Judith Estrada-Larino

Tiniyak ng Sinovac na magdadala ito ng panibagong supply ng COVID-19 vaccine sa ikatlong quarter ng taong ito.

Kasunod na rin ito’y ayon kay Carlo Roach Garrucho, Chief Operating Officer ng IP Biotech ng pinakahuling pag-uusap nila ng Sinovac.

Sinabi ni Garrucho na tiwala silang makapagdadala sila ng supply ng COVID-19 vaccines para sa pribadong merkado.

Una nang inanunsyo ni vaccine czar Carlito Galvez, Jr. na lumagda na ang gobyerno para bumili ng dagdag na 10 milyong doses ng coronavac vaccine para matiyak ang matatag na supply.

Hindi pa napopondohan ang P45-B na budget para ipambili ng COVID 19 booster shot sa ilalim ng panukalang 2022 national budget.

Ayon ito kay acting budget secretary Tina Rose Canda matapos ilagay sa unprogrammed fund ang budget para sa pagbili ng COVID-19 booster shots.

Sinabi ni Canda na sa ngayon ay wala pang katiyakan o nakakapagsabing kailangan ang booster shot kaya’t hindi pa mailagay sa programmed fund.

Ang unprogrammed funds ay mga item na popondohan kung lalampas ang koleksyon ng buwis sa target nito at kung napasakamay na ng gobyerno ang mga dagdag na grant ng foreign funds.

Masayang pasko.

Ito’y ayon kay MMDA chairman Benhur Abalos ang tinutumbok ng vaccination program kontra COVID-19 ng NCR.

Sinabi ni Abalos na nasa halos 44% na ng mga taga-Metro Manila ang fully vaccinated na at 76% ang naghihintay na lamang ng kanilang second dose.

Ipinabatid ni Abalos na nasa 11.7M COVID-19 vaccine doses na ang naiturok sa Metro Manila.

Una nang inanunsyo ni Abalos na nagkasundo ang local government units sa Metro Manila na bakunahan ang kani-kanyang mga residente.

Patapos na aniya ang pagbabakuna ng San Juan samantalang handa na ang Pateros at Mandaluyong na mag-bakuna ng non-residents.

Hindi pa mawawala sa lalong madaling panahon ang virus na nagdudulot ng COVID-19.

Binigyang diin ito ni Dr Takeshi Kasai, Regional Director ng WHO Western Pacific Region dahil sa mabilis na pagkalat ng Delta variant ng Coronavirus.

Sinabi ni Kasai na malaking banta ang Delta variant at iba pang uri ng Coronavirus sa kapasidad maging na pinakamalakas na public health systems sa iba’t ibang rehiyon at  kahit pa magsanib puwersa ang internatonal community ay hindi mabubura ang COVID-19. Nakita aniya nilang ang mabilis na hawahan ng virus sa loob ng mga bahay ay dulot ng Delta variant.

Ayon kay Kasai, ang pinaka epektibong panlaban sa virus ay pagpapa bakuna at iba pang hakbangin kabilang ang agarang pagtugon sa pagsirit ng kaso.

Suportado ng WHO Western Pacific Region ang pagbabakuna sa mga batang may comorbidities sa mga lugar na mayroong malawak na hawahan.

Ito ayon kay Dr. Socorro Escalante, Coordinator for Essential Medicines and Health Technologies ay bagamat hindi naman ganun maaaring maapektuhan kaagad ng COVID-19 ang mga bata kumpara sa iba pang age group.

Subalit dapat pa rin aniyang i prioritize ang mga matatanda na madaling tamaan at mahawahan ng COVID-19.

Una nang inihayag ng health authorities na hindi pa panahon para bakunahan ang mga bata at kabataan dahil kailangan pa ng dagdag na impormasyon kung talaga bang ligtas ang pagbabakuna sa mga ito.

Kinumpirma ni Davao City Mayor Sara Duterte ang pagta-tandem nina Senador Bong Go at amang si Pangulong Rodrigo Duterte sa 2022 national elections.

Ito’y ayon kay mayor Sara matapos mismong ang ama ang nagpabatid sa kanya hinggil sa pagtakbo nila ni Go sa susunod na eleksyon.

Tinukoy ng presidential daughter na “not a pleasant event” ang tambalang Go-Duterte.

