Judith Estrada-Larino

Pasok na ang Kamara sa imbestigasyon kaugnay sa hinaing ng mga magsasaka ng YK Ranch sa Palawan.

Ito ay ayon kay ACT Partylist Rep. France Castro ay matapos dumulog sa kanyang tanggapan ang mga lider ng hindi bababa sa isanlibong farmer beneficiaries sa ilalim ng Comprehensive Agrarian Reform Program (CARP).

Kabilang sa mga dumulog ang mga magsasaka mula sa mga Barangay Decalachao, Guadalupe, San Jose, San Nicolas sa Coron at mga Barangay ng Quezon, New Busuanga, Cheey at Sto. Nino sa karatig bayan ng Busuanga.

Hinikayat ni Castro ang mga apektadong magsasaka na manindigan kontra sa mga oligarkong walang kinikilalang batas kasabay nang pagtiyak na patuloy na babantayan ng Kongreso ang aksyon ng gobyerno.

Sa record ng Katipunan ng mga Samahang Magbubukid sa Timog Katagalugan o KASAMA, nasa halos isanlibong magsasakang beneficiary ang pinagkaitan ng lupang sakahan batay sa probisyong nakasaad sa Republic Act 6657 o ang CARP Law.

Taong 2014 nang maglabas ng ulat ang National Fact Finding and Solidarity Mission (NFFSM) hinggil sa Yulo King Ranch na tinawag na “largest agrarian reform anomaly in the country.”

Ayon kay Castro, kabilang sa kanilang iimbitahan sa pagdinig si Environment and Natural Resources (DENR) Sec. Ma. Antonia Yulo-Loyzaga.

Bukod sa Yulo King Ranch, sinasabing nasa ilalim din ng pangangasiwa ng kalihim bilang executor ng YKR Corporation ang malawak na lupain sa mga lalawigan ng Masbate at Laguna.

Napasakamay muli ng PhilHealth o Philippine Health Insurance Corporation ang ISO 9001:2015 Certification para sa Quality Management System matapos ang masusing third party audit na isinagawa sa mga tanggapan nito sa buong bansa sa taong ito.

Ang nasabing certification ay itinuturing na pandaigdigang pamantayan para sa quality management ng isang organisasyon, ahensya o kumpanya at sumasalamin sa mabuti at maayos na mga sistema tungo sa de kalidad na serbisyo sa mga kliyente at stakeholders nito.

Dahil dito, pinapurihan at ipinagmalaki ni PhilHealth President and CEO Emmanuel Ledesma Jr. ang mga opisyal at kawani ng ahensya na nagtataguyod ng quality management system sa operasyon ng PhilHealth.

Ang certification aniya ay hindi lamang isang karangalan kundi patunay ng kanilang commitment sa mahusay na pamamalakad, pagpapabuti ng serbisyo at dedikasyon sa paggawa kasabay ang pangakong itutuluy tuloy ito para na rin sa kapakanan ng lahat ng PhilHealth members sa buong mundo.

Inaasahang sisipa pa ang digital economy ng Pilipinas sa susunod na dalawang  taon kumpara sa mga bansang nasa Southeast Asia.

Sa E-conomy SEA 2023 Report na may titulong Reaching New Heights: Navigating the Path to Profitable Growth, binigyang diin ni Bennett Aquino, partner ng American Management Consulting Firm na Bain & Company, na nakikita nilang tataas sa $35-B ang local digital economy mula  2023 hanggang 2025 na magdadala aniya sa bansa sa taguring isa sa fastest growing sa Southeast Asia.

Ang digital economy ng bansa, ayon pa kay Aquino ay pinakamabilis lumago sa transport and food, online travel at online media sectors. Batay sa kanilang pag-aaral katuwang ang Google Trends at Temasek Insights gayundin ang industry sources at expert interviews kung saan nakatutok sa ditigal economies ng mga bansa sa Southeast Asia na kinabibilangan ng Indonesia, Malaysia, Singapore, Thailand, Vietnam at Pilipinas.

Sa kabuuang 70% online activities, nananatiling ang e-commerce ang pangunahing growth driver ng Philippine digital economy kasunod ang online media at online travel.

Ipinabatid naman ni Nikka del Gallego, pinuno ng data and insights ng Google Philippines na kabilang sa tinaguriang key insights  sa Philippine digital economy ang pagpapatuloy ng health expansion, online media, transport and food delivery kung saan nakapagtala ang Pilipinas ng pinakamataas na spend index sa hvu’s o high value users sa Southeast Asia na mahigit 21% na mas mataas sa nhuv’s o non high value users.

Bukod pa ito aniya sa online travel na mayruong 88 percent na paglago at pinakamataas na growth rate sa local digital economy mula 2022 hanggang 2023 at digital payments tulad ng e-wallets at account to account payments.

Tinukoy din ng Google Philippines, Temasek Insights at Bain & Company ang inaasahang $24-B gmv o gross merchandise value sa taong ito matapos lumago ng 13% ang  compound annual growth rate kung saan pangunahing factor ang e commerce.

Inilarawan ng Bain & Company ang Philippine digital economy bilang thriving in another ballgame samantalang Southeast Asia powerhouse naman itong nakikita ng Google Philippines.

Ang kolehiyo ay maituturing na isang magandang journey ng mga karanasan tungo sa isang self-discovery dahil sa papel nito sa paghubog ng mga skills at magagaling na estudyante ..na nakabatay sa mga bagong perspectives para sa kinabukasan.

Bilang pagkilala sa pangunahing papel ng edukasyon para sa kinabukasan ng mga Pilipino, nangunguna rin ang SM Foundation Incorporated Scholarship Program na sumusuporta sa mga sumasandig sa edukasyon para sa magandang bukas sa pamamagitan ng financial aid nito upang madiskubre ang potensyal ng isang estudyante tulad ni Jamaica Magbanua.

Isang mahiyaing estudyante kung ilarawan si Jamaica sa kanyang pag a aral sa elementarya at high school, subalit ang kanyang passion at paniniwala sa kapangyarihan ng edukasyon ang nagpa realize sa kanya para lumabas sa kanyang comfort zone at tuluyang madiskubre kung anu ano ang mga kaya niyang gawin.

Kaya naman, hindi na nagpatumpik tumpik pa si Jamaica at nag apply sa SM college scholarship para kumuha ng kursong computer science na isang matapang na hakbangin sa labas ng ABM o Accountancy, Business and Management strand na natapos nya nuong high school.

Ayon kay Jamaica, magaling siya sa bookkeeping subalit nais niyang magkaruon ng fulfilling academic journey at panay ang isip niya at na realize nya ang kahalagahan ng teknolohiya.

Ito aniya ang nagtulak sa kanyang maghanap ng tech related degrees at nakaagaw ng atensyon nya ang computer science na nagsilbing hamon sa kanya dahil wala naman siyang clue o background man lang sa programming.

Ang SM college scholarship ni Jamaica ang nagbigay sa kanya ng pagkakataong ibalik ang suporta ng kanyang mga magulang sa pamamagitan ng pagpupursige sa paaalan at ito rin ang nagbigay sa kanya ng go signal para tuluyang ilabas ang kanyang mga pakpak ika nga at i explore ang kanyang mga bagong potensyal

Sa pamamagitan ito, matapang na hinarap ni Jamaica ang ibat ibang learning opportunities at palakasin pa ang kanyang college based at university wide leadership roles dahilan kayat nagkaruon siya ng balanseng buhay kolehiyo at maranasan ang saya nang pag a aral at pagkatuto.

Sinabi pa ni Jamaica na hindi kailanman nya naisip na magiging lider siya subalit ang kanyang college journey ang naglabas ng kanyang katapangan, pagpupursige at determinasyon para maabot ang excellence, kaya’y ito ang nagbigay sa kanya ng eye opening at fascinating experience.

Ipinagmalaki ni Jamaica ang natutunan nyang logical, numerical at programming skills na nagsilbing building block ng kanyang future bilang it professional at kakaiba ang aniya’y pakiramdam nya kapag nakakpag develop ng functional program na nakapagbibigay sa kanya ng saya, convenience at nagdadala sa workplaces ng mas dynamic at nagpapakalat ng social good sa pamamagitan ng teknolohiya.

Sa pagpasok nya sa mundo ng teknolohiya, inihayag ni Jamaice na pinaghahawakan niya ang taon at passion nya para makaabot sa isang makatuwirang future – sa paaralan at higit pa.

Inamin ni Jamaica na malaking motivation ang nakukuha niya sa mga hamon ng pagiging estudyante ng computer science para na rin mag-improve at ikinagagalak niya ang aniya’y walang hanggang oportunidad para matuto at lumago habang patuloy niyang nadidiskubre ang kanyang sarili dahil sa pagyakap sa teknolohiya.