Judith Estrada-Larino

Nadagdagan pa ang mga sanggol na naka-admit sa Pasay City General Hospital (PCGH) matapos mag positibo sa COVID-19.

Ayon kay Dr. John Victor De Gracia, Medical Director Ng Ospital, limang sanggol na ang ginagamot nila matapos isugod ang dalawa pang sanggol kung saan ang kanilang mga ina ay na una na ring nag positibo sa COVID-19.

Sinabi ni De Gracia na isa sa mga sanggol ay kritikal ang kondisyon at nasa NICU ng ospital at nasa maayos na kondisyon naman ang iba pang sanggol na maaari nang ilipat sa quarantine facility kasama ang kanilang ina o mapauwi na sakaling gumaling na rin ang kanilang mga ina.

Kasabay nito, ipinabatid ni De Gracia na halos punuan na naman ang COVID-19 ward ng Pasay City General Hospital kung saan sarado ang emergency room bagamat tuluy-tuloy ang pag-decongest nila sa lugar para muling tumanggap ng mga pasyente.

Dapat na kilalanin ng mga Pilipino ang sakripisyo ng pamilya Aquino para sa bansa.

Ayon ito ni Vice President Leni Robredo bilang paggunita sa ika-33 anibersaryo nang pagpatay kay Dating Senador Benigno Ninoy Aquino, Jr.

Sinabi ni Robredo na mas malungkot ang paggunita sa kamatayan ng Dating Senador dahil na rin sa pagpanaw ng anak na si Dating Pangulong Noynoy Aquino dalawang buwan na ang nakakalipas.

Binigyang diin ni Robredo na kasama ang Dating Pangulong Corazon Aquino, isang mag-anak silang nagpakita ng kabayanihan at pagmamahal sa bayan kayat dapat bigyang pugay ang katapangan ni Ninoy nang piliing talikuran ang pansariling kaginhawahan upang ialay ang buhay para sa kalayaan ng mga Pilipino.

Ang hamon ngayon aniya sa mga Pilipino ay panatilihing buhay ang bunga ng nasabing sarkipisyo mula sa pagharap sa mga hamon ng pandemya hanggang sa paninindigan para sa karapatan sa bawat pagkakataon.

Pinalawig pa ng BIR ang deadline sa paghahain ng tax returns at pagbabayad ng buwis sa mga lugar na nasa MECQ.

Sinabi ni BIR Commissioner Caesar Dulay na ang 15 day extension o kapag natapos na ang MECQ sa Metro Manila ay makakatulong para bahagyang makahinga ang tax payers kung paano nila babayaran ang kanilang buwis.

Ayon pa kay Dulay, palalawigin din nila muli nila ang deadline sa pagbabayad ng buwis sakaling magkaruon ng extension ang pagsailalim sa MECQ ng NCR.

Pinaiimbestigahan ni ACT Teachers Party List Representative France Castro ang hindi umano pagtupad ng DITO Telecommunity sa mga pangako nito matapos maaprubahan ang kanilang prangkisa.

Sinabi ni Castro na dapat mapatawan ng karampatang penalty ang Third Telco Base na rin sa prangkisa nito na una na nilang tinutulan dahil kontrolado ito aniya ng Chine Telecom na maaaring banta sa national security.

Kabilang aniya sa mga napakong pangako ng DITO Telecommunity ang obligasyon nitong serbisyuhan ang 37% ng populasyon lalo pa’t nadagdagan ng 9-M ang populasyon ng bansa ngayong 2021.

Bukod pa ito, ayon kay Castro sa pangako ng Dito Telecommunity na panatilihin ang average minimum internet speed na 27Mbps.

Nais ding malaman ni Castro ang tunay na nangyari sa napaulat na 1,600 cell towers pa lang na naitatayo ng kumpanya batay sa technical audit ng ntc ..gayung nasa 2,500 cell towers ang ipinangako nito.