Kasunod na rin ito aniya nang paglalatag sa kanya na i-endorso ang Duterte-Go tandem at isa pang option para tumakbo ang alkalde bilang presidente ng bansa sa 2022 national elections.

Sinabihan ni mayor Sara ang mga nasa paligid nila na huwag siyang gamiting dahilan para magpasya kung tatakbo o hindi sa darating na eleksyon.

Diniretso ng alkalde ang ama at si Go na sabihin sa publiko ang desisyon nilang magsanib-puwersa eleksyon kung sa pribado ay nakumpirma na rin ng mga ito ang kanilang tambalan.

Kinumpirma ni Davao City Mayor Sara Duterte ang pagta tandem nina Senador Bong Go at amang si Pangulong Rodrigo Duterte sa 2022 National Elections.

Ito ayon kay Mayor Sara ay matapos mismong ang ama ang nagpabatid sa kanya hinggil sa pagtakbo nila ni Go sa susunod na eleksyon.

Tinukoy ng presidential daughter na “not a pleasant event” ang tambalang Go-Duterte.

Kasunod na rin ito aniya nang paglalatag sa kanya na i endorso ang Duterte-Go tandem at isa pang option para tumakbo ang alkalde bilang presidente ng bansa sa 2022 National Elections.

Sinabihan ni Mayor Sara ang mga nasa paligid nila na huwag siyang gamiting dahilan para magpasya kung tatakbo o hindi sa darating na eleksyon.

Diniretso ng alkalde ang ama at si Go na sabihin sa publiko ang desisyon nilang magsanib puwersa eleksyon kung sa pribado ay nakumpirma na rin ng mga ito ang kanilang tambalan.

Walang paglabag ang PDP Laban Cusi faction sa kanilang by laws sa pagtalaga muna ng kandidato bilang Bise Presidente kaysa unahin ang isasabong na Presidentiable.

Pinanindigan ito ni party acting Secretary General Atty. Melvin Matibag na nagsabing kanya-kanyang estilo ang mga grupo kaya’t uubra silang pumili muna ng kandidato sa pagka-VP bago ang Presidentiable sa 2022 elections.

Iisa rin aniya ang nasa shortlist ng ruling party bilang Presidentiable bet at ito ay si Senador Christopher Bong Go.

Dalawang ospital na miyembro ng PHAPI o Private Hospital Association of the Philippines Incorporated ang nagsara na dahil sa nabiting pagbabayad at polisiya ng Philhealth.

Ayon kay Dr. Jose Rene De Grano, pangulo ng Phapi , isa sa mga nasabing ospital ay mula sa Samar at isa sa Davao.

Sinabi ni De Grano na mayroong iba pang member ng hospital nila ang nagpaplanong magsara na bagama’t umiisip pa ng ibang paraan ang mga ito para makapagpatuloy ng operasyon tulad ng pangungutang sa bangko at pagbabawas ng oras ng trabaho at maging ng staff.

Una nang nagkausap ang mga grupo ng mga ospital at ang Philhealth para tutukan ang memo ng ahensya hinggil sa suspensyon ng payment ng claims na hakbangin kontra healthcare providers na iniimbestigahan pa.

Inihayag ni De Grano na itutuloy ng mga ospital ang bantang pagputol sa tie up sa Philhealth kung hindi ito magbabayad ng claims matapos ang kanilang pag uusap.

Walang personalan.

Nilinaw ito ng Pangulong Rodrigo Duterte matapos una nang banatan ang COA kasunod ng inilabas na annual report sa paggastos ng DOH ng P67-B na pondo para COVID-19 response.

Ayon sa Pangulo, batid niya kailangang gawin ng COA ang trabaho nito batay sa utos sa kanila ng batas.

Subalit binigyang-diin ng Pangulo na mayroong epekto ang mga audit report sa government agencies lalo pat hindi maiiwasang mahaluan ito ng pulitika.

Mayruon naman aniyang kalayaang bumatikos dahil kailangang malaman ng mga Pilipino kung ano talaga ang totoo.

Sinabi ng Pangulo na wala naman siyang magagawa sa mga hindi maniniwala sa kanya pero ang government records ang makapagpapatunay kung ano talaga ang totoo.