Judith Estrada-Larino

Halos 41% ng P11.2-B na cash aid para sa mga naapektuhan ng ECQ sa Metro Manila ang naibigay na ng DILG.

Ayon kay DILG Secretary Eduardo Año, mahigit 4.5-M indibidwal na ang nakinabang sa nasabing ayuda na tuluy-tuloy pa rin namang ipinamamahagi ng gobyerno sa pamamagitan ng LGUs.

Ipinabatid ni Año na kabilang sa mga nakakuha na ng malaking porsyento ng ayuda ang Caloocan – 59.78%, San Juan – 56.51%, Mandaluyong-55.22%, Taguig – 53.41% at Makati – 51.48%.

Pinapurihan ni Año ang NCR LGUs sa maayos na pamamahagi ng ayuda.

Sa ilalim ng mga panuntunan, ang NCR ay mayroong 15 araw para makumpleto ang ayuda o hanggang sa Agosto 25, limang araw matapos ang pinaiiral na ECQ.

Balik sa P550-M ang utang ng PhilHealth sa Philippine Red Cross (PRC).

Ayon ito kay Senador Richard Gordon, National President ng Philippine Red Cross matapos mag reklamo na ang mga ospital sa P20-B na utang sa kanila ng PhilHealth kaugnay sa COVID-19 claims.

Una na aniyang nakabayad ang PhilHealth sa kanila at napababa ito ng P400-M at ngayo’y tumaas na naman sa 550-M ang utang ng ahensya sa PRC.

Sinabi ni Gordon na bankrupt na ang sistema ng PhilHealth at ito ang dapat na unang tinutukan sa simula’t simula.

Dapat aniyang maayos ang computer system ng PhilHealth at hindi mano-mano ang gawin na mabagal at pinag-uugatan ng maraming korupsyon kung may “pampabilis”.

Hindi makapaniwala si Labor Secretary Silvestre Bello III na positibo siya sa COVID-19.

Ito ayon kay Bello ay dahil wala namang kakaiba siyang nararamdaman tulad ng lagnat o ubo o anupamang sintomas ng COVID-19.

Gayunman, sinabi ni Bello na naka walong zoom meetings siya kahapon abang naka-isolate siya ng halos apat na araw na sa kanilang bahay sa Ilagan, Isabela.

Nasa 18k OFW pa ang susunod na batch ng ire-repatriate ng gobyerno dahil sa COVID-19 pandemic.

Ipinabatid ito sa DWIZ ni Labor Secretary Silvestre Bello III matapos una nang mapauwi ng bansa ang nasa mahigit 653K OFWs.

Gayunman, inamin ni Bello na kinakapos na ang pondo ng gobyerno para makabalik sa bansa ang mga nasawing OFW.

Meron nang na-repatriate na 653K plus nakauwi na ‘yan ibig sabihin nakauwi na sa final destination yung bagong dating 1,052 sagot lahat yan ng ating pamahalaan…pero medyo kinakapos na kasi ang dami e. Meron pa kaming ineexpect na siguro,  18k ,″pahayag ni Secretary Bello.

Humihingi ng dagdag na pondo ang Department of Health (DOH) para sa Special Risk Allowance (SRA) at hazard pay ng healthcare workers sa gitna pa rin ng pandemya.

Ayon kay Health Undersecretary Maria Rosario Vergeire, buwan ng Abril nang mag request sila sa dbm ng dagdag na pondo o nasa P3.6 bilyon para sa sra ng healthcare workers.

Hinihintay nila aniya ang tugon ng Department of Budget and Management (DBM) sa kanyang fund request at kapag naipalabas na ay kailangang dumaan pa sa proseso.

Una nang nagbanta ang mga grupo ng health workers na magsasagawa ng mass resignation kapag hindi pa naibigay ang kanilang mga benepisyo.

Limamput limang (55)  lugar sa Quezon City ang isinailalim sa special concern lockdown dahil sa pagsirit ng kaso ng COVID-19 sa lungsod.

Nilinaw ng LGU na ang lockdown ay mula sa iba’t ibang Barangay ng Quezon City at hindi sa buong Barangay.

Kasabay nito, ipinabatid ng Quezon City Epidemiology and Disease Surveillance Unit na nasa 92.5% o 108, 636 ang gumaling sa mga nagka COVID-19 sa lungsod.

Nasa 7, 569 ang kumpirmadong active cases ng COVID-19 sa Quezon City mula sa 117, 476 na kabuuang bilang ng mga nag positibo sa virus.

Tuloy-tuloy ang pagsasagawa ng “active contact tracing” ng Department Of Health para malaman ang iba pang posibleng kaso sa bansa Lambda variant ng coronavirus.

Partikular na tinututukan nila, ayon kay Health Undersecretary Maria Rosario Vergeire ang pag alam sa pinagmulan ng lambda variant lalo na sa unang kaso nito.

Kukuha aniya sila ng samples sa nasabing lugar kung saan natukoy ang unang kaso ng lambda variant para mabatid kung mayruon nang ganitong klase ng variant at susubukan nilang tukuyin ang pinagmulan ng infection.

Sinabi ni Vergeire na posibleng may iba pang kaso ng lambda variant dahil may mga nakasalmuha na ang unang kaso na isang trentay singko anyos na buntis at residente ng Valladolid, Negros Occidental at walang travel history.

Kasabay nito, ipinabatid ni Vergeire na na maayos na ang kondisyon ng unang kaso ng Lambda at anak nito matapos makumpleto ang isolation.

Nagpositibo sa COVID-19 si dating Health Secretary ngayo’y Congresswoman Janet Garin.

Ayon kay Garin pinayuhan siya ng kanyang duktor na mag-home quarantine matapos makitaan ng ilang mild symptoms ng nasabing virus tulad ng sipon, ubo, lagnat at chills.

Sinabi ni garin na nakapag-advise na siya sa mga nakasalamuha niya na mag quarantine na rin at tutukan ang mga sintomas ng COVID-19.

Tiwala si Garin na hindi na lalala ang kanyang mga sintomas kahit pa mayruon siyang asthma, hypertension at Raynaud’s disease.—ulat mula kay  Jill Resontoc (Patrol 7)

Isinulong ni Kabataan Partylist Representative Sarah Elago na mapalawig pa ng isang buwan ang voter’s registration ng COMELEC.

Sa halip na Setyembre 30, sinabi ni Elago na dapat palawigan hanggang Oktubre 31 ang pagpaparehistro dahil na rin sa restrictions na ipinatupad sa ilang bahagi ng bansa na nasa ilalim pa rin ng Enhanced Community Quarantine kaya’t nagsara muna pansamantala ang mga tanggapan ng COMELEC at hindi rin makalabas ang mga tao.

Tinatayang nasa 13-M pinoys ang hindi pa nakakapagpa rehistro sa COMELEC maliban pa sa 6.3-M deliquent voters o hindi nakaboto ng dalawang beses kung kaya’t burado na sa official list.

Kasabay nito, nanindigan si Elagao na tuloy ang pagtakbo ng Kabataan Party List sa 2022 National Elections sa kabila ng cancellation of registration plea ng NTF ELCAC matapos akusahan ang nasabing grupo na konektado sa CPP NPA kaya’t dapat na huwag isama sa eleksyon.