Judith Estrada-Larino

Nanisi at nagturo lamang si Health Secretary Francisco Duque III.

Ayon ito kay Senate President Vicente Sotto III kayat hindi siya kuntento sa mga naging paliwanag ni Duque sa pag dinig ng Senate Blue Ribbon Committee hinggil sa nakita ng COA na pagkukulang o mismanagement ng DOH sa COVID-19 response fund nito.

Sinabi ni Sotto na walang inamin na anumang pagkukulang si Duque sa pamamahala ng nasabing pondo at sa halip ay nanisi pa.

Marami pa aniyang nakitang isyu ang COA na hindi pa nasagot o naipaliwanag ni Duque sa pagdinig ng Blue Ribbon Committee kayat dapat pang subaybayan ang susunod na pagdinig ng nasabing komite ng senado. — ulat mula kay Cely Ortega Bueno

Kinukunsider ng DOH ang pagsama sa COVID-19 booster shots sa kanilang budget para sa susunod na taon.

Ito ayon kay Health Undersecretary Myrna Cabotaje, hepe ng National Vaccination Operations Center ay bagamat hindi pa inirerekomenda ng DOH all experts group ang booster shots.

Gayunman, sinabi ni Cabotaje na posibleng sa susunod na isa o dalawang buwan ay makapagbibigay na ng pinal na rekomendasyon ang all experts group hinggil sa pag aaral nila sa booster shots.

Una nang inihayag ni Finance Secretary Carlos Dominguez III na mangangailangan ang Pilipinas ng P55 bilyon para makabili ng booster shots.

Bukas itutuloy ng kamara ang pagdinig hinggil sa annual report ng COA na nagdedetalye sa nakita nitong deficiencies sa paghawak ng DOH sa COVID-19 funds nito.

Hindi naman tinukoy ng House Committee on public accounts kung bakit inilipat bukas sa halip na ngayong araw na ito ang pagpapatuloy ng nasabing pagdinig.

Una nang naging emosyonal si Health Secretary Francisco Duque III sa naging pagdinig sa kamara dahil sa nasabing COA report.

Pagtutuunan ng pansin ng gobyerno ang pagbili ng COVID-19 vaccine mula sa Pfizer at Moderna.

Ito ayon kay Vaccine Czar Carlito Galvez, Jr. ay kapag nag stabilize na o tumatag na ang supply ng Pfizer at Moderna vaccines.

Bagamat, ipinabatid ni Galvez na inaasahan ng gobyerno ang delivery sa susunod na buwan ng halos 5 milyong doses ng COVID-19 vaccine ng Pfizer na ipapadala sa mga lugar na wala pang natuturukan ng nasabing brand.

Gayunman, sinabi ni Galvez na pinag aaralan pa rin nilang bumili ng Sinovac.

Balik sesyon na rin ang kamara sa susunod na Linggo.

Ito ayon kay House Speaker Lord Allan Velasco ay ma-extend o hindi ang umiiral na ECQ sa Metro Manila hanggang bukas, Agosto 20.

Sinabi ni Velasco na hybrid ang magiging set-up nila sa pagbabalik ng sesyon nila sa Lunes, Agosto 23.

Nakapasok na sa bansa ang bagyong mino-monitor ng PAGASA sa Silangang bahagi ng Luzon.

Ayon sa PAGASA, pinangalanang Isang ang nasabing bagyo na ang sentro ay tinatayang nasa layong 1, 630 kilometers silanga n ng Central Luzon.

Sinabi ng PAGASA na ang bagyong Isang ay kumikilos pa Hilagang Kanluran sa bilis na 15 kilometers kada oras.

Taglay ng bagyong Isang ang pinakamalakas na hangings umaabot sa 45 kilometero kada oras malapit sa gitna at may pagbugso na umaabot sa 55 kilometro kada oras.

Inihayag ng PAGASA na hindi pa makakaapekto ang bagyong Isang sa anumang bahagi ng bansa sa mga susunod na oras.
Mananatili anitong mahinang tropical depression ang bagyong Isang na posibleng maging Low Pressure Area na lamang ngayong weekend.

Gumulong na ang drive thru vaccination para sa delivery riders sa Caloocan City.

Ayon sa Caloocan City Government, 2, 500 delivery riders na madalas humarap sa mga tao ang target na mabakunahan ng drive thru vaccination.

Gayunman, online appointment ang sistema sa pagpapabakuna sa drive thru vaccination na una nang itinayo sa Sm Center Sangandaan sa South Caloocan.

Nasa mahigit isang milyong doses ng bakuna na ang naiturok sa Caloocan at nsa 363K na ang full vaccinated sa lungsod.

Patuloy ang pagpupulong ng COMELEC at DEPED bilang paghahanda sa 2022 national elections.

Ayon kay COMELEC Spokesman James Jimenez, nais nilang bakunado ang mga gurong magsisilbing Board of Election inspectors.

Bahagi aniya ito ng kanilang budget considerations na pinaghahandaan nila para sa hinihinging budget ng komisyon sa kongreso.

Una nang ibinasura ng COMELEC ang panukalang extension ng registration at sa halip ay pinalawig na lamang ang oras nang pagpaparehistro.

Iniimbestigahan na ng Philhealth ang mga report na upcasing ng ilang ospital at healthcare providers ayon ito kay Dr. Shirley Domingo, Spokesperson ng Philhealth.

Sinabi ni Domingo na kapag napatunayang sangkot ang mga ospital at health care providers sa upcasing, posibleng bawiin nila o kaya naman ay suspendihin ang philhealth accreditation ng mga ito.

Nilinaw ni Domingo na ang upcasing ay kung ang isang naka-confine ay naka tag bilang COVID-19 case para makakuha ng mas malaking reimbursements mula sa Philhealth kahit minsan ay ubo’t sipon lamang o ibang sakit ang dahilan nang pagkaka ospital.

Balik na sa sesyon ang Senado sa susunod na linggo.

Ayon ito kay Senate President Vicente Sotto III kahit pa i-extend ang ECQ sa Metro Manila.

Una nang nanawagan si Senate Majority Floorleader Juan Miguel Zubiri na mag sesyon na sila sa Agosto 23 dahil posibleng magahol sila sa panahon para talakayin at aprubahan ang mga nakabinbing mahahalagang panukalang batas.

Sinabi ni Sotto na pagsapit ng Setyembre, inaaasahang sisimula na nila ang budget hearing at sa unang linggo naman ng Oktubre ay filing na ng certificate of candidacy para sa mga tatakbo sa 2022 national elections.—ulat mula kay Cely Ortega-Bueno (Patrol 19)