Judith Estrada-Larino

Lusot na sa ikalawang pagbasa ang panukalang pagpapaliban ng tatlong taon sa eleksyon sa Bangsamoro Autonomous Region in Muslim Mindanao (BARMM).

Tanging si Senador Panfilo Lacson ang bumoto kontra Senate Bill 2214 habang nag abstain naman sina Senate President Protempore Ralph Recto at Senador Imee Marcos.

Sinabi ni Lacson na hindi dapat iantala ang eleksyon at dapat konsultahin ang mga mamamayan ng BARMM kung payag na ipagpaliban ang eleksyon samantalang inihayag ni Marcos na pabor siyang ipagpaliban ito ng isang taon lang.

Ayon kay Senate Committee on Local Government Chair Francis Tolentino, nag sponsor ng panukala, ang tatlong taong pagpapaliban ng nasabing eleksyon ay magbibigay sa Bangsamoro Transition Authority ng dagdag na panahon para magawa ang mga programa at proyekto sa BARMM na naantala dahil sa COVID-19 pandemic. — ulat mula kay Cely Ortega-Bueno

Pinaghahandaan na kapwa ng AFP at US Armed Forces ang full blast balikaran exercises sa susunod na taon.

Ayon ito kay Defense Secretary Delfin Lorenzana matapos ang pag uusap nila ni US Indo Pacific Command Chief Admiral John Aquilino na una nang bumisita sa bansa.

Sinabi ni Lorenzana na hindi natuloy ang mga nakalatag na pagsasanay nuong isang taon dahil sa COVID-19 pandemic, bagamat tuluy tuloy naman aniya ang maliliit na training sa pagitan ng AFP at US Armed Forces.

Kaya naman aniya iginigiit niyang panatilihin ang Visiting Forces Agreement (VFA) para mabigyan ng pagkakataon ang mga sundalong Pilipino na makagamit ng mga bagong kagamitan na nais bilhin ng bansa mula sa Amerika.

Nakatakdang magpatayo ang Philippine Coastguard ng kauna unahang training facility sa mga aso sa buong Southeast Asia.

Pinangunahan ni Transportation Secretary Arthur Tufade ang groundbreaking ceremony nang itatayong K9 academy sa Clark Special Economic zone sa Pampanga.

Katuwang ang Philippine Ports Authority (PPA) ang K9 facility ay kayang magturo ng nasa 100 K9 forces at 100ding handlers na makakatulong ng mga pulis at sundalo.

Ang nasabing K9 academy ay suportado ng Canine Development Center, Canine School, Canine Breeding Center, Canine Hospital at Kennel Management and Biosecurity.

Inaprubahan na sa bansa ang pagpapalaganap ng genetically modified golden rice matapos ang mahigit 10 taong field tests dito.

Ayon sa International Rice Research Institute (IRRI) ang Pilipinas ang kauna unahang bansa sa Southeast Asia na naaprubahan ang golden rice para sa commercial cultivation.

Sinabi ni Ronan Zagado, Government Spokesman para sa golden rice intiative na matapos mailabas ang biosafety permit, sinimulan na ng DA-PhilRice ang pagpo-produce ng mga binhi para maitanim na kadalasang nasa tatlo hanggang apat na cropping seasons.

Ang golden rice aniya ay una munang dadalhin sa mga lugar na may mataas na kakulangan sa vitamin A sa ikatlong quarter ng 2022 bago ito maging available sa publiko.

Hindi maaantala ang deliberasyon ng kamara sa panukalang P5.024 trillion national budget para sa susunod na taon dahil lamang sa mga report ng commission on audit.

Tiniyak ito ni House Appropriations Committee Chairman Eric Yap dahil kinikilala niya ang mandato ng COA na naaayon sa
1987 Constitution hinggil sa pag audit ng mga ginagastos ng gobyerno.

Gayunman, mas mabuti aniyang idiretso lamang ang mga findings ng COA sa Office of the Ombudsman para sa kaukulang aksyon.

Sinabi ni Yap na may 35 araw ang kamara para talakayin at aprubahan ang pinakamalaking panukalang budget sa kasaysayan ng Pilipinas.

Ayon kay Yap, sa maikling panahon ay posibleng hindi na aabot pa sa itinakdang araw ang pag apruba sa panukalang pondo para sa susunod na taon, kung hihimayin pa nila ang findings ng COA.

Binigyang diin ni Yap na mahalagang maaprubahan ang 2022 proposed national budget bago pa man matapos ang taong ito dahil malaki ang papel nito sa recovery ng ekonomiya ng bansa.

Ngayong araw na ito inaasahang sisimulan ng kamara ang committee deliberation para sa budget proposal ng ibat ibang ahensya at tanggapan ng gobyerno.

Nagmatigas ang DOH Western Visayas na isailalim sa lockdown ang kanilang tanggapan.

Kasunod na rin ito ng kautusan niIloilo City Mayor Jerry Trenias na i-lockdown ang opisina ng DOH Region 6 matapos ang magkahawahan ng Delta variant ang kanilang mga empleyado.

Ayon kay Dr. Bea Camille Natalaray, Spokesperson ng DOH Region 6, hindi maaaring i-shutdown ang kanilang operasyon dahil vital government agency ang kanilang tanggapan.

Gumaling na aniya ang dalawang empleyado na nag positibo sa Delta variant at halos isang buwan nang hindi nakabalik sa kanilang tanggapan.

Tiniyak ng Sinovac na magdadala ito ng panibagong supply ng COVID-19 vaccine sa ikatlong quarter ng taong ito.

Kasunod na rin ito,ayon kay Carlo Roach Garrucho, Chief Operating Officer ng IP Biotech ng pinakahuling pag uusap nila ng Sinovac.

Sinabi ni Garrucho na tiwala silang makapagdadala sila ng supply ng
COVID-19 vaccines para sa pribadong merkado.

Una nang inanunsyo ni Vaccine Czar Carlito Galvez, Jr. na lumagda na ang gobyerno para bumili ng dagdag na 10 milyong doses ng Coronavac vaccine para matiyak ang matatag na supply.

Ipinalabas na ng Department of Budget and Management (DBM) ngayong araw na ito ang special risk allowance ng 20,000 health care workers sa gitna na rin ng COVID-19 pandemic.

Kasunod na rin ito ng direktiba ng Pangulong Rodrigo Duterte na ipalabas na ang nasabing benepisyo sa loob ng 10 araw.

Ayon kay Acting Budget Secretary Tina Rose Marie Canda, ang nasabing pondo sa ilalim ng Bayanhan 2 ay ibinalik sa Bureau of Treasury subalit na tustusan nila ang sra ng mga nasabing health care workers na hindi pa nabayaran sa ilalim ng Bayanihan 2 Law.

Inaasahan aniya nilang maido-download na ng DOH ngayong hapon ang nasabing pondo para sa SRA ng medical health workers na hinugot nila mula sa Miscellaneous and Personnel Benefit Fund (MPBF) para sa mga nasa gobyerno at itinuring namang unprogrammed fund ang nasabing benepisyo para sa mga nasa private sector.

Sumalang sa surprise drug test ang mga pulis na nakatalaga sa station 14 ng Manila Police District.

Nagsumite ng kanilang sample ng ihi ang mga pulis sa loob ng Shariff Mansion covered court sa Globo De Oro sa Quiapo, Maynila.

Ayon kay MPD district director brigadier general Leo Francisco.

Nasa 134 na pulis ang isinalang sa surprise drug test bilang bahagi ng internal cleansing program ng PNP.