Judith Estrada-Larino

Umaapela ang United Nations sa mga kalapit bansa ng Afghanistan na buksan ang kanilang border.

Ito ayon sa UN ay dahil sa inaasahang paglikas ng maraming mamamayan ng Afghanistan matapos ang mabilisang pagsakop ng taliban militants sa malaking bahagi ng nasabing bansa.

Biyernes nang masakop ng Taliban fighters ang Kandahar, ikalawang pinakamalaking lungsod sa Afghanistan kung saan malaking bahagi na ay hawak na ng Taliban matapos magpasya ang Amerika na i-pull out ang kanilang mga sundalo sa nasabing bansa.

Mahigit 100 katao sa isang police station Sa Fairview, Quezon City ang nag positibo sa COVID-19.

Kabilang sa mga COVID-19 positive ang 89 na bilanggo at 21 pulis na kaagad inilagay sa isolation at mahigpit na binabantayan.

Ayon sa Quezon City Epidemiology and Disease Surveillance Unit, masikip ang lugar kaya’t mabilis na nagkahawaan ang mga tao.

Magugunitang 49 na lugar na sa Quezon City ang inilagay sa special concern lockdown dahil sa pagsirit ng kaso ng COVID-19.

Ang nakalipas na buwan ng Hulyo ang itinuturing na pinakamainit na buwan sa buong mundo.

Sa katunayan, ipinabatid ng US National Oceanic And Atmospheric Administration (NOAA) na ang Hulyo 2021 ang pinakamainit na buwan na naitala sa kasaysayan.

Ang nasabing bagong record ayon kay NOAA Administrator Rick Spinrad, base sa data ng national centers for environmental information ay nakadagdag pa sa pagka alarma ng mundo sa usapin ng climate change.

Inihayag ng NOAA na nasa 1.67 degrees fahrenheit sa kumbinasyong land at ocean surface temperature, mas mataas sa 20th century average na 60.4 degrees fahrenheit, dahilan para ituring itong pinakamainit na buwan ng Hulyo simula nang umpisahan ang pagre-record ng temperatura, 142 taon na ang nakakalipas.

Isasara muna ng isang linggo ang pantalan ng Pioduran sa Albay patungong Masbate para sa non essential travels bilang pag iingat laban sa Delta variant ng Coronavirus.

Dahil dito, inihayag ni Masbate Governor Antonio Kho na huling biyahe na muna ng barko mula sa pantalan ng Pioduran, Albay patungo ng Masbate kahapon ng madaling araw kung saan sakay ang ilang truck at kargamento.

Nakasaad sa direktiba ni Kho na wala munang indibidwal na maaaring pumasok o lumabas sa lalawigan ng Masbate mula Agosto 12 hanggang 19 maliban na lamang sa apor na dapat kumpleto rin ng mga dokumento tulad ng valid ID, travel order at negative RTPCR result.

Agosto 11 nang payagang tumulak pa-Masbate ang huling batch ng locally stranded invididuals bagamat wala ring masakyang barko kahit pa gustuhin man ng apor na mag biyahe.

Napaulat naman ang patagong pag biyahe ng maliliit na bangka para magsundo ng mga tutungo sa Burias Island.

Undocumented at overstaying Pinoys sa United Arab Emirates.

Ito ayon sa gobyerno ang priority nilang mapauwi katuwang ang advocacy group na OFW helpline global sa gitna na rin ng pandemya.

Ipinabatid ng DFA na kailangan muna nilang unahin ang pagpapauwi sa bansa ng nasa 260 menor de edad sa  Dubai na walang visa.

Bukod dito, sinabi ng DFA na karamihan sa ina ng mga nasabing bata ay wala ring visa.

Pinayagan ng IATF ang mga may edad 65 pataas para lumabas at personal na maghain ng kanilang Certificate of Candidacy (COC) para sa 2022 elections.

Ang nasabing age group, ayon kay Presidential Spokesman Harry Roque ay ituturing na Authorized Persons Outside Residence (APOR) sa panahon ng paghahain ng COC o mula Oktubre 1 hanggang 8, anuman ang maging community quarantine classification at vaccination status.

Ang COC ay uubrang ihain sa national office at mga itinalagang field offices ng Comelec.

11 lugar sa Metro Manila ang isinailalim sa highest alert level kaugnay sa tumataas na kaso ng COVID-19.

Kabilang dito, ayon kay Health Undersecretary Maria Rosario Vergeire ang Las Piñas, Malabon, Makati, Marikina, Muntinlupa, Navotas, San Juan, Pateros, Quezon City, Taguig at Valenzuela.

Sinabi ni Vergeire na nananatili sa positive two week growth rate ang NCR na nasa high risk ADAR o average daily attack rate at kasalukuyang high risk case classification.

Bukod sa ilang lugar sa NCR, nasa alert level 4 din ang Apayao, Baguio City at Benguet sa Cordillera Administrative Region, Dagupan City, Ilocos Norte sa Region 1, Cagayan at Quirino sa Region 2, Angeles City, Nueva Ecija, Pampanga, Tarlac. Olongapo City at Zambales sa Region 3, Batangas, Cavite, Laguna, Quezon, Lucena City at Rizal sa Region 4A at Naga City at Masbate sa Region 5.

Kasama rin ang Aklan, Antique, Guimaras, Iloilo, Iloilo City sa Region 6, Bohol, Cebu, Cebu City, Lapu Lapu City at Siquijor sa Region 7, Ormoc City at Tacloban City sa Region 8, Bukidnon, Cagayan De Oro City, Camiguin, Lanao Del Norte at Misamis Oriental sa Region 10, North Cotabato, General Santos City, South Cotabato sa Region 12 at Agusan Del Sur sa Caraga Region.

Ang alert level 4 ay itinuturing na moderate to critical risk at mayruong health care utilization rate na mas mataas sa 70%.

Iginiit ni PDP Laban Secretary General Atty. Melvin Matibag ang pagsipa ng partido kay Senador Manny Pacquiao.

Base ito ayon kay Matibag sa panuntunan ng partido hinggil sa pagiging loyal ng kanilang mga miyembro sa ibang political groups.

Kasunod na rin ito nang pag kontra ni matibag sa naging interpretasyon ng isa sa mga may akda ng konstitusyon ng Pdp Laban na si Senador Aquilino Koko Pimentel III na umaming si Pacquiao ay Pangulo ng People’s Champ Movement (PCM) nang manumpa ito sa PDP Laban.

Binigyang diin ni Matibag na malinaw sa pag amin ni Pimentel na paglabag sa konstitusyon ng PDP Laban ang pagiging Pangulo ng PCM ni Pacquiao at ikinonvert ang partido bilang national political party mula sa pagiging regional political party.

Nabugbog ang isang Pinay nurse sa New York, USA habang namimigay ng face mask sa mga pasahero ng subway.

Nagkaruon ng sugat at galos sa kanyang mukha at katawan ang nurse na si Potri Ranka Manis matapos atakihin ng isang mag asawa na tumanggi sa face mask na ibinibigay niya sa mga ito.

Bukod sa pag atake kay Manis, kinuha ng mag asawa ang kanyang cellphone at sinigawan siya ng racial slurs bago siya itinaboy at sinabihang bumalik ng China.

Tinutugis na ng New York Police Department ang mga suspek.