Author

Judith Estrada-Larino

DWIZ 882

Pangulong Duterte nakatakdang magsagawa ng public address sa Lunes

Nakatakdang magsagawa ng public address ang Pangulong Rodrigo Duterte sa Lunes, August 24.

Ipinabatid ito ni Presidential Spokesman Harry Roque bagama’t hindi tinukoy ang magiging laman ng pagharap muli sa publiko ng pangulo sa susunod na linggo.

Binigyang diin ni Roque na nasa Davao lamang ang Pangulong Duterte na nagta trabaho pa rin.

Sa katunayan sinabi ni Roque na tambak ang mga dokumentong kailangang pag-aralan at pirmahan ng Pangulong Duterte.

August 3 nang umuwi ng Davao ang Pangulong Duterte at hindi pa ito bumabalik ng Maynila.

August 20, 2020 0 comment

HEADLINES NATIONAL NEWS

Pinoy tech experts gumawa ng COVID-19 apps para malabanan ang pandemic

written by Judith Estrada-Larino

Gumawa ng games at applications ang mga Pinoy tech experts para malabanan ang pagkalat ng coronavirus disease 2019 (COVID-19).

Ang dalawang mobile applications ay idinisenyo para matulungan ang medical frontliners at higit na maging mabilis ang contact tracing.

Mayruon ding bagong computer game para mas madaling maintindihan ang “The new normal”.

Una rito ang “In The Time of Pandemia” na isang simulation game mula kay game developer khail santia kung saan sinusubukan ng player na i-manage ang krisis sa isang lugar na ginupo ng COVID-19.

Layon ng nasabing laro na: ma-minimize ang bilang ng mga patay, mapababa ang kaso at magastos ng maayos ang public funds at magagawa ito sa pamamagitan ng pagkuha ng test kits, testing, isolation, lockdown at treatment.

Ikalawa ang SINAT app kung saan ang kahulungan ng SINAT ay smart intuitive and non-contact assessment triagingna ginawa ng volunteer developers para makatulong sa medical frontliners.

Maaaring gawing improvised temperature scanning devices ang smartphones gamit ang isang special wireless device para madaling maikunsulta ng users ang mga sintomas sa medical experts na magsasabi sa kanila kung kailangan ng dagdag testing.

Ikatlo ang EDDIE app kung saan si EDDIE ay isang emergency dispatcher app na nagbibigay daan sa mga tao para sa kahilingang medical transfers sa emergency situations.

Makakatulong din ang EDDIE app sa mga frontliners at health workers para makahanap ng libreng sakay sa mga government authorized vehicles sa panahon ng lockdown.

August 20, 2020 0 comment

HEADLINES

May-ari ng MV Vienna Wood, pamilya ng mga mangingisda na sakay ng FV Liberty 5 nagka-areglo na

written by Judith Estrada-Larino

Nauwi sa areglo ang aksidente sa pagitan ng mga Pilipinong mangingisda na sakay ng isang bangkang binangga ng isang barko sa Mamburao, Occidental Mindoro nitong nakalipas na June 27.

Ayon ito kay Philippine Coast Guard Commandant Admiral George Ursabia, Jr. kung saan itinakda sa Lunes, August 24 ang formal settlement sa kanilang headquarters sa port area sa Maynila.

Ito ay matapos pumayag ang mga mangingisdang sakay ng FV Liberty 5 na makipagkasundo sa MV Vienna Wood na nakabangga sa kanila.

Ipinabatid ni ursabia na tatanggap ng tig-P1-M mula sa MV Vienna Wood ang pamilya ng 12 Pinoy fishermen na nawawala at dalawa pang sakay ng FV Liberty 5.

Samantala ang Irma Fishing and Trading Incorporated na may-ari ng FV Liberty 5 ay tatanggap ng settlement amount na 40-M mula sa Mv Vienna Wood na naka-rehistro sa Hong Kong.

August 20, 2020 0 comment

RONDA PROBINSYA

Magkapatid sa Davao City patay dahil sa dengue

written by Judith Estrada-Larino

Patay sa dengue ang isang magkapatid sa Davao City.

Kasama ang mga biktimang may edad walo at tatlo sa apat na tinamaan ng dengue sa Barangay Calinan Proper.

Sa ginawang inspeksyon ng barangay at city health office nadiskubre ang maraming kiti-kiti sa mga imbakan ng tubig kaya’t kaagad nagsagawa ng community cleaning at house to house information dissemination ang lokal na pamahalaan ng Davao City.

August 20, 2020 0 comment

NATIONAL NEWS

Enrollees sa ALS bumagsak ayon sa DepEd

written by Judith Estrada-Larino

Malaki ang nabawas sa mga enrollees ng alternative learning system (ALS) ngayong pasukan dahil sa epekto pa rin ng coronavirus disease 2019 (COVID-19) .

Sa pagdinig ng House Committee on Sustainable Development ipinabatid ni Education Undersecretary Nepomuceno Malaluan na nasa 48. 2 % o halos kalahati ang nabawas sa mahigit 700,000 enrollees nuong 2019 o nasa mahigit 350,000 enrollees na lamang ngayong pasukan.

Sinabi ni Malaluan na limitado ang kapasidad at galaw ng mga guro ng ALS ngayong COVID-19 pandemic kaya’t hirap din sila sa pagpapatupad ng remote o distance learning kumpara sa formal schooling.

