapon.
Nasa public storm signal number 2 ang eastern portion ng Cagayan tulad ng Enrile, Tuguegarao City, Peniablanca, Iguig, Baggao, Gattaran, Lal-Lo, Gonzaga, Sta Teresita, Buguey at Sta Ana , Eastern portion ng isabela tulad ng cabagan, san pablo, sta maria, maconacon, divilacan, palanan, san Mariano, Ilagan City, Delfin Albano, Tumauini, Sto Tomas, Quezon, Mallig, Roxas, Quirino, San Manuel, Aurora, Cabatuan, Luna, Burgos, Gamu, Reina Merdedes, Cauayan City, Alicia, San Isidro, Echague, Jones, San Agustin, San Guillermo, Angadanan, Naguilian, Benito Soliven at Dinapigue, Dulong Hilagang Bahagi Ng Aurora – Dilasag At Casiguran At Northeastern Portion Ng Quirino – Maddela.
Kabilang naman sa mga nasa public storm signal number 1 ang nalalabing bahagi ng Cagayan, Isabela At Quirino, Nueva Vizcaya, Apayao, Abra, Kalinga, Mountain Province, Ifugao, Benguet, La Union, Ilocos Norte, Ilocos Sur, Northern Portion Ng Aurora – Dinalungan, Dipaculao, Baler, Maria Aurora, San Luis at Northern Portion Ng Polillo Island – Panulikan At Burdeos.
Inaasahang tutulak ngayong araw na ito pa Beirut, Lebanon ang Gilas Pilipinas.
Makakaharap ng Gilas Pilipinas sa August 25 ang tropa ng Lebanon sa fourth window ng FIBA World Cup Asian Qualifiers at babalik sa bansa sa August 29 para naman sa pakikipag bakbakan sa Saudi Arabia.
Nakumpleto na ang Gilas sa pinakahuling ensayo nito kahapon matapos makasama rito si Barangay Ginebra forward Japeth Aguilar na una nang nag positibo sa COVID-19.
Posibleng magtaas ng presyo ng tinapay sa mga susunod na linggo.
Ayon ito kay Luisito Chavez, acting President ng Asosasyon ng Panaderong Pilipino, matapos gumalaw ang presyo ng mga sangkap sa paggawa ng tinapay partikular ang asukal.
Sinabi ni Chavez na hindi sapat kahit pa nabawasan ang presyo ng asukal dahil tumaas talaga ang iba pang sangkap tulad ng harina.