Judith Estrada-Larino

Mahigit 90% nang okupado ang COVID-19 beds ng Batangas Medical Center.

Dahil dito, sinabi ni Dr. Ramoncito Magnaye, Medical Director ng ospital ay kaya’t nagdagdag na sila ng 22 beds at target pang makapagdagdag ng 33 pang kama.

Ayon kay Magnaye, mayroon silang breathing room para makapag-admit pa rin sila ng mga pasyenteng manggagaling sa buong region 4A o Calabarzon.

Inihayag ni Magnaye na nasa anim na buwan pa ang inventory ng kanilang mga gamot at oxygen.

Gayunman, ipinabatid ni Magnaye na pataas o padami naman ang bilang ng kanilang healthcare workers na tinatamaan ng COVID-19 na nakukuha hindi naman sa mga pasyente mismo sa ospital kundi sa kanilang komunidad.

Itinalaga na ng korte suprema ang 24 na testing centers para sa mga kukuha ng bar examinations sa apat na araw ng linggo sa buwan ng Nobyembre.

Dahil dito,pinayuhan ni Associate Justice Marvic Leonen, Chairperson ng 2020/2021 bar ang examinees na i-check na ang local testing center na malapit sa kanilang lugar para hindi na masyadong gumastos sa gitna na rin ng COVID-19 pandemic.

Kabilang sa testing centers sa NCR ang Ateneo De Manila University Law School sa Makati City – 269 slots, Manila Adventist College sa Pasay City – 450 slots, University of Makati – 1,000 slots, FEU Manila – 600 slots, UST – 500 slots.

Sa Cordillera Administrative Region , St. Louis University School of Law sa Baguio City – 1,035 slots .

Pinayuhan ng high tribunal ang bar examinees na i-check ang kanilang website para sa iba pang testing centers sa iba pang rehiyon ng bansa.

Ikinukunsidera ng IATF ang pagpapalawig ng ECQ sa Metro Manila sa loob ng isang matapos ang Agosto 20.

Ayon ito kay DILG Secretary Eduardo Año, Vice Chairman ng IATF bagama’t pinag-aaralan na rin nila kung u-ubrang pairalin na ang MECQ sa NCR para makapagbukas din ang ibang negosyo.

Wala na aniyang cash aid para sa mga maaapektuhan sakaling palawigin pa ang ECQ sa Metro Manila.

Ipinabatid ni anio na magpupulong ang IATF ngayong araw na ito para pag usapan ang susunod na quarantine classifications sa iba’t ibang lugar sa bansa.

Okupado na ang 90% ng COVID-19 beds ng ospital ng Sampaloc.

Ito ayon kay Dr. Aileen Lacsamana, Medical Director ng ospital ng Sampaloc ay bumaba pa ng 6% kumpara noong isang linggo.

Sinabi ni Lacsamana na kontrolado pa nila ang mga pasyente sa emergency room kumpara noong Marso hanggang April na karanasan nila kung kailan pila pila ang mga nasa ER.

Ipinabatid ni Lacsamana na ang ospital ay mayruong isang pediatric COVID-19 case, isang dalawang taong gulang at kalahati ng kaso ng virus sa mga matatanda ay hindi pa bakunado.

Nasa 44% aniya ng COVID-19 patients nito ay moderate cases.

Kasabay nito, inihayag ni Lacsamana na tumulong ang ospital ng Sampaloc na makapagturok ng 1, 350 doses sa mga residente sa paligid nito.

Hinimok ng mga pediatrician ang mga adult na magpabakuna na para maprotektahan ang kanilang mga anak sa bahay.

Sa gitna na rin ito nang pagtaas ng kaso ng COVID-19 sa mga kabataan dahil sa Delta variant ng Coronavirus.

Una nang iniulat ng PGH na halos 10% ng kabuuang kaso ng COVID-19 sa bansa ay mga kabataan.

Dahil dito, isinulong ni Dr. Anna Ong-Lim, miyembro ng Technical Advisory Group ng DOH ang cocoon strategy kung saan mayroong full protection laban sa COVID-19 ang mga adult habang patuloy na sumusunod sa minimum health standards para hindi makahawa o maka infect sa mga bata.

Ang bakuna aniya ay isa lamang sa mga layer ng proteksyon na puwedeng pakinabangan o hindi ito kapalit kudi karagdagang proteksyon.

Binigyang diin ni Dr. Mary Ann Bunyi, pangulo ng Pediatrics Infectious Disease Society of the Philippines na kapag nabakunahan na lahat ng mga matatanda na kasama ng mga bata sa bahay indirectly o hindi direkta man ay mapo-protektahan din ang mga bata.

Tinatayang P4.2-M na halaga ng COVID-19 rapid test kits ang nakumpiska ng mga otoridad sa Pasig City.

Ayon sa Philippine Air Force, nakumpiska ng mga tauhan nila katuwang ang Quezon City District Field Unit -CIDG ang 21,000 COVID-19 rapid test kits.

Naaresto rin sa nasabing operasyon ang apat katao na umano’y nagbebenta ng test kits online.

Ang mga suspek na dinala na sa QCFDU-CIDG ay nahaharap sa kasong paglabag sa FDA Act of 2009 may kaugnayan sa prohibition of online selling ng FDA Certified COVID 19 antibody test kits.

Dumaong sa Maynila ang Independence Variant Littoral Combat Ship USS Charleston.

Ayon sa public affairs ng Command Destroyer Squadron, ang pagbisita ng nasabing barko ay pagpapakita ng malakas na pakikipag-alyansa ng Amerika sa Pilipinas, Military Relationship at pinalakas na ugnayan sa pagitan ng dalawang bansa.

Dahil sa COVID-19 pandemic, contactless ang naging pagbisita ng barko dahil hindi bumaba ang crew habang inaayos ang kanilang supplies.

Ipinabatid ng US Naval Unit na ito ang kauna-unahang Commissioned Us Navy Warship na bumisita sa Pilipinas simula noong 2019.

Kinasuhan ng gobyerno sa Pasay City Court ang isang dating american diplomat matapos makipagtalik sa isang babaeng menor de edad.

Pinapanagot ng Pasay City Prosecutor’s Office si Dean Cheves dahil sa paglabag sa batas kaugnay sa child abuse at child pornography matapos ireklamo ng isang ng 16 anyos na biktima nito.

Ang mga nasabing kaso ay pending pa sa Pasay City RTC Branch 109.

Hinihintay pa ng prosecutors ang pag iisyu ng arrest warrant laban kay Cheves na umalis na ng bansa noong Marso batay sa report ng DOJ.

Ayon sa Pasay Prosecutors, ini-record ni Cheves ang sexual encounter nito sa nasabing menor de edad ng walang consent nito at pinadalhan pa ito ng kopya ng kanilang sexual activity.

Si Cheves ay nahaharap din sa mga kasong kriminal para sa parehong insidente.