Hindi aniya tulad ng formal learning kung saan kada baytang ang pagsulong ng isang mag-aaral sa ALS ay oras na matapos ang buong programa diretso na sa equivalency test ang mga estudyante rito.

Dahil sa limitasyon inihayag ni Malaluan na hindi muna maipapatupad ngayong may pandemic ang senior high school equivalency sa ALS kung saan nakapaloob ang skills training subalit hindi naman uubra ang workshop based skills training para rito dahil sa kawalan ng face to face classes.

August 20, 2020 0 comment

NATIONAL NEWS

Pagbibigay benepisyo sa PhilHealth mas mapabubuti na ngayon — Roque

written by Judith Estrada-Larino

Tiwala ang Malakaniyang na higit na mapapabuti ang pagbibigay benepisyo sa mga miyembro ng PhilHealth.

Ito ayon kay Presidential Spokesman Harry Roque ay kasunod ng desisyon ng Ombudsman na suspendihin ng anim na buwan ang 13 PhilHealth officials .

Sinabi ni Roque na tiyak na mapupunta na sa kaban ng PhilHealth ang pondo at hindi na sa bulsa ng mga tiwaling opisyal.

Malaki pa rin aniya ang pag asang maayos na maipatupad ang Universal Health Care na una na niyang isinulong dahil marami pa namang matitino sa PhilHealth maliban sa nabunyag na mafia sa ahensya.

August 20, 2020 0 comment

HEADLINES

Ilang jeepney drivers sa Makati tutulong sa mobile learning hub ng lungsod

written by Judith Estrada-Larino

Makakatuwang ng Makati City government ang ilang jeepney drivers dito para sa mobile learning hub ng nasabing lungsod kung saan naka-enrol na ang halos 83,000 mag-aaral sa public at private schools dito.

Sinabi ni Makati City Mayor Abby Binay na makakasama rin nila ang mga guro at librarian para matulungan ang mga mag-aaral at magulang na makasabay sa blended learning.

Ayon kay Binay nakipag-ugnayan na sila sa Makati Jeepney Operators and Drivers Association (MJODA) para sa unang 27 jeepney drivers na mag-iikot sa mga barangay kapag nagsimula na ang klase sa buwan ng Oktubre.

Ipinabatid ni Rita Riddle, program director ng Makati Education Department na P2,000 ang ibabayad nila kada araw sa bawat isang jeep.

Sa pagbubukas ng klase ang mga jeep ang magsisilbing mobile learning hubs at mag-iikot sa mga barangay sakay ang mga guro at librarian pati na mga libro at iba pang learning materials at mga laptop na may internet connection.

Pangunahing tututukan sa programa ang mga mag-aaral na walang gadget o anumang learning tool at mga magulang na mahihirapang gabayan at turuan ang kanilang mga anak gamit ang self-directed learning modules.

August 20, 2020 0 comment

NATIONAL NEWS

Batanes natatanging lalawigan na nananatiling COVID-19-free

written by Judith Estrada-Larino

Nananatiling coronavirus disease 2019 (COVID-19)-free ang lalawigan ng Batanes.

Ang Batanes ang natatanging lalawigan sa bansa na wala pang naitatalang kaso ng COVID-19 kaya’t normal ang pamumuhay ng mga residente nito.

Ang mga residente ay malayang nakalalabas ng kanilang mga bahay ng walang suot na face mask.

Una nang ipinagmalaki ng provincial government ng Batanes na naging maagap sila sa pagsasara ng lahat ng entry at exit points ng probinsya para matiyak na ligtas ang mga residente at hindi makapasok ang virus.

August 20, 2020 0 comment

HEADLINES RONDA PROBINSYA

2 lalaki dinampot sa pagtatapon ng kemikal sa ilog sa Tuy, Batangas; ilog bumula

written by Judith Estrada-Larino

Dinampot ang dalawang lalaki matapos magtapon ng nakalalasong kemikal sa ilog ng Tuy sa Batangas.

Una nang ikinabahala ng mga residente sa lugar ang nakitang malalaking bula na mayroong masasang na amoy sa ilog na sakop ng Barangay Sabang.

Nag-trending pa sa social media ang mga larawan na kuha ng isang Darwin Mendoza dahil sa biglaang paglitaw ng malalaking bula.

Lumabas sa imbestigasyon ng Tuy Municipal Police Station na ang malalaking bula ay dulot ng mga itinapong kemikal sa ilog.

Naaktuhan ang mga suspek na nagtatapon ng galon-galong kemikal sa nasabing ilog.

August 20, 2020 0 comment

HEADLINES NATIONAL NEWS

Suspensyon order mula Ombudsman ‘di pa natatanggap ng PhilHealth

written by Judith Estrada-Larino

Wala pang nakukuhang kopya ang PhilHealth kaugnay sa kautusan ng Ombudsman na suspensyon sa ilang opisyal nito.

Nabatid na blangko rin ang mga nasabing opisyal sa kasong pinagbatayan ng Ombudsman para suspindihin sila.

Sinabi ng PhilHealth na kaagad itong magpapalabas ng komento kapag napasakamay na ang Ombudsman order.

August 20, 2020 0 comment

Newer Posts

Older Posts