Judith Estrada-Larino

Nag-landfall na ang Bagyong Dante sa vicinity ng bayan ng sulat sa  Eastern Samar alas-8:30 kagabi.

Ayon sa PAGASA taglay ng Bagyong Dante ang pinakamalakas na hanging umaabot sa 65 kilometers kada oras malapit sa gitna at may pagbugso na umaabot sa 80 kilometers kada oras.

Ang Bagyong Dante ay tinatayang kikilos pa hilagang silangan sa bilis na 30 kilometers kada oras.

Kabilang sa mga lugar na nasa signal number 2 ang katimugang bahagi ng Quezon-Calauag, Tagkawayan, Guinayangan, Lopez, Buenavista, Catanauan, San Narciso, Mulanay, San Andres, San Francisco, General Luna, Gumaca, Macalelon, Pitogo at  Quezon, Catanduanes, Camarines Norte, Camarines Sur, Masbate Kabilang Ang Ticao And Burias Island, Albay, Sorsogon, Eastern Samar, Samar, Northern Samar, Biliran, Hilagang silangan ng bahagi ng Leyte – Carigara, Barugo, San Miguel, Babatngon, Tacloban City, Alangalang, Tunga, Santa Fe at Palo.

Nasa signal number 1 naman ang Aurora, Silangang Bahagi Ng Nueva Ecija – Bongabon, Laur, Gabaldon, General Tinio At Palayan City silangang bahagi ng Bulacan – Doña Remedios Trinidad at  Norzagaray, Rizal, Laguna, Timog silangang bahagi ng Batangas  – Lobo, San Juan, Rosario, Taysan, City of Tanauan, Santo Tomas, Malvar, Lipa City, Padre Garcia, Ibaan, Batangas City, Balete, Mataas Na Kahoy at San Jose, nalalabing bahagi ng Quezon Kabilang Ang Polillo Islands, Marinduque, Romblon, Hilagang Silangang Bahagi Ng Aklan –  Lezo, Numancia, Banga, Kalibo, New Washington, Balete, Batan, Altavas, Makatoat Tangalan, hilagang silangan bahagi ng Capiz – Mambusao, Sapi-An, Ivisan, Roxas City, Panitan, Sigma, Panay, Pontevedra, President Roxas, Pilar, Ma-Ayon, Dao at Cuartero, hilagang silangang bahagi ng Iloilo – Sara, San Dionisio, Batad, Estancia, Balasan, Carles, Lemery, Ajuy Aa Concepcion.

Bukod pa ito sa hilagang silangang bahagi ng Negros Occidental- Manapla, Cadiz City, Sagay City, City Of Escalante, Toboso, City of Victorias at Calatrava hilagang bahagi ng Cebu – Balamban, Asturias, Tuburan, Tabuelan, Sogod, San Remigio, City of Bogo, Borbon, Tabogon, Daanbantayan, Medellin, Catmon, Danao City, Carmen, Compostela, Cebu City, Liloan, Consolacion, Mandaue City, Lapu-Lapu City at  Cordova kabilang ang  Camotes and Bantaya Islands, hilagang silangang bahagi ng Bohol –  Getafe, Talibon, Trinidad, Bien Unido, Ubay, San Miguel, Alicia, Buenavista, Mabini, Candijay, Anda, Inabanga, Guindulman, Dagohoy, Pilar, Danao at President Carlos P. Garcia, Southern Leyte, Surigao Del Norte kabilang ang Siargao at Bucas Grande Islands, Dinagat Island, hilagang bahagi ng Agusan Del Norte – Kitcharao at Jabonga, hilagang bahagi ng Agusan Del Sur – Sibagat, hilagang bahagi ng Surigao Del Sur  – Cantilanat  Carrascal.

Nanggigil si PNP Chief General Guillermo Eleazar sa isang pulis matapos mag-viral ang video ng walang awang pagbaril ito sa 52 anyos na si Lilibeth Valdez sa Barangay Greater Fairview sa Quezon City.

Ito ay matapos kumprontahin ni ni Eleazar si Police Master Sergeant Hensie Zinampan Sa QCPD headquarters sa Camp Karingal.

Kitang kita ang panggagalaiti ni Eleazar kay Zinampan dahil sa ginawang krimen sa gitna na rin nang pagsusumikap ng pulisya na linisin ang kanilang hanay.

Kinunsensya pa ng PNP chief ang nag trending na pulis kung may pamilya ba ito sabay hawak sa damit nito at niyugyog sa pader.

Si pnp chief general guillermo eleazar.

Makikita sa viral video ang paglapit ni Zinampan kay Valdez na sinabihan niya pang lasing siya bago bumunot ng baril at itinago ito sa kanyang likuran.

Habang kinukumpronta si Valdez bigla na lamang siyang sinabunutan ni Zinampan at tinutukan ng baril sa leeg dahilan kayat nakiusap ang biktima na huwag siyang saktan subalit biglang nagpaputok ang pulis kasunod ang pagbulagta sa sahig ni Valdez.

Ayon sa anak ng biktima nagkaruon ng alitan ang pulis at kanyang asawa.

Kaagad namang nadakip ang naka destinong pulis sa police security and protection group at mahigpit na itinanggi ang pagbaril sa ginang.

Malaking bagay ang quarantine restrictions para hindi na tumaas pa ang kaso ng coronavirus disease 2019 (COVID-19).

Ayon ito kay Dr. Ted Herbosa, medical adviser sa National Task Force Against COVID-19, sa gitna nang pagsirit pa rin o nasa halos 7,000 bagong kaso ng COVID-19 sa mga nakalipas na araw.

Ang quarantine will stop the mobility. Ang community quarantine is a mobility restriction mechanism para mapigilan natin ang paggalaw ng mga tao sa matataong lugar,” ani Herbosa.

Pinag-iingat din ni Herbosa ang publiko sa mga variant ng COVID-19 partikular ang South African at UK variants na nagpapataas din sa kaso ng COVID-19 sa bansa.

Nagbabala pa si Herbosa laban sa bagong variant na nadiskubre sa Vietnam dahil kasing bangis aniya ito ng Indian variant.

Ang latest report na nakita ko doon sa Philippine Genome Center, ‘yung Zamboanga may South African, I supposed ‘yun ang predominant sa Pilipinas, e. ‘Yung report kasi two weeks ago, 15 regions ang meron nung South African variant pero 12 regions ang meron nung UK variant. So, ‘yung dalawang variant na ‘yon ang predominant sa ating bansa,” ani Herbosa. —sa panayam ng IZ sa Alas Sais

Pinag-iingat ng Pangulong Rodrigo Duterte ang Commission on Human Rights (CHR) sa pagbusisi sa mga nasasawi may kaugnay sa anti-drugs war ng gobyerno at maging sa communist insurgency.

Iginiit ng pangulo na nagpapatupad ng maximum tolerance ang mga otoridad subalit sinanay din ang mga ito na pumatay para idepensa ang kanilang mga sarili.

Sinabi ng pangulo na walang training ang mga New People’s Army (NPA) at tanging ambush lamang ang alam ng mga ito.

Ayon pa sa pangulo, ilan naman sa mga nasasawi ay walang kaugnayan sa talagang operasyon dahil ang mga ito o maging ang mga umano’y rebeldeng komunista ay sadyang pinapapatay ng mga drug lords o kapwa rebelde nila bilang proteksyon sa mga ito na huwag mahuli ng mga otoridad.

Sisimulan na sa buwan ng Agosto ang pagbabakuna sa lahat ng mga adult Filipino.

Ito, ayon kay vaccine czar Carlito Galvez, ay kapag naging sapat na ang suplay ng bakuna kontra coronavirus disease 2019 (COVID-19).

Sinabi ni Galvez na halos 9-milyong doses ng COVID-19 vaccine mula sa iba’t ibang manufacturer ang inaasahang darating ngayong buwan bukod pa sa 50,000 doses ng bakunang gawa ng Moderna na binili ng pribadong sektor.

Dahil dito, tiniyak ni Galvez ang pagbakuna sa 19-milyon hanggang 25-milyong indibiduwal para maabot ang aniya’y population protection.

Target din ng gobyerno na masimulang mabakunahan ang economic frontliners na A4 category at indigents o A5 category sa kalagitnaan ng buwang ito.

Papalitan ng World Health Organization (WHO) ang tawag sa coronavirus variant para hindi mabahiran ang pangalan ng mga bansang pinagmulan nito.

Sa bagong sistema, ipinabatid ni WHO COVID-19 technical head Maria Van Kerkhove na “Alpha” ang magiging tawag na sa British variant na B.1.1.7 habang ang B.1.351 na nagmula naman sa South Africa ay magiging “beta” at “gamma” naman ang itatawag na sa Brazilian P.1.

Ang indian variant namang B.1.617.2 ay tatawaging “delta” habang ang isa pang variant nitong B.1.617.1 ay tatawaging “kappa”.

Binigyang diin ng WHO na binago nila ang tawag sa mga coronavirus variants para madaling bigkasin o sabihin at maalis ang diskriminasyon sa mga bansang pinagmulan ng mga variant na ito.

Inaprubahan ni Pangulong Rodrigo Duterte ang apela ni Labor Secretary Silvestre Bello III at kahilingan ng ilang seafarer’s group na iprioritize ang seafarers pagdating sa mga bakunang gawa sa Amerika o United Kingdom.

