Jenn Patrolla

Humihirit si Surigao Del Norte Second District Representative Ace Barbers sa National Bureau of Investigation na imbestigahan at sampahan ng kaso ang mga vlogger na sinasabing sumisira sa reputasyon ng House Quad-Committee.

Lumiham ang mambabatas kay NBI Chief Jaime Santiago na tukuyin ang mga tao o grupo sa likod ng mga vlog na naghahasik ng maling impormasyon at sumisira sa integridad ng serbisyo ng mga kongresista.

Panawagan din ni Representative Barbers, na panatilihin ang digital evidence hinggil sa mga vlog.

Isinumite rin ng kongresista sa nba ang isang vlog na nag-uugnay sa kanya at sa kanyang na sina Surigao Del Norte Governor Lyndon Barbers sa ilegal na droga, gayundin sa iba pang ebidensya.

Hinimok ng mambabatas ang NBI na magsampa ng mga kaso kabilang ang libel at sedisyon kaugnay sa cybercrime prevention act.

Dinagdagan ng senado ang pondo para sa 82 state universities and colleges para sa susunod na taon.

 Ito’y upang mapunan ang kakulangan sa pondo ng pagpapatupad ng free higher education.

 Tinanggap ni Senador Sherwin Gatchalian ang panukala sa inaprubahang bersyon ng General Appropriations Act para sa taong 2025 sa senado.

 Ayon sa senador, makatutulong ang karagdagang mahigit tatlong bilyong piso pondo upang mapalawak ang kakayahan ng mga SUC na tumanggap ng mas maraming mga estudyante.

 Sa ganitong paraan anya anya mas maraming mga kabataan ang makikinabang sa libreng kolehiyo.

 Dahil dito, tumaas ng 13% ang kabuuang pondo ng free higher education para sa taong 2025 kung ikukumpara sa inilaan ng National Education Expenditure (NEP).

Hindi nagbibigay ng listahan ng mga tanong ang National Bureau of Investigation.

Ito ang tugon mismo ni NBI Director Jaime Santiago sa hirit ni Vice President Sara Duterte sa gitna ng ikinakasang imbestigasyon hinggil sa pahayag nito na pagpatay laban kay Pangulong Ferdinand Marcos Jr.

Ayon kay Director Santiago, hindi nila ibibigay ang hinihingi ni Duterte na advanced questions.

Kabilang sa lamang sa aalamin ng NBI ay tungkol sa taong sinabi niyang kinontrata niya para patayin ang pangulo kung magtagumpay ang isang plano laban sa kanya, gayundin ang banta sa sinasabi sa kanyang buhay.

Nakatakdang humarap si Duterte sa NBI noong Nobyembre 29 upang bigyang linaw ang kanyang pahayag na nagbigay na siya ng utos na ipapatay sina Pangulong Marcos, First Lady Liza Araneta Marcos, at Speaker Ferdinand Martin Romualdez kung siya mismo ang mapatay.

Umatras ang mahigit walong libong operator at driver ng public utility vehicles na nag-apply ng consolidation sa ilalim ng PUV modernization program.

Ito’y matapos ang 45 araw na extension na ibinigay ng Land Transportation Franchising and Regulatory Board para sa konsolidasyon ng mga operator at driver.

Sinabi ng transport group na Manibela, na 6,000 miyembro nito at 2,000 miyembro ng Piston ang umatras sa consolidation scheme.

Paliwanag ng grupo, nakaka-biyahe ang mga driver ng lima hanggang anim na beses sa isang linggo noon pero sa ngayon ay dalawang beses na lamang dahil gusto ng mga kooperatiba ay modern lamang ang patatakbuhin.

Dahil dito, makikipag-ugnayan ang dalawang transport group sa Department of Transportation para payagan silang makapagparehistro at makapag-renew ng prangkisa kahit hindi pa sila consolidated.

Dapat palamigin muna ng mga mambabatas at taga-suporta nina Pangulong Ferdinand Marcos Jr. at Vice President Sara Duterte ang sitwasyon para sa kapakanan ng Pilipinas.

Ito ang binigyang diin ni Chief Presidential Legal Adviser Juan Ponce Enrile sa harap ng mga naging pagmumura at pagbabanta ni Vice President Duterte laban kay Pangulong Marcos;  First Lady Liza Araneta-Marcos at house Speaker Martin Romualdez, bagay na pinalagan ng pangulo.

Sa tingin ni Enrile, mas makabubuti kung wala na munang masyadong magsasalita at ipinaalala na iisa lang ang ating bansa.

Nakakahiya na ang Pilipinas dahil sa girian o batuhan ng putik ng mga mambabatas dahil sa kaliwa’t kanang pagdinig na ikinakasa sa kongreso.

Sinabi ni Isabela Governor Rodito Albano III sa DWIZ, na dapat maging matalino ang mga senador at kongresista sa mga binibitawang salita lalo na’t may masamang epekto ito sa mga Pilipino.

Dapat tigilan na anya ng mga mambabatas ang sulsulan sa kongreso upang hindi na lumalala pa ang isyu.

Kinumpirma ng Department of Foreign Affairs na mayroon pang 59 na mga Pilipino sa buong mundo ang nahaharap sa death row.

Sinabi ni Foreign Affairs Undersecretary Eduardo De Vega, na hindi lamang mga OFW o contract workers ang may kaso sa ibang bansa o nahaharap sa parusang kamatayan.

Sinasabing ilan sa kanila ay mga Pilipino na parte ng “military activities” Laban sa Malaysian authorities sa Sabah, Malaysia.

Gayunman, tiniyak ng DFA na binibigyan ng proteksyon ng gobyerno ang mga Pilipinong nasa death row, kabilang ang paglalaan ng abogado habang ang iba ay patuloy na inaapela ang kanilang kaso.  – Sa ulat ni Gilbert Perdez (Patrol 13)

Posibleng bumalik sa manu-mano ang bilangan sa 2025 midterm elections.

Ito’y dahil sa kontrobersya ng 18 billion pesos automated election contract ng Commission on Election sa Korean firm MIRU Systems.

Sinabi ni First Rider Partylist Representative Rodge Gutierrez, na nakakabahala ