Judith Estrada-Larino

Magtatakda ng standard compensation rate ang Inter-Agency Task Force (IATF) sa mga Pilipinong sasali sa clinical trials para sa coronavirus disease 2019 (COVID-19) vaccines.

Inanunsyo ito ni Department of Science and Technology (DOST) Secretary Fortunato Dela Peña na una nang tinukoy ang mga lugar kung saan isasagawa ang clinical trials.

Sinabi ni Dela Peña na mayroong kaukulang bayad para sa mga araw na hindi nagtata-trabaho ang mga sasali sa clinical trial babakunahan sila ng dalawang beses.

Wala pa naman aniyang halagang pinag-uusapan ang IATF at ethics research board ng DOST.

Tinawag na katangahan ni dating Senior Associate Justice Antonio Carpio ang pagpayag sa China-backed Dito telecommunity na magtayo ng cell towers sa loob ng military camps sa gitna ng banta nito sa pambansang seguridad.

Ayon kay Carpio, ang go-signal ay katumbas nang pagpayag na rin sa China na maglagay ng i “listening device” sa teritoryo ng Pilipinas kasabay nang paggigiit sa kakayahan ng East Asian giant na maglagay ng spy software at applications sa pamamagitan ng towers.

“I think it’s very dumb of us to allow those towers to be installed inside military camps,” ani Carpio sa panayam ng CNN Philippines’ The Source.

Just imagine, putting a tower inside of the military camp— and the equipment, all those chips on these towers are made in China, they can just put in spy firmware, the software come from China,” paliwanag pa niya.

Maaari aniyang magamit ang nasabing spy applications sa eavesdropping o pagrecord ng pag-uusap ng mga tao kahit naka-off ang mobile phones.

“You ask any security analyst who’s familiar with cybersecurity, and they will tell you, absolutely do not allow towers to be installed in your military camps. Because it’s like allowing China to put a listening device in your conference room… I think it’s a no-brainer,” pagbibigay-diin ni Carpio.

Una nang kinumpirma ni Defense Secretary Delfin Lorenzana na lumagda siya sa isang kasunduan na nagpapahintulot sa third telco na magtayo ng cell towers sa loob ng mga kampo ng militar.

Kahit si Lucifer ay uubrang i-appoint ng Pangulong Rodrigo Duterte.

Reaksyon ito ni Senador Panfilo Lacson matapos italaga ng pangulo si dating police officer Cezar Mancao II bilang executive director ng cybercrime investigation and coordinating center.

Sinabi ni Lacson na kahit sino ay pupuwedeng italaga ng pangulo, anghel o demonyo, o kahit pa si Lucifer, dahil ‘yan ay prerogative ng pangulo.

Magugunitang inakusahan ni Mancao si Lacson na mastermind sa Dacer-Corbito double murder case na nangyari noong taong 2000.

Si Lacson ay una nang nilinis ng Court of Appeals sa naturang kaso.

Sinugod ng iba’t ibang grupo ng mga mangingisda at makakalikasan ang Manila Bay bilang protesta sa paglalagat ng dolomite rocks sa bahagi ng pampang nito.

Ang mga naturang grupo sa pangunguna ng Pamalakaya ay nagsagawa ng programa malapit sa Rajah Sulayman Park ng alas-7 ng umaga at nagjogging pa ang mga raliyista bilang bahagi ng kanilang aktibidad.

Iginiit ng protester na hindi aesthetic surgery kung natural rehabilitation ang dapat ginawa ng Department of Environment and Natural Resources  (DENR) sa Manila Bay.

Bitbit ang mga placard at nag-oobserba ng physical distancing, kinuwestyon din ng protesters ang budget na ginamit sa nasabing proyekto sa gitna ng kinakaharap na coronavirus disease 2019 (COVID-19) pandemic.

Maaari nang magpalabas online ng warrant of arrest ang korte.

