Judith Estrada-Larino

Lumakas pa ang Bagyong Karding at isa nang severe tropical storm habang kumikilos pa Kanluran Timog Kanluran.

Ang sentro ng Bagyong Karding ay pinakahuling namataan sa layong 660 kilometers Timog Silangan ng Tuguegarao City.

Taglay ng Bagyong Karding ang pinakamalakas na hanging umaabot sa 100 kilometers kada oras malapit sa gitna at may pagbugso na umaabot sa 125 kilometers kada oras.

Ang Bagyong Karding ay kumikilos pa kanluran timog kanluran sa bilis na 25 kilometers kada oras.

Ang Public Storm Signal Number 2 ay nakataas sa Timog Silangang bahagi ng Isabela o sa Dinapigue, Hilagang bahagi ng Aurora o Dinalungan, Casiguran at Dilasag gayundin ang Pollilio Islands.

Nasa Public Storm Signal Number 1 naman ang southern portion ng Cagayan, nalalabing bahagi ng Isabela, Quirino, Nueva Vizcaya, Southern Portion ng Apayao, Abra, Kalinga, Mountain Province, Ifugao, Benguet, Southern Portion ng Ilocos Norte, Ilocos Sur, La Union, Pangasinan, nalalabing bahagi ng Aurora

Gayundin ang Nueva Ecija, Tarlac, Bulacan, Pampanga, Zambales, Bataan, Metro Manila, Northern at Central Portions ng Quezon, Rizal, Laguna, Cavite, Northern Portion ng Batangas, Camarines Norte, Northern at Eastern Portion ng Camarines Sur at Northern Portion ng Catanduanes.

Inaasahang mas lalakas pa ang bagyong karding bago ito mag landfall sa central o Northern Luzon.

Ayon pa sa PAGASA, ang Bagyong Karding ay posible ring humina ito ng bahagya pag landfall habang papatawid ng Central at Northern Luzon.

Bahagyang lumakas ang Bagyong Karding habang kumikilos pa Kanluran Timog Kanlurang direksyon.

Ang sentro ng Bagyong Karding ay pinakahuling namataan sa layong 795 kilometers Silangan ng Tuguegarao City, Cagayan.

Taglay ng Bagyong Karding ang pinakamalakas na hanging umaabot sa 85 kilometers kada oras malapit sa gitna at may pagbugso na umaabot sa 105 kilometers kada oras.

Ang Bagyong Karding ay kumikilos pa kanluran timog kanluran sa bilis na 15 kilometers kada oras.

Ang tropical cyclone wind signal number 1 ay nakataas sa Isabela, Nueva Vizcaya, Quirino, the Southern Portion of Mainland Cagayan (Peñablanca, Tuguegarao City, Iguig, Solana, Tuao, Enrile), Kalinga, Mountain Province, Ifugao, Aurora, and the Northern And Eastern Portions of Nueva Ecija (Carranglan, Pantabangan, Gabaldon, Bongabon, Laur, Rizal, San Jose City, Lupao, Llanera, General Mamerto Natividad, Palayan City, General Tinio).

Ayon sa PAGASA, posibleng umakyat sa Signal 3 ang epekto ng Bagyong Karding at Signal Number 4 naman sakaling lumakas pa ito habang papa landfall.

Antabayanan ang update sa galaw ng bagyong karding mamayang alas- 11  ng umaga.

Isusulong ng Department of Foreign Affairs (DFA) ang visa free entry ng mga Pilipino sa Japan.

Sa gitna na rin ito ng rekomendasyon nina Senate President Juan Miguel Zubiri at Sagip Party List Representative Rodante Marcoleta sa isinagawang pagdinig ng Commission on Appointments Committtee on Foreign Affairs na mapayagan ng Japanese government ang pagpasok ng mga Pinoy sa nasabing bansa ng walang visa.

Tiniyak ni Ambassador Extraordinary and Plenipotentiary to Japan Mylene Garcia-Albano ang naturang rekomendasyon ng mga mambabatas.

Sa idinaos na bilateral talks ng Pilipinas at Japan kabilang sa priority ang visa free entry, food security, energy, health, education, trade and investment at tourism.

Pormal nang nai-turn over ng Civil Aviation Authority of the Philippines (CAAP) ang anim na airports sa Bangsamoro Autonomous Region in Muslim Mindanao (BARMM).

Kabilang sa mga paliparang ito ang Cotabato Airport sa Datu Odin Sinsuat, Maguindanao del Norte Sanga-Sanga at Mapun Airports sa Tawi Tawi, Jolo Airport sa Sulu at Wao at Malabang Airports sa Lanao del Sur.

Nakasaad sa Memorandum of Agreement ng CAAP at BARMM na ang Bangsamoro Ministry of Transportation and Communications sa pamamagitan ng Bangsamoro Airport Authority ang magti-take over sa mga assets gayundin sa management at supervision sa mga airport.

Dumipensa ang isang grupo ng UV express drivers sa iginigiit nilang pisong dagdag sa pasahe.

Ito ay matapos aprubahan ng Land Transportation Franchising and Regulatory Board (LTFRB) ang dagdag pasahe sa mga pampublikong sasakyan tulad ng jeep, taxi at Transport Network Vehicle Services (TNVS) epektibo sa October 4  maliban lamang sa UV express.

Ayon kay George Jalandoni, Executive Secretary ng Alliance of Uv Express Association of the Philippines  hindi na nila talaga kakayanin ang presyo ng krudo kaya’t humihingi sila ng pisong dagdag sa pasahe na sa tingin naman nila ay makatuwiran.

Tutumbasan naman aniya nila ng mas magandang serbisyo ang aaprubahang dagdag pasahe sa mga sumasakay sa UV express.

Umapela pa si Jalandoni sa publiko na unawain sila dahil kailangan din naman nilang makaagapay sa pandemya.

Sinabi ni Jalandoni na naibalik na ang halos lahat ng kanilang pre-pandemic route subalit hindi pa bumabalik ang dating dami ng kanilang mga pasahero.

Nakipagkita na ang Pangulong Ferdinand Bongbong Marcos, Jr. sa mga pangunahing opisyal ng United Kingdom at Japan gayundin sa iba pang economic leaders.

Kabilang sa mga nakausap ng pangulo ..bilang sideline sa kanyang pagdalo sa United Nations General Assembly sa New York, USA sina dating UK Prime Minister Anthony Charles Lynton Blair, Executive Chain ng Tony Blair Institute for Global Change.

Ayon sa pangulo, napag-usapan nila ni Blair ang aniya’y optimistic peace process sa Bangsamoro Autonomous Region in Muslim Mindanao  (BARMM) at tinutukan ang mga hakbangin para tugunan ang mga pangunahing usapin sa global economy tulad ng food security, climate action at trade.

Bukod kay Blair, nakipagpulong din si PBBM kay Japanese Prime Minister Fumio Kishida kung saan tinalakay nila ang pagpapalakas ng kooperasyon sa priority areas para sa kanyang administrasyon tulad ng agrikultura, enerhiya, kalusugan at imprastruktura.

Ipinabatid naman ni Japanese Foreign Ministry Press Secretary Hikariko Ono ang ipinaabot ni Kishida na suporta ng Japanese government para sa minimithi ng Marcos Jr. administration na gawing upper middle income country ang Pilipinas sa 2023.