Jenn Patrolla

Malabong pansamantalang malakaya mula sa detention center ng International Criminal Court si dating Pangulong Rodrigo Duterte.

Ito ang iginiit ni International Law Professor Attorney Romel Bagares kasunod ng hirit ng kampo ng dating pangulo at mga taga-suporta nito na ibalik sa bansa si Duterte.

Sa panayam ng DWIZ, sinabi ni Attorney Bagares, na pag-aaralan pang mabuti ng korte ang hirit ng kampo ni Duterte, lalo na’t mabigat ang kinakaharap nitong kaso na crime against humanity.

Nilinaw naman ng abugado na hindi pa itinuturing na akusado si dating Pangulong Duterte.

Samantala, naniniwala rin si Attorney Bagares na wala nang magagawa ang Korte Suprema sa kaso ng dating pangulo.

Kinuwestiyon ni dating Pangulong Rodrigo Duterte ang legal ng basehan sa pagdala sa kanya sa Villamor Airbase mula sa Ninoy Aquino International Airport.

Ayon kay dating Pangulong Duterte, anong krimen at batas ang kanyang nilabag.

Paglabag din anya sa kalayaan ang pagdala sa kanya sa Villamor Airbase.

Pumalag din ang kanyang anak na si Kitty Duterte dahil sa ginawang pag-aresto sa kanyang ama.

Batay sa post ni Kitty, illegal detention at walang arrest warant na inilabas ang mga otoridad.

Una nang kinumpirma ng Residential Communications Office na natanggap na ng Interpol Manila ang official copy ng warrant of arrest ng International Criminal Court laban sa dating pangulo.

 Magsisilbing Legal Counsel ni dating Pangulong Rodrigo Duterte si dating Labor Secretary Silvestre Bello.

Ayon kay Bello, ikinokonsidera nila na humiling ng hospital detention sa oras na makulong si dating Pangulong Duterte.

May regular na medical check up ngayong araw si dating Pangulong Duterte.

Una nang inaresto ng Interpol Manila ang dating pangulo matapos makatanggap ng warrant of arrest mula sa International Criminal Court kaugnay sa kasong crime against humanity matapos na makabalik sa Pilipinas mula sa Hong Kong.

Handa si dating Pangulong Rodrigo Duterte na harapin ang warrant of arrest na sinasabing inilabas ng International Criminal Court.

Ito’y kaugnay sa madugong war on drugs ng Duterte administration.

Ayon kay dating Pangulong Duterte, haharapin niya ang kanyang kaso billang abogado at hindi tatakas sa ibang bansa.

Iginiit pa ng dating pangulo, na hindi siya magtatago sa ibang lugar, kundi sa Pilipinas.

Una nang nanindigan si dating Pangulong Rodrigo Duterte na wala siyang ginawang kasalanan sa kaniyang administrasyon.

Siniguro ng Malacañang na handa ang pamahalaan para mapangalagaan ang mga alagaing hayop sa gitna ng inaasahang pagtama na ng tag-init sa mga susunod na araw.

Ayon kay Palace Press Officer at PCO Secretary Attorney Claire Castro, handang magtulungan ang iba’t ibang ahensiya ng pamahalaan para mapangalagaan ang mga inaalagaang hayop para sa agrikultura.

Batay sa kanilang pakikipag-ugnayan sa Department of Agriculture nagkakaroon na rin ng paghahanda ang mga nagmamay-ari ng backyard maging ang mga may malalaking farms.

Sanay na kung tutuusin ang mga nasa animal agriculture sa epekto ng ganitong kundisyon ng panahon, pero kailangang naka-alerto ang agriculture department sa kung ano ang posibleng bumangong problema ngayong paparating na tag-init.

Ilalabas mismo ng International Criminal Court sa kanilang official channel ang warrant of arrest ni dating Pangulong Rodrigo Duterte.

Kasunod ito ng mga lumabas na ulat na naglabas ng warrant of arrest ang ICC laban kay dating Pangulong Duterte dahil sa madugong war on drugs ng kanyang administrasyon noong siya ay alkalde pa lamang sa Davao City.

Ayon kay ICC Spokesman Fadi El Abdallah, hindi naman naglabas ng anumang press release ang korte hinggil sa nasabing usapan.

Paliwanag ng tagapagsalita, na mahalagang maging confidential ang ginagawa ng ICC dahil kailangang protektahan ang integridad ng imbestigasyon at ng mga biktima at saksi.

Patuloy namang iniimbestigahan ng Office of the Prosecutor ang sitwasyon sa Pilipinas.

Nasagot na ang problema ng mahihirap na lokal na pamahalaan para makakuha ng murang bigas ng National Food Authority o NFA.

Ito’y matapos i-anunsiyo ni Palace Press Officer at PCO Undersecretary Attorney Claire Castro na pinayagan na ng Department of Agriculture at FTI na maaaring utangin muna ng LGU ang bigas ng NFA.

Ayon kay Usec. Castro, binibigyan ang LGU ng isang buwan o 30 araw na pagkakuha sa bigas at bago ito bayaran kapag nabenta.

Isang paraan anya ito para mabilis na maipalabas ng NFA ang bigas.

Gayunman, sinabi ni Castro na hindi pa naman nabanggit ng da kung gaano karaming bigas ang maaaring utangin ng isang lgu at kung paano ang magiging sistema sakaling kumuha pero pagsapit ng isang buwan, hindi lahat ng bigas ay nabenta.

Una nang inihayag ni NFA Administrator Larry Lacson na bagaman nasa 70 LGUs ang naghayag ng interes na kumuha ng NFA rice, napakatumal ng pagpapalabas ng suplay dahil sa mabagal na proseso ng ibang lokal na pamahalaan, habang ang iba ay walang pondo.—ulat mula kay Gilbert {Perdez (Patrol 13)

Iginiit ni Pangulong Ferdinand Marcos Junior na tinipid at mali ang disenyo ng Cabagan-Sta. Maria bridge sa Isabela.

Ito’y matapos inspeksyunin ni PBBM ang bumagsak na tulay nagresulta sa trahedya.

Ayon kay Pangulong Marcos, walang ibang dapat sisihin kundi ang mismong nagdisenyo ng tulay.

Binawasan aniya ang pondo ng proyekto mula 1.8 billion pesos patungo sa mas mababa sa 1 billion pesos o nasa 900 milyon pesos, ngunit dahil sa pagtitipid, bumigay ang istraktura.

Sa ngayon, iginiit ni PBBM na inuuna ng pamahalaan ang pagsasaayos ng problema bago tukuyin ang mga dapat managot.

Dagdag pa ng Pangulo, lumabas din sa imbestigasyon na may kapasidad lamang ang tulay na buhatin ang hanggang 44 tonelada, ngunit mas mabigat na mga sasakyan ang dumaan sa nabanggit na tulay.—ulat mula kay Gilbert {Perdez (Patrol 13)

Karapatan ng publiko at ng iba’t ibang sektor na kumilos para maiparating ang kanilang posisyon sa impeachment case laban kay Vice President Sara Duterte.

Ito ang iginiit ni Senate Minority Leader Koko Pimentel matapos ilunsad ng iba’t ibang religious groups at sectoral representatives ang People’s Impeachment Movement para ipakita na may clamor sa Senado para magconvene na bilang impeachment court at para agad ng masimulan ang paglilitis laban sa Bise Presidente.

Ayon kay Senator Pimentel, maaari namang gumawa ng ganitong hakbangin ang publiko.

Una rito, sinabi ni Senator Pimentel na kung suportado ng mga constituent ng mga kongresista ang kanilang isinumite na impeachment case laban kay VP Sara, dapat na ihayag nila ito.

Pero inihayag ni Senate President Chiz Escudero na hindi siya makukumbinsi na lumabag sa batas kahit pa makakalap ng isang milyung lagda ang binuo na people’s impeachement movement.—ulat mula kay Cely Ortega Bueno (Patrol 19)

Dapat obligahin ang Bureau of Immigration na mag-report sa Kongreso ng update sa deportation activities ng mga worker ng Philippine Offshore Gaming Operations.

Ito ang iginiit ni Senator Sherwin Gatchalian kaya’t maghahain siya ng resolusyon hinggil dito sa susunod na linggo.

Sinabi ni Senator Gatchalian na dapat himukin ang B.I. na maging transparent sa lahat ng kanilang deportees.

Mahalaga anya na ireport ng B.I. sa kongreso kung ano ang nangyari sa deportation activities

Ipinunto pa ng Senador na mahalagang maging transparent ang ahensya sa lahat ng kanilang mga deportees at gawing mandato na ang pagbibigay ng report sa mga deportation activities.—ulat mula kay Cely Ortega Bueno (Patrol 19)