Ito ay matapos ipaliwanag ni Presidential Spokesman Harry Roque sa pangulo na hindi pasasakayin o pababalikin ang mga Pinoy seamen sa Europe kung hindi Pfizer, Moderna o AstraZeneca ang bakuna sa mga ito, bagamat hindi ito naaayon sa polisiya ng gobyerno na walang pilian ng vaccine brand.

Binigyang diin ng pangulo na hindi naman isyu ang pagbibigay ng special treatment sa Pinoy seafarer sa pagbibigay nya ng go signal na mabakunahan ang mga ito ng Western brands dahil pare-pareho lang ang mga naturang bakuna.

Kasabay nito, pinaaayos ng pangulo kay vaccine czar Carlito Galvez, Jr. ang magiging sistema kung paano makakapagpalista ang seafarers sa vaccination program ng gobyerno.

Inaasahan ang matinding ulang ibubuhos ng Bagyong Dante sa lalawigan ng Samar kaya’t ibinabala ng PAGASA ang posibleng flashflood o landslide.

Ayon sa PAGASA, ang sentro ng Bagyong Dante ay pinakahuling namataan sa layong 290 kilometers hilagang-silangan ng Surigao City, Surigao Del Norte.

Taglay ng Bagyong Dante ang pinakamalakas na hanging umaabot sa 75 kilometro kada oras malapit sa gitna at may pagbugso na umaabot sa 90 kilometro kada oras.

Ang Bagyong Dante ay inaasahang kikilos pa-hilagang kanluran sa bilis na 20 kilometro kada oras.

Ang Tropical Cyclone Wind Signal (TCWS) No. 2 ay nakataas samga sumusunod na lugar:

• Eastern Samar
• Samar
• Northern Samar

Nasa TCWS No. 1 naman ang mga sumusunod na lugar:

LUZON

• Masbate
• Sorsogon
• Albay
• Catanduanes
• Camarines Sur
• Camarines Norte
• southeastern portion of Quezon (Tagkawayan, Guinayangan, Buenavista, San Narciso, San Andres)

VISAYAS

• Leyte
• Southern Leyte
• Biliran
• northern portion of Cebu (Catmon, Sogod, Borbon, Tabogon, City of Bogo, Medellin, Daanbantayan, San Remigio, Tabuelan) including Bantayan and Camotes Islands

MINDANAO

• northern portion of Surigao del Sur (San Agustin, Marihatag, Cagwait, City of Tandag, Bayabas, Tago, Cortes, Lanuza, Carmen, Madrid, Cantilan, Carrascal, San Miguel)
• northern portion of Agusan del Sur (Sibagat)
• northern portion of Agusan del Norte (City of Cabadbaran, Santiago, Tubay, Jabonga, Kitcharao)
• Dinagat Islands
• Surigao del Norte

Nagkakaisa ang mga alkalde sa Metro Manila na manatili sa general community quarantine (GCQ) ang rehiyon.

Subalit binigyang diin ni Parañaque City Mayor Edwin Olivarez, chairman ng Metro Manila Council, na isinusulong nilang makapagbukas pa ang maraming negosyo, mapayagan sa limitadong kapasidad ang meeting centers, conference at exhibits.

Ipinabatid pa ni Olivarez na nagkasundo rin ang Metro mayors na payagan ang outdoor amusement attractions at manatili rin ang curfew mula alas-10 ng gabi hanggang alas-4 ng madaling araw.

Sinabi ni Olivarez na hindi naman maaaring magrelax kahit pa bumababa ang kaso ng coronavirus disease 2019 (COVID-19) kaya’t unti-unti ang dapat gawing pagluluwag sa quarantine restrictions.

Kasabay nito, inihayag ni Olivarez na kinukunsidera din nila ang pagkakaroon ng insentibo sa mga full vaccinated tulad nang inanunsyo ng ilang local government units.

Binatikos ng isang opisyal ng PDP Laban si Presidential Spokesman Harry Roque.

Ito ay matapos ihayag ni Roque na inatasan ng Pangulong Rodrigo Duterte si Energy Secreary Alfonso Cusi bilang vice chair ng partido na ituloy ang national assembly ng ruling party.

Ayon kay PDP Laban National Executive Director Ronwald Munsayac, malinaw sa by laws ng partido na tanging ang chairman sa katauhan ng Pangulong Duterte sa pakikipag-ugnayan sa party president na si Senador Manny Pacquiao ang maaaring magpatawag ng national council o assembly.

Sinabi ni Munsayac na sakali mang may basbas ng pangulo ang ipinapatawag na pulong, nagtataka aniya siyang hindi siya nakatanggap ng formal communication.

Una nang naglabas ng memorandum si Pacquiao bilang paghimok sa mga ka partido na huwag makiisa sa national assembly na isinusulong ni Cusi.