Jopel Pelenio

Nakapagtala ang Department of Health (DOH) ng 1,122 new Covid-19 cases kahapon.

Pero sa kabila nito, ayon sa ahensya, patuloy pa rin ang pagbaba ng kaso ng virus sa buong bansa na umabot na lamang ngayon sa 18,864 cases.

Ito na ang ikatlong araw na mas mababa sa 2,000 ang naitatalang new Covid-19 cases.

bunsod nito, pumalo na sa 4,024,956 ang kabuuang virus cases sa pilipinas habang bumagsak naman sa 19,267 ang active tally nitong nakalipas na biyernes.

sa nakalipas na dalawang linggo, naitala ng National Capital Region (NCR) ang pinakamataas na new infections na nasa 3,525 na sinundad ng CALABARZON – 2,058,  Western Visayas – 1,577,  Central Luzon – 1,193, at Central Visayas na mayroong 1,114 new cases.

Sumirit naman sa 3,941,624 ang bilang ng mga gumaling sa bansa kasama na ang 1,551 new recoveries.

Hinimok ni Pang. Ferdinand “Bongbong” Marcos, Jr. ang Asia Pacific Economic Cooperation (APEC) Member Economies na solusyunan ang mga kinakaharap na hamon ng service sector ng rehiyon, partikular na ang shipping at logistic services na siyang pundasyon o backbone ng Global Trade and Investment.

Ito ang inihayag ni Pang. Marcos, sa kanyang naging intervention sa ginanap na APEC Leader’s Speech and Formal Dialogue.

Umapela din ang Pangulo sa mga APEC leaders na tuldukan na ang diskriminasyon sa mga produktong gawa o galing sa mga maliliit na negosyante.

Kabilang pa sa ipinanawagan ng Punong Ehekutibo ang pagresolba sa Climate Change na maituturing aniyang  “The Greatest Existential Threat” na nakakaapekto sa buong rehiyon.

Binigyang-diin ni Pang. Ferdinand Marcos Jr., kay Australian Prime Minister Anthony Albanese ang pagnanais nitong mapalakas ang agriculture and energy cooperation ng Pilipinas at Australia.

Ginawa ni Pang. Marcos ang pahayag sa kanilang naging bilateral meeting ni Albanese sa Sideline ng 2022 APEC Summit na ginanap sa Bangkok, Thailand.

Ayon sa Punong Ehekutibo maraming kasunduang pang-ekonomiya na maaari aniyang mapaigting ng dalawang bansa partikular na pagdating sa agrikultura at renewable energy.

Bunsod nito, wala nang ibang detalye na inilabas ang Palasyo ukol sa dito.

Samantala, sinabi naman ng Office of the Press Secretary, na sinusuportahan ni Albanese ang panawagan ng Pangulo na kailangang tutukan ang pagresolba sa climate crisis, na siyang itinuturing na pangunahing problemang kinakaharap ng mundo.

Sisimulan na ng Bureau of Immigration (BI) ang imbestigasyon sa sinasabing tangkang pagpupuslit-palabas ng bansa sa tatlong indibidwal na hinihinalang biktima ng Human Trafficking.

Sa Facebook post ni Immigration Commissioner Norman Tansingco, inatasan na nito ang kanyang mga tauhan na imbestigahan ang insidenteng ito na naganap noong November 6 sa Ninoy Aquino International Airport (NAIA).

Ayon kay Tansingco, base sa kanilang Initial Report, pawang peke ang mga iprenesentang ID, passport at boarding pass ng dalawang babae at isang lalake na kanilang naharang sa paliparan.

Sinubukan pa aniyang iwasan ng mga biktima ang Immigration Inspection sa pamamagitan ng pagdaan sa employees entrance gamit ang fake passes.

Dagdag pa ng Immigration official na tinangka ring sumakay ng tatlo sa magkakahiwalay na flight patungong Bangkok, Kuala Lumpur, at Singapore.