Kasunod na rin ito nang paglulunsad ng PNP at Korte Suprema ng e-warrant system kung saan pinapayagan ng high tribunal ang digital na pag-transmit ng arrest warrant sa PNP na kanilang gagamitin sa pagdakip sa mga suspek.

Bahagi ito ng mga ipinatupad na pagbabago ng hudikatura simula nang magkaruon ng lockdown dahil sa coronavirus disease 2019 (COVID-19) at kung saan una nang nagkaruon ng inquests at online court hearings.

Nuong Martes naman ipinalabas ang unang e-warrant na inisyu ni Judge Maria Gracia Cadiz-Casaclang ng Pasig RTC Branch 155 sa isang kaso ng qualified theft.

Target ang full implementation ng e-warrant bago magtapos ang taon kapag natapos na ang online training sa paggamit ng nasabing sistema ng 2,600 korte at halos dalawang libong police stations.

Lusot na sa House Committee on Health ang panukalang stockpiling ng mga bakuna tulad ng para sa coronavirus disease 2019 (COVID-19) at iba pang critical drugs at medical supplies.

Nakasaad sa ilalim ng House Bill 6995 ang pagbuo ng Department of Health (DOH) ng health procurement and stockpiling bureau na titiyak sa stockpiling, conservation at mamamahala sa access at paglalabas ng sapat na bilang ng bakuna, medical devices at iba pang kagamitang kakailanganin tuwing may public health emergency.

Ang supply para sa mga kakailanganing bakuna, medical devices at supplies ay kukunin sa local sources.

Lilikha rin ang doh ng stockpiling fund kung saan maaaring mag solicit ng donasyon at magsagawa ng fund raising activities at ang proceeds o makokolektang pondo rito ay ili-libre sa pagbabayad ng income tax, donor’s tax at iba pang uri ng buwis.

Sinabi ni House Committee on Health Chair Angelina Tan, may akda ng panukala na mahalagang mapaigting ang paghahanda sa anumang pandemya at natural disasters.

Tinukoy ni Tan na ang COVID-19 pandemic ay naka apekto sa produksyon at distribusyon ng pharmaceuticals at medical devices sa buong mundo.

Bukod dito nabitin din ang supply ng raw materials, active pharmaceutical ingredients, excipients, packaging materials at finished medical products na makakatulong sana kaagad sa paglaban sa COVID-19 at iba pang sakit

Halos 10,000 business establishment ang bigong makasunod sa safety and health standards para maprotektahan ang mga empleyado.

Ipinabatid ito sa budget hearing sa Kamara ni Labor Assistant Secretary Maria Teresita Cucueco matapos inspeksyunon ang halos 41,000  establishments.

Sinabi ni Cucueco na katuwang ng DOLE ang DTI at ilan pang kinauukulang ahensya ng gobyerno ang tutulong sa mga nasabing kumpanya na maayos ang kanilang paglabag sa health standards.

Kasabay nito isinulong naman ni Congressman Christopher De Venecia ang mga negosyo na sanayin ang kanilang mga empleyado bilang health officers sa gitna na rin ng pandemic.

Pinag-aaralan ng Department of Budget and Management ang posibleng pananagutang legal ng isang kumpanyang nakakuha ng kontrata sa gobyerno para sa pagbili ng personal protective equipment (PPE).

Sinabi ni Presidential Spokesman Harry Roque na iniimbesatigahan na ng DBM kung iisa lamang ang may-ari ng Ferjan Healthlink Enterprises at Ferjan Healthlink Philippines Incorporated.

Nabatid na ang Ferjan Healthlink Enterprises ay blacklisted na sa DBM samantalang ang Ferjan Healthlink Philippines Incorporated naman ang nakakuha ng kontrata sa PPE.

Ayon kay Roque, maaaring makansela ang kontrata kapag napatunayang iisa lamang ang may-ari ng mga nasabing kumpanya.

Hindi na aniya dapat sumasali sa mga bidding process sa mga proyekto sa gobyerno kapag blacklisted na ang isang kumpanya