Nakatakda nang mag-retiro si Azkals midfielder Stephan Schrock.
Ipinabatid ni Schrock na tatapusin niya lamang ang laro ng Azkals kontra Indonesia sa Group A ng 2022 AFF Mitsubishi Electric Cup ngayong araw na ito.
2011 nang maging bahagi ng Azkals si Schrock na inalala ang kanyang mga naging sakripisyo kabilang ang pagkawalay sa kanyang pamilya.
Titiyakin ni DSWD OIC Eduardo Punay na tuluy-tuloy ang mga programa ng ahensya.
Sinabi ni Punay na mahigpit na bilin sa kanya ng Pangulong Ferdinand Bongbong Marcos, Jr. na siguruhin ang maayos na takbo ng mga programa ng DSWD lalo na’t nagkaruon ng matinding pagbaha sa Visayas at Mindanao.
Krusyal aniya ang papel ng DSWD sa disaster response partikular ang relief operations kung saan si Punay ay itinalaga matapos ma-by pass ng Commission on Appointments ng ilang beses si DSWD Secretary Erwin Tulfo dahil sa mga isyu ng US citizenship at mga nakalipas niyang libel convictions.
Pag aaralan pa ng Public Private Partnership (PPP) Center ang privatization ng EDSA Bus Carousel Service.
Ayon kay Transportation Undersecretary Mark Steven Pastor, nakikipag ugnayan na sila sa PPP Center kaugnay sa nasabing feasibility study para malaman ang epektibong paraan sa pagkakasa ng privatization ng EDSA Bus Carousel Service.
Kaugnay nito, ipinabatid ni Pastor na ilang kumpanya na ang nagpaabot ng kagustuhang i-operate EDSA Bus Carousel Service simula sa susunod na taon.
Matatapos na sa December 31 ang libreng sakay na alok ng gobyerno sa pamamagitan ng EDSA Bus Carousel Service na napapakinabangan ng nasa halos 400,000 pasahero kada araw.
Pasado na ang resolusyon ng MMDA kaugnay sa pagtatalaga ng designated fireworks display.
Ayon kay San Juan City Mayor Francis Zamora, pangulo ng Metro Manila Council (MMC) sa pamamagitan ng hakbang ay maiiwasan ang pagtaas ng mga mapuputukan.
Sinabi ni Zamora na bahala na ang local government units na magtalaga ng mga lugar sa kani-kanilang teritoryo kung saan uubrang mag fireworks display.
Magugunitang hinimok ng MMDA at DOH ang local officials na maghanap ng ibang paraan sa pagsalubong sa bagong taon.
Bibitbitin ng basketball team ng Pilipinas sa pagsabak sa 32nd Dubai International Basketball Championship si dating NBA guard Nick Young.
Ipinabatid ni Strong Group Realty Philippines Coach Charles Tiu na malaki ang maitutulong ni Young sa koponan sa naturang event na sisimulan sa January 27, 2023 hanggang February 5.
Inaasahang darating sa bansa si Young sa ikalawang linggo ng Enero at sabay na rin sa Philippine Team patulak ng Dubai.
Nagpaabot na rin ng katuwaan si Young sa paglalaro sa PBA.
Ang 11 year NBA veteran ay naging bahagi ng Golden State Warriors nang mag kampeon ito nuong 2018 at nakapaglaro na rin sa iba pang NBA teams tulad ng Los Angeles Clippers, Philadelphia Seventy Sixers, Los Angeles Lakers at Denver Nuggets.
Natapos na ang hindi magandang kondisyon ng ekonomiya ng bansa.
Ayon ito kay Finance Secretary Benjamin Diokno kaya’t asahan na ang pagganda ng ekonomiya ng bansa sa susunod na taon kung kailan posibleng pumalo sa 7% ang growth rate.
Sinabi ni Diokno na positibo sila sa pagbilis ng paglago ng ekonomiya ng bansa sa kabila ng mga pangambang pagbagsak ng ekonomiya ng ibang bansa at maging ng recession.
