Judith Estrada-Larino

Handa nang lumarga ang mga bus mula sa mga lalawigan pa-Metro Manila.

Ayon kay Alex Yague, executive director ng Provincial Bus Operators Association of the Philippines, go-signal na lang mula sa Department of Transportation (DOTr) ang hinihintay nila para tuluyang makapag-operate ang mga provincial bus.

Tiniyak sa DWIZ ni Yague ang kahandaan nilang sumunod sa umiiral na health and safety protocols kaugnay sa paglaban sa coronavirus disease 2019 (COVID-19).

Lahat ng mga pasahero ng bus, ito man ay nasa city or kung binuksan nga ang probinsya, meron tayong contact tracing dito,” ani Yague. —sa panayam ng Balitang Todong Lakas

Pasok ang Pilipinas sa top 5 ng mga bansa sa mundo na nakapagtala ng pinakamataas na kaso ng coronavirus disease 2019 (COVID-19) sa isang araw.

Magugunitang sumirit kahapon ang bilang ng mga bagong nasawi matapos maitala sa 259 ang COVID-related death.

Ayon sa Department of Health (DOH), lumalabas sa kanilang validation process na ang 253 sa mga bagong nasawi ay una nang nabilang sa mga recoveries subalit yumao na pala ang mga ito.

Sa tala ng Worldometer, ika-lima ang Pilipinas sa 99 na mga bansa sa buong mundo na nakapagtala ng pinakamataas na bagong nasawi sa COVID-19, kahapon.

Nangunguna ang India sa nakapagtala ng pinakamataas na kaso ng COVID-19 sa 1, 054, kasunod ang Amerika at Brazil na kapwa may 454 kaso at Argentina naman ang ikaapat na may 315 new cases.

Ipinabatid ng Worldometer na apektado ng COVID-19 pandemic ang 213 bansa at teritoryo sa mundo at dalawang international conveyances.

Sumirit na sa 265, 888 ang kumpirmadong kaso ng coronavirus disease 2019 (COVID-19).

Ito ayon sa Department of Health (DOH) ay matapos maitala ang 4, 699 na bagong kaso ng virus.

Nangunguna pa rin sa nakapagtala ng mataas na bagong kaso ng COVID-19 ang Metro Manila na nasa 1, 498 , Cavite – 221, Bataan – 198, Bulacan – 185 at Batangas – 176.

Sinabi ng DOH na 87 porsyento o 4, 090 ng mga bagong kaso ng COVID-19 ay nakuha sa nakalipas na 14 na araw.

Pumapalo naman sa 207, 504 ang total recoveries matapos maitala ang 249 ang bilang ng mga bagong gumaling mula sa COVID-19.

Umakyat na sa 4, 630 ang death toll kung saan nasa 259 ang mga bagong nasawi na itinuturing na record high.

Nasa 53, 754 ang active cases kung saan 88. 4 percent dito ay mild, 8.2% ang asymptomatic, 1.3% ang severe at 2.1% ang nasa critical condition.

JUST IN: Kaso ng COVID-19 sa bansa, nadagdagan pa ng 4,699 ngayong Lunes, Setyembre 14.

Pumalo na sa kabuuang 265,888 ang bilang ng kumpirmadong kaso ng COVID-19 sa bansa. Mayroon namang 53,754 naitalang active cases. | https://t.co/HHOy7zaafm pic.twitter.com/6ikLOuJGBB

— DWIZ Newscenter (@dwiz882) September 14, 2020

Kinansela na ng gobyerno ang pagbili ng 500,000 piraso ng personal protective equipment (PPE)  na gagastusan ng P727 million.

Ito ayon kay Budget Undersecretary Lloyd Christopher Lao ay dahil sa overpricing at delayed delivery.

Sinabi sa Senate hearing ni Lao na hindi na nila itinuloy ang pagbili ng PPE matapos mabatid mismo sa Securities and Exchange Commission na isa sa mga stockholder o kasosyo ng ferjan health link ay sole proprietor ng Feran Health Link Enterprises na blacklisted SA DBM.

Ang bawat set ng PPE ng Ferjan ay nagkakahalaga ng 1, 455.

Tiniyak naman ni Lao na walang pondongnawala sa gobyerno dahil hindi pa sila nagbigay ng advance na bayad o downpayment sa Ferjan.

Ikinatuwa naman ni Senate Minority Floorleader Franklin Drilon ang hakbang ng dbm matapos unang ibunyag at kuwestyunin ang pagbili ng ahensya ng mga gamit pantugon sa coronavirus disease 2019 (COVID-19) pandemic na overpriced. —ulat mula kay Cely Ortega-Bueno (Patrol 19)

Rerepasuhin ng Department of Health (DOH) ang mga panuntunan kaugnay sa antigen test para ma-detect ang coronavirus disease 2019 (COVID-19) matapos itong ibasura ng World Health Organization (WHO) para magamit ng mga nagbabyahe.

Sinabi ni Health Undersecretary Maria Rosario Vergeire na nagpalabas ng bagong rekomendasyon ang WHO na nagsasabing hindi advisable ang paggamit ng antigen test para sa border screenings.

Una nang pinayagan ng gobyerno ang anti gen test bilang pre boarding requirement para sa asymptomatic domestic tourists bago umalis at magbiyahe sa mga tourist destination o requirement sa pagpasok sa destinasyon depende na rin sa protocol na pinaiiral ng local government unit (LGU).

Sinabi ni Presidential Spokesman Harry Roque na maaari ring magamit ang antigen test sa domestic tourists na naging symptomatic sa kanilang destinasyon kung ang lugar ay walang RT PCR testing na nananatiling gold standard para sa COVID-19 tests.

Ayon sa US Food and Drug Administration kaagad nade-detect ng antigen tests ang mga protein na nasa virus sa pamamagitan ng pag-test sa sample na kinolekta mula sa nasal cavity gamit ang swabs.

Una nang inihayag ng DOH na tina-target nitong ipalabas ang omnibus guidelines para sa COVID-19 testing procedures ngayong linggo subalit ipinabatid ni Vergeire na nagsisilbing bottleneck o chokepoint sa kanila ang inisyu ng WHO ng bagong rekomendasyon nito.

Binigyang diin ni Vergeire na nais nilang pag-aralan pang mabuti ang isyu dahil mayroong suporta para sa paggamit ng antigen test.