Binigyang diin pa ni Castro na ang Third Telco ay inaprubahan para serbisyuhan ang mahihirap at marginalized sector ng lipunan subalit tila naging anti poor ito dahil nag roll-out ito sa highly urbanized cities ng Visayas at Mindanao at Metro Manila at para ma avail ang serbisyo nito ay kailangan pang bumili umano ng 4G handsets.

Inatasan muli ng Pangulong Rodrigo Duterte si Health Secretary Francisco Duque, III na bayaran ang allowances at mga benepisyo ng medical frontliners.

Sa gitna na rin ito ng bantang mass protest ng ilang grupo ng health workers kapag hindi pa naibigay ang kanilang mga benepisyo partikular ang special risk allowance.

Sinabi ng Pangulo na kailangang bayaran ang mga health workers lalo na’t mayroon namang pera para rito.

Pinakilos din ng Pangulo si Duque para bayaran ang mga vaccinator na nag volunteer sa COVID-19 vaccination program ng gobyerno.

Sinibak ng Pangulong Rodrigo Duterte ang Administrator ng National Electrification Administration (NEA) dahil sa alegasyon ng katiwalian.

Ayon sa Pangulo, inirekomenda ng PACC ang pagsibak kay Administrator Edgardo Masongsong bilang NEA Chief.

Bahagi ito aniya ng anti-corruption campaign ng gobyerno at mapaganda pa ang serbisyo ng pamahalaan sa taumbayan.

Hinamon ng Pangulong Rodrigo Duterte ang kanyang mga kritiko na bigyan siya ng mga dahilan para sibakin si Health Secretary Francisco Duque, III.

Tinawag na “great injustice” ng Pangulong Duterte kung sisipain niya bilang miyembro ng gabinete si Duque ng walang dahilan.

Sinabi ni Pangulo na sagot niya ang mga tila pagkukulang ni Duque dahil siya ang nakiusap dito para maging bahagi ng kanyang gabinete.

Muling iginiit ng Pangulo na walang kasalanan si Duque.

Binigyang diin ng Pangulo na isyu ng korupsyon at kapabayaan sa trabaho ang magiging dahilan para sibakin niya sa puwesto ang sinumang miyembro ng kanyang gabinete.

Nagpasalamat ang Pangulong Rodrigo Duterte sa China sa pag kumpleto ng donasyong Sinopharm vaccines.

Sinabi ng Pangulo na sinagot ng China ang kakulangan sa supply ng bakuna sa pagdating ng halos 261,000 doses ng Sinopharm vaccines.

Kasabay nito ay binalikan ng Pangulo ang kanyang mga kritiko tulad nina dating DFA Secretary Albert Del Rosario at Dating Senador Antonio Trillnes, IV sa pagpapanatili niya ng magandang relasyon sa China.

Binigyang diin ng Pangulo na walang matatanggap na anumang donasyong bakuna ang Pilipinas mula sa China kung nakinig siya sa kanyang mga kritiko.

Napasakamay ng bansa ang panibagong supply ng COVID-19 vaccines mula sa Sinovac at Sinopharm.

Ayon sa National Task Force (NTF) Against COVID-19 ang 1-M doses ng Sinovac vaccines ay binili samantalang ang halos 261,000 doses ng bakuna mula sa Sinopharm ay donasyon ng chinese government.

Ang mga nasabing bakuna ay dumating sa bansa sakay ng PAL flight pasado alas-6 ng umaga sa NAIA Terminal 2.

Winelcome nina Assistant Secretary Wilben Mayor ng Office of the Presidential Adviser on the Peace Process at DOH Director Ariel Valencia ang mga nasabing COVID-19 vaccines.

Nasa 26.5 doses ng Sinovac vaccine na ang natanggap ng bansa samantalang kinumpleto naman ng bagong supply ng Sinopharm vaccines ang 1-M doses nito na donasyon ng Chinese Government.