Binigyang diin ni Diokno na mahihigitan ng Pilipinas ang target expectations sa ekonomiya ngayong taon.
Dumoble na at posibleng sumipa pa sa susunod na dalawang araw ang presyo ng mga bilog na prutas sa Divisoria sa Maynila.
Ayon sa mga fruit vendor sa Divisoria, P200 na ang kada kilo ng ubas at tig-P100 naman ang presyo ng kada kilo ng chico at longgan.
P100 rin ang kada apat na piraso ng mansanas at persemone, P100 din ang kada tatlong piraso ng peras at P50 kada isang balot ng kiat kiat.
Ang kiwi ay P40 kada piraso, P50 ang isang melon at P130 ang bawat isa ng pakwan.
Mabibili rin sa P150 ang kada kalahating kilo ng castanias.
Tila dinadagsa na ng reklamo ang COMELEC kaugnay sa mga nalilitong constituents sa local positions sa ilang lalawigan.
Kabilang dito ang kaso sa Negros Oriental kung saan sinasabi ni Pryde Henry Teves na siya pa rin ang dapat kilalaning Gobernador ng lalawigan. Dahil wala pang ruling ang korte suprema sa hirit na temporary restraining order nang nakalabang si Governor Roel Degamo sa legalidad ng kanyang proklamasyon. Sinasabing wala rin itong ipinagkaiba sa kaso ng posisyon sa First District ng Zamboanga del Norte ni Congressman Romeo Jalosjos, Jr. na una nang inalis sa listahan ng mga kongresista na ayon sa kanyang abogadong si Atty Ivan Ang ay malinaw na paglabag sa batas.
Binigyang diin ni Ang na maaari lamang ma delist ang isang kongresista kung nag botohan at nakakuha ng two thirds votes mula sa kabuuang bilang ng mga miyembro ng kamara na hindi naman nangyari kay Jalosjos kaya’t umaapela sila sa house leadership na idaan sa ruling ang nasabing kaso. Umapela na rin aniya sila sa korte suprema para baligtarin ang desisyon nitong magpalabas ng status quo ante order at ibalik sa kamara si Jalosjos bilang kinatawan ng unang distrito ng Zamboanga del Norte na binubuo ng 8 munisipalidad.
Una nang nag rally sa Dapitan City ang libu libong residente ng Zamboanga del Norte para igiit ang reinstatement ni Jalosjos lalo na’t walang nag aasikaso sa pamamahagi ng tulong sa mga nasalanta ng flashflood at landslide sa unang distrito nitong nakalipas na pasko.
Todo paghahanda na si Pinay tennis star Alex Eala sa kanyang unang pagsabak sa professional level match ng Grand Slam sa susunod na taon.
Kasunod na rin ito nang pagpasok ni Eala sa qualifying round ng 2023 Australian Open sa January 9 hanggang 12.
Ang 17 anyos na Pinay ay rank 214 sa Women’s Tennis Association rankings.
Una nang gumawa ng kasaysayan si Eala nang maging unang Pinoy player na makakuha ng Junior Grand Slam Single Title bukod pa sa 2022 US Open Juniors Champion.
Balik ang fireworks display sa Boracay sa pagsalubong sa bagong taon.
Ayon kay Mayor Frolibar Bautista ng Malay, Aklan, ibabalik nila ang taunang atraksyon sa Boracay kung saan excited ang mga may-ari ng establishments na sumali sa fireworks display sa December 31.
Ipinabatid ni Bautista na 12 lugar ang itinalaga nila sa buong Boracay na lalahok sa nasabing event.
Kasabay nito, sinabi ni Bautista na plano nilang gawing mas wholesome destination ang Boracay lalo na para sa mga pamilya.
Matapos ilunsad ang “Bawal ang pasaway sa Boracay” program na tututok sa isla bilang isang discipline zone para makapag-enjoy ang mga guest ng iba’t ibang aktibidad at accommodations.