Judith Estrada-Larino

Nakatanggap na ang nasa mahigit 40,000 estudyante ng cash assistance sa Central Visayas.
Ito’y matapos maglabas ang Department of Social Welfare and Development o DSWD Central Visayas ng nasa 112.72 million na halaga ng educational assistance.
Karamihan sa mga nakatanggap ng cash assistance ay nasa 16,898 na estudyante mula sa kolehiyo, 10,381 na estudyante mula sa elementarya, 8,519 na estudyante mula sa junior high at 5,904 na estudyante mula sa senior high.
Batay sa datos ng DSWD, ang Cebu ang may pinakamadaming benepisyaryo na naitala sumunod naman ang Negros Oriental, Bohol, Siquijor.
Samantala, natapos ang nasabing programa noong Setyembre, 24, 2022.

Halos 50% na ang naitatalang kaso ng BA.5 Omicron subvariant kumpara sa ibang variant na nasa bansa.
Sa katunayan, ipinabatid ni DOH-OIC Maria Rosario Vergeire na muli silang nakapagtala ng dagdag na 1, 200 new cases ng BA.5 Omicron subvariant, batay sa pinakahuling sequencing results mula September 24 hanggang 26.
Nasa 1, 199 ang local cases at isa ay mula sa isang Pinoy na galing sa ibang bansa.
Samantala, nasa 33 naman ang BA.4 Omicron subvariant na na-detect ng DOH at 31 rito ay mula sa Soccsksargen kung saan dalawa ay mula sa Northern Mindanao.
Sinabi pa ni Vergeire na nakapagtala rin ang DOH ng siyam na local cases ng delta variant at lima rito ay mula Soccsksargen, tatlo sa Caraga at isa naman sa Cordillera Administrative Region.
Naitala rin ang tatlong bagong kaso ng BA.2.75 Omicron subvariant at dalawang kaso ay BA.2.12.1.
Inihayag pa ni Vergeire na bahagi ng lifecycle ng nasabing virus ang pag-mutate.

Pangalagaan ang pagkakaibigan ng Pilipinas at China.

Ito ang mensahe ni Chinese Ambassador Huang Xilian para sa Pilipinas sa kanyang talumpati sa ika-73 Anibersaryo nang pagkakatatag ng People’s Republic of China.

Ayon kay Huang, dapat maayos ng Pilipinas at China ang differences o pagkakaiba ng mga ito at humanap ng mapayapang solusyon sa pamamagitan ng friendly consultations para sa mas magandang relasyon ng dalawang bansa.

Binigyang diin ni Huang na handa ang China na makipag tulungan sa Pilipinas upang magkatuwang na maipatupad at sundin ang blueprint tungo sa  aniya’y bagong “golden era” sa bilateral relations.

Suportado ni Senador Francis Tolentino ang 100% pag- aayos ng Electoral System sa bansa.

Sinabi ni Tolentino na hindi makukuha sa paisa-isang pag amyenda lamang sa Omnibus Election Code ang pag resolba sa Electoral System.

Kaugnay nito, binuhay muli ni Tolentino ang pagdaraos ng hybrid elections dahil kailangang mag exist ang transparent subalit manual counting process, bagama’t kailangan din ang mabilis na pagpapalabnas ng resulta ng halalan mula sa automated transmissions.

Ikinasa ng Department of Education ang kinakailangang adjustments sa anito’y learning delivery dahil sa suspensyon ng klase.

Para maabot ang learning competencies, ipinabatid ng DepEd na dapat magpatupad ng make-up classes, modular distance learning, performance tasks at projects.

Sinabi pa ng DepEd na dapat ding ikunsidera ang attendance at completion ng learning tasks ng mga estudyante dahil sa suspensyon ng klase dulot ng bagyo at iba pang-kalamidad.

Mayruon naman anitong responsibilidad ang mga magulang para tutukan ang mga anak nila na makatapos sa mga itinakdang proyekto.

Kasabay nito, sakaling walang anunsyo ng suspensyon ng klase sa isang lugar, inihayag ng DepEd na bahala na ang magulang o guardian kung papasukin ang estudyante batay na rin sa physical at mental health nito.