Ngunit lumalabas ani Tansingco sa naging pag-amin ng isa sa mga biktima, na sa Lebanon ang kanilang orihinal na destinasyon upang doon maghanap ng trabaho ng walang pinanghahawakan na anumang legal na dokumento.

Sumipa sa 17,675 ang aktibong kaso ng Covid-19 sa buong bansa, makaraang makapagtala kahapon ang Department of Health (DOH) ng karagdagang 1,232 new active cases.

Ayon sa DOH, umabot na sa 4,016,401, ang kabuuang kaso ng virus sa bansa, at kabilang na dito ang 3,934,344 recoveries at 64,382 death toll.

Naitala ng National Capital Region (NCR) ang pinakamataas na bilang ng new infections sa nakalipas na dalawang linggo na pumalo sa 2,831 cases, na sinundan ng CALABARZON na mayroong 1,598; Western Visayas – 1,325; Central Luzon – 975; at Central Visayas na nakapagtala ng 862 cases.

Base sa ahensya, nasa 24.4% ang bed occupancy rate nationwide, na mayroong 6,940 occupied at 21,526 vacant beds.

Pinapurihan ni Pang. Ferdinand “Bongbong” Marcos, Jr. ang Australia dahil sa ibinigay nitong suporta sa Bohol Trafficking in Persons (TIP) work plan upang mapaigting ang pagpapatupad ng ASEAN Convention on Trafficking in Persons Especially Women and Children.

Pagbibigay-diin ni Pang. Marcos, kailangang magpatuloy ang pagtutulungan upang malabanan ang transnational crime na ito.

Sinabi pa ng Punong Ehekutibo sa ginanap na second ASEAN-Australia Summit sa Phnom Penh, Cambodia, na sa pamamagitan nito, higit na mapalalakas ang mga hakbangin ng bawat bansa para mapigilan ang mga International Human Traffickers na gumagamit na rin ng makabagong teknolohiya sa kanilang mga iligal na gawain.

Samantala, inihayag din ng Pangulo na suportado niya ang tuloy-tuloy na pakikipagkooperasyon ng Australia sa ASEAN Technical and Vocational Education Training (TVET) Council na magbibigay-daan upang mapaunlad pa ang TVET Systems and Programs sa mga bansang miyembro ng ASEAN.

Umaasa naman si Pang. Marcos, na higit nitong mapalalakas ang TVET Training and Scholarship Programs sa Pilipinas sa pagitan ng mga specialists at mga estudyante, bilang paghahanda narin sa conclusion ng ASEAN-Australia-New Zealand free trade area upgrade.

Nakipagpulong kahapon si Pang. Ferdinand “Bongbong” Marcos Jr. kay South Korean President Yoon Suk-Yeol.

Tinalakay ng dalawang lider ang higit na pagpapaigting ng bilateral ties sa pagitan ng South Korea at Pilipinas, partikular na pagdating sa security, infrastructure, energy, at people-to-people exchanges.

Napagkasunduan naman nina Pang. Marcos at Pres. Yoon na mas patatagin pa ang ugnayan ng kani-kanilang mga bansa.

Naganap ang kanilang bilateral meeting sa sidelines ng 40th at 41st ASEAN Summits and Related Summits sa Cambodia.

Nasira ang isang footbridge sa may Sucat Avenue, Paranaque City, makaraang sumabit dito ang container van na dala ng isang trailer truck.

Kinailangan namang isara ang bahaging ito ng kalsada dahil sa nakahambalang na trak na nabagsakan din ng debri ng footbridge.

Ayon sa hindi pinangalanang truck driver, na katamtaman lamang ang bilis ng kanyang takbo nang bigla na lamang syang makarinig ng ingay pagdaan sa ilalim ng footbridge.

Base sa inisyal na ulat ng mga otoridad, umangat nang bahagya ang container van dahil sa wala itong laman, na siyang naging dahilan nang insidente.