Judith Estrada-Larino

Nananatiling nasa critical risk ang bed capacity para sa COVID-19 patients sa pinakamalaking Coronavirus referral center sa Mindanao.

Ayon kay Dr. Ricardo Audan, Hospital Chief ng Southern Philippines Medical Center (SPMV) nasa 89.13%  ang ICU usage rate sa nasabing ospital na ang utilization rate ng ward beds naman ay naitala sa 84.07% kung saan 359 mula sa 427 COVID-19 beds ang okupado.

Sinabi ni Audan na karamihan sa mga pasyente nila ay matatanda, hindi pa bakunado at yung iba naman ay nakapagpa bakuna na ng first dose.

Samantala, nasa critical level din at halos okupado na ang COVID-19 beds ng Jose Lingad Memorial General Hospital sa San Fernando, Pampanga.

Ipinabatid ni Dr. Monserrat Chichioco, Medical Director ng nasabing ospital na tumaas ang na admit na COVID at COVID related cases sa kanilang ospital nitong mga nakalipas na araw.

Nakadagdag din aniya sa admission nila ang mga referral mula sa ibang pasilidad.

Aalamin ni Health Secretary Francisco Duque III ang katotohanan sa report na hindi pa nakakatanggap ng kanilang SRA special risk allowance ang ilang healthcare workers para sa taong 2020.

Ito ayon kay Duque ay dahil sa pagkakaalam nya ay naipalabas na sa DOH regional offices ang pondo sa sra para sa nakalipas na taon.

Ang mga tanggapan nila aniya sa ibat ibang panig ng bansa ang siyang magpapalabas ng sra fund sa mga ospital.

Una nang isinulong ni Congressman Alfred Delos Santos ang imbestigasyon sa delay sa pagpapalabas ng SRA ng health workers.

Iginiit ng Philippine Statistics Authority (PSA) ang pagkilala ng mga ahensya ng gobyerno at private entities sa National ID cards bilang valid proof of identity.

Kasunod na rin ito ng mga reklamong natatanggap ng PSA kaugnay sa pagtanggi ng mga bangko na tanggapin ang National ID cards.

Sinabi ni Deputy National Statistician Assistant Secretary Rose Bautista na posibleng ang kawalan ng pirma sa mga nasabing card na itinuturing na security feature ang dahilan nang pagtanggi ng mga bangkong tanggapin ang mga ito bilang proof of identity lalo pat madaling napepeke ang mga lagda.

Ayon kay Bautista, nagkasa na sila ng webinars sa financial institutions para maresolba ang usaping ito.

Nasa 28 milyong Pinoys na ang nakapag parehistro ng kanilang biometrics na ikalawang proseso ng registration para sa National ID kung saan 700,000 na ang naide-deliver.

Maaga pa para masabing may pangangailangang i-extend ang ECQ sa Metro Manila.

Ayon ito kay Health Secretary Francisco Duque III.

Sa ngayon aniya ay dapat na mahigpit na sumunod ang publiko sa minimum health standards matapos pumalo sa mahigit labing 2,000 ang mga bagong kaso ng COVID-19 sa magkasunod na araw.

Kasabay nito, nanawagan si Duque sa Local Government Units sa NCR na palakasin ang kanilang vaccination campaign para kaagad maabot ang herd immunity.

Sinabi ni Duque na batay sa datos, nasa mahigit 40% na ng mga taga NCR ang fully vaccinated laban sa COVID-19.

Dumating sa NAIA Terminal 2 ang halos 600k doses ng Astrazeneca vaccines sakay ng Chinese airlines pasado alas-9  kaninang umaga.

Ayon sa National Task Foce against COVID-19,ang pinakahuling batch ng 575, 800 doses ng Astrazeneca vaccines ay binili ng private sector sa pamamagitan ng dose of Hope program.

Sinalubong nina NTF Chief Implementer and Vaccine Czar Carlito Galvez, Jr. Presidential Adviser for Entrepreneurship Joey Concepcion at Astrazeneca Philippines President Lotis Ramin ang panibagong batch ng Astrazeneca vaccines.

Samantala, mamayang hapon naman inaasahan ang pagdating ng 15K doses ng Sputnik V vaccines mula sa Russia.— ulat mula kay Raoul Esperas (Patrol 45)

Iginiit ng Philippine Statistics Authority ang pagkilala ng mga ahensya ng gobyerno at private entities sa National ID cards bilang valid proof of identity.

Kasunod na rin ito ng mga reklamong natatanggap ng PSA kaugnay sa pagtanggi ng mga bangko na tanggapin ang national ID cards.

Sinabi ni Deputy National Statistician Assistant Secretary Rose Bautista na posibleng ang kawalan ng pirma sa mga nasabing card na itinuturing na security feature ang dahilan nang pagtanggi ng mga bangkong tanggapin ang mga ito bilang proof of identity lalo pat madaling napepeke ang mga lagda.

Ayon kay Bautista,nagkasa na sila ng webinars sa financial institutions para maresolba ang usaping ito.

Nasa 28 milyong Pilipino na ang nakapag parehistro ng kanilang biometrics na ikalawang proseso ng registration para sa national ID kung saan 700k na ang naide-deliver.

Maaga pa para masabing may pangangailangang i-extend ang ECQ sa Metro Manila ayon ito kay Health Secretary Francisco Duque III.

Sa ngayon aniya ay dapat na mahigpit na sumunod ang publiko sa minimum health standards matapos pumalo sa mahigit 12k ang mga bagong kaso ng COVID-19 sa magkasunod na araw.

Kasabay nito, nanawagan si Duque sa Local Government Units sa NCR na palakasin ang kanilang vaccination campaign para kaagad maabot ang herd immunity.

Sinabi ni Duque na batay sa datos ,nasa mahigit 40% na ng mga taga NCR ang fully vaccinated laban sa COVID-19.

Pinalawig pa ng gobyerno ang pagbabawal nito sa pagpasok sa bansa ng mga biyahero mula sa 10 pang bansa hanggang Agosto 31.

Kabilang dito, ayon kay Presidential Spokesman Harry Roque ang India, Pakistan, Bangladesh, Sri Lanka, Nepal, UAE, Oman, Thailand, Malaysia at Indonesia.

Ipinabatid ni Roque na inaprubahan din ng Pangulong Rodrigo Duterte ang kahilingan ng mga airline company na buksan muli ang International Transit Hub Operations kung saan mahigpit pa ring ipatutupad ang health and safety protocols.

Sinabi ni roque na ang International Transit Hub Operations ay limitado lamang sa airside transfers sa pagitan ng terminals 1 at 2 at sa terminal 3 ng NAIA sa mga bansa, jurisdiction at teritoryong nasa green list.

Kabilang dito ang Albania, American Samoa, Angulla, Australia, Benin, Bosnia at Herzegovina, Brunei, Burkina Faso, Cameroon, Cayman Islands, Chad, China, Comoros, Cote D’ Ivoire (Ivory Coast), Djibouti, Equatorial Guinea, Falkland Islands, Gabon at Grenada.

Bukod pa ito sa Hongkong, Hungary, Mali, Federated States of Micronesia, Montserrat (British Overseas Territory), New Caledonia, New Zealand, Niger, Nigeria, Northern Mariana Islands, Palau, Poland, Romania, Saint Pierre And Miquelon, Slovakia, Sudan at Taiwan.

Inaprubahan ng Pangulong Rodrigo Duterte ang rekomendasyon ng IATF na isailalim na sa MECQ mula ECQ ang Laguna, Iloilo City at Cagayan De Oro City simula sa Lunes, Agosto 16 hanggang Agosto 31.

Ipinabatid ito ni Presidential Spokesman Harry Roque na nagsabing nasa ilalim rin ng MECQ ang Apayao, Ilocos Norte, Bulacan, Cavite, Lucena City, Rizal Province, Aklan, Iloilo Province at Lapu-Lapu City, Mandaue City at Cebu City.

Hanggang Agosto 22 naman mananatili sa pinakamahigpit na quarantine classification ang lalawigan ng Bataan.

Samantala, ilalagay sa ilalim ng GCQ with heightened restrictions mula august 16 hanggang 31 ang ilocos sur, cagayan, quezon at batangas sa region 4A at Naga City sa Luzon, Antique, Bacolod City at Capiz sa Region 6 at Negros Oriental at Cebu para sa Visayas, Zamboanga Del Sur, Misamis Oriental, Davao City, Davao Del Norte, Davao Occidental at Davao De Oro sa Region 11 at Butuan City para sa Mindanao.

Bukod pa ito sa Baguio City ,Santiago City, Quirino, Isabela, Nueva Vizcaya, Puerto Princesa, Guimaras, Negros Occiental, Zamboanga Sibugay, Zamboanga City, Zamboanga Del Norte, Davao Oriental, Davao Del Sur, General Santos City, Sultan Kudarat, Sarangani, North Cotabato, South Cotabato, Agusan Del Norte, Agusan Del Sur, Surgao Del Norte, Surigao Del Sur, Dinagat Islands at Cotabato City.

Nasa ilalim din ng GCQ simula ngayong araw na ito hanggang 31 ang lalawigan ng Tarlac.

Ang iba pang bahagi ng bansa ay nasa ilalim ng MGCQ simula Agosto 16 hanggang 31. —ulat mula kay Jopel Pelenio (Patrol 17)

Anim na oras na mas maagang pumila ang mga residente ng Cubao, Quezon City para sa kanilang cash ayuda ngayong panahon ng ECQ.

Sa ikalawang araw nang pamamahagi ng ECQ ayuda, alas-2 kanilang madaling araw ay marami na ang nakapila sa Cubao Elementary School kung saan ibinase sa apelido ang sistema nang pamamahagi ng ayuda.

Ipinag-utos naman ng Quezon City government sa mga mamimigay ng in-kind ayuda tulad ng pagkain dapat gawin itong house to house at hindi lalampas sa lima katao ang namimigay na dapat ay pawang vaccinated na.

Pumapalo sa 840k families sa Quezon City ang kuwalipikadong mabigyan ng ECQ ayuda kung saan ay nasa 40k hanggang 50k  pamilya kada araw ang target mabigyan ng ayuda.