Judith Estrada-Larino

Hindi fair o patas ang binuhay na rekomendasyong ipasa na lamang ang lahat ng mga estudyante dahil sa epekto ng COVID-19 pandemic.

Ayon kay education Undersecretary Diosdado San Antonio, maraming estudyante ang sinisikap na makapasa sa kabila ng mga hamon ng online learning samantalang ilang mag-aaral na naman ang hindi seryosos a kanilang pag aaral.

Sinabi ni San Antonio, na hindi matuturuan ng responsibilidad ang mga bata kapag nagpatupad ng ‘no fail policy.’

Dapat aniyang ma motivate ang mga estudyante sa kanilang pag aaral kapag nakita na nila ang kanilang mga grades.

Pinag-aaralan ng Philippine Red Cross (PRC) ang pag-aalok ng COVID-19 saliva RT PCR test sa mga malalaking shopping malls.

Ito ayon kay Dr. Paulyn Ubial, pinuno ng molecular laboratory ng PRC ay para mas marami pa ang makapag-avail ng saliva test na mas mura ng 60% kumpara sa swab test at higit na ligtas para sa mga nangongolekta ng samples.

Sinabi ni Ubial na kahit sa parking lot ng mga shopping malls ay uubrang gawin ang saliva test.

Hindi na aniya kailangang lumabas ng kotse ang mga nais mag-avail ng saliva test dahil ibibigay lamang ang sample kit kung saan dudura at i-aabot na lamang ito sa sample collector na siyang kaagad maglalagay ng sample sa styro box for security and safety at para hindi ma-expose sa extreme temperature.

Muling ipinaalala ni ubial sa mga nais magpa -aliva test na huwag uminom at kumain at dapat mag-tooth brush ng 30 minuto bago ang kanilang itinakdang test.

Umalma si Vice President Leni Robredo sa isang vlog na kumakastigo sa kanya at sa kanyang team dahil sa umanoy pamamahagi ng anemic spaghetti sa isang feeding program sa San Mateo, Rizal.

Tinawag na bored ni Robredo ang nasa likod ng nasabing vlog dahil tanging manira lamang ang pakay nito kayat umaapela siya sa publiko na huwag magpaapekto sa mga trolls.

Ayon kay Robredo, hindi nanggaling sa kanilang pondo ang ginamit sa feeding program kundi sa kanilang mga partners at hindi anemic kundi masarap ang spaghetti na ipinamahagi sa mga residente ng San Mateo.

Itinama rin ni Robredo, ang 2021 budget ng kanyang tanggapan na nasa P900 million at hindi P700 at ito aniya ay itinaas pa dahil maayos ang kanilang paggamit sa pondo.

Pinapurihan ng Catholic Bishops Conference of the Philippines (CBCP) ang ginawang pagbibitiw ni Baguio City Mayor Benjamin Magalong bilang contact tracing czar.

Ayon kay Father Jerome Secillano, executive secretary ng CBCP magandang halimbawa ang ginawa ni magalong na pagpapakita sa publiko na maaaring akusin ng mga opisyal ng gobyerno ang kanilang pagkakamali.

Pagpapatunay aniya ng naging desisyon ni Magalong na hindi lahat ng lider ay takot harapin ang kanilang kasalanan dahil ang ibang opisyal ay kapit tuko sa kanilang posisyon.

Magugunitang nuong Biyernes ay nagbitiw sa puwesto si Magalong matapos mabahiran ng kontrobersya ang pagdalo niya at ng kanyang may bahay sa engrandent birthday party ng event organizer na si Tim Yap.

Inako ni Magalong ang kanyang pagkukulang na hindi naitama ang mga paglabag na nakita sa nasabing pagtitipon kung saan maraming bisita ang walang suot na face masks at hindi na obserba ang physical distancing.

Tuluy-tuloy ang pamamahagi ng yellow bin ng DENR sa mga barangay sa buong bansa.

Ito ayon kay Environment Undersecretary Benny Antiporda ay para matiyak na naitatapon ng maayos ang mga face shield, face mask, gloves at iba pang personal protective equipment na ginamit kontra COVID-19.

Ipinabatid ni antiporda na Disyembre nuong isang taon ay namahagi na sila ng yellow bin sa metro manila pa lamang.

Sinabi ni antiporda na sa buwan ng Pebrero ay target nilang makapagbigay ng 1, 600 yellow bin at hinihingi nila ang tulong ng local government units para magdagdag pa ng maraming yellow bin sa kani kanilang mga nasasakupan.

Kakandidato sa 2022 presidential election si Davao City Mayor Sara Duterte-Carpio.

Ito ayon kay Mayor Sara ay kung susuportahan siya ng oposisyon at tutulong ito para manalo siya sa eleksyon.

Binigyang diin ng presidential daughter na hindi siya magagawa ng maayos ang kanyang trabaho kung hindi magkakaisa ang lahat dahil anim na taon lamang ang mandato ng isang pangulo para pangasiwaan ang bansa.

Dapat aniyang sanib puwersa ang lahat para maiahon ang bansa sa kahirapan.

Kasabay nito nagpasalamat si Mayor Sara sa mga nasa likod ng run sara run activities kahapon, Sabado at naiintindihan niya kung saan nanggagaling ang mga ito subalit umaapela siya sa mga ito na payagan siyang tumakbo sa 2034 presidential elections dahil sa mga panahong ito aniya niya nararamdamang mayruong mai-aambag sa bansa.

Una na ring kumalat sa Banawe sa Quezon City ng mga kalendaryo na humihimok kay Mayor Sara na tumakbo sa 2022 presidential elections.

Pursigido ang Department of Health (DOH) na imbestigahan ang mga report hinggil sa black market o iligal na bentahan ng COVID-19 vaccines sa bansa.

Ayon kay Health Undersecretary Maria Rosario Vergeire nakikipag-ugnayan na sila sa Food and Drug Administration (FDA) para maimbestigahan at maharang ang iligal na bentahan ng COVID-19 vaccines na delikadong gamitin lalot hindi naman rehistrado o walang emergency use authorization mula sa FDA.

Pinag iingat ni Vergeire, ang pubiko sa mga nag-aalok ng mga nasabing bakuna mula sa black market dahil hindi nakakatiyak na authentic ang mga ito.

Malaki aniyang hamon ang monitoring sa mga taong naturukan ng iligal na bakuna.

Sa ilalim ng vaccine deployment plan ang mga taong matuturukan COVID-19 vaccine ay dapat magbigay ng impormasyon para ma-monitor ng gobyerno hinggil sa posibleng adverse o side effects.

Patuloy ang paglobo ng mga gumagaling sa COVID-19 na nasa kabuuang 475, 422 na matapos pinakahuling gumaling ang 13 pasyente pa.

Sumirit naman sa 514, 996 ang kumpirmadong kaso ng COVID-19 kasunod nang naitalang 1, 581 na bagong infections.

Sinabi ng DOH na ang Quezon City ang nakapagtala ng pinakamataas na bagong kaso ng COVID-19 na nasa 89, sumunod ang Cebu City – 88, Cavite – 80, Davao City – 78 at Cebu Province – 50.

Pumapalo na sa 10, 292 ang death toll matapos maitala ang 50 bagong nasawi sa nasabing virus.

Samantala rumehistro sa 29, 282 ang active cases na sumasailalim sa gamutan o quarantine.

Hiniling ng Department of Agriculture (DA) sa Pangulong Rodrigo Duterte ang pagkakasa ng price ceiling sa karneng baboy at manok na umakyat na ang presyo sa kabila ng price freeze na ipinatupad noong isang taon dahil sa African Swine Fever (ASF).

Ayon kay Agriculture Secretary William Dar nakasaad sa panukalang Executive Order na hawak na ng Office of the Executive Secretary ang pagpapatupad ng price ceiling sa kasim at pigue sa P270 kada kilo, P300 kada kilo ng liempo at P160 sa bawat kilos ng manok.

Sinabi ni Dar na ang panukalang EO ay inaasahang malalagdaan ngayong linggong ito.

Kapag naaprubahan ng Pangulong Duterte ang panukalang price ceiling ay ipatutupad sa National Capital Region (NCR) sa susunod na 60 araw.

Iparerepaso ni Senador Panfilo Lacson ang draft report ng senate committee on national defense and security panel hinggil sa red tagging.

Ito, ayon kay Lacson, ay matapos niyang makita ang inconsistencies sa listahan ng Armed Forces of the Philippines (AFP) ng mga estudyanteng sumanib umano sa New People’s Army.

Inamin ni Lacson na nagdadalawang isip siyang ilabas ang halos papatapos nang draft ng committee report at nais niyang marepaso ito at hilingin sa militar na i-validate ang mga nailantad na nila sa pagdinig ng senado kaugnay sa usapin.

Sinabi ni Lacson na lumalabas na sa maling impormasyon ibinase ng militar ang pagkansela nito sa University of the Philippines (UP)-Department of National Defense (DND) accord at idinawit ang mga nahuli o napatay na ng mga sundalo gayung buhay pa pala at hindi naman pala talaga nahuli o naaresto ng mga otoridad.

Malaking dahilan na aniya ang mga inconsistencies sa listahang inilabas ng AFP information exchange Facebook account para repasuhin ang mga presenation at testimonies na ginawa ng militar at kanilang mga testigo sa dalawang araw na red tagging hearing sa senado.

Inihayag pa ni Lacson na kukunin na lamang mula sa security sector ang mga dagdag na dokumento na magba-validate sa presentations kaya’t hindi na kailangan ng panibagong hearing sa usapin ng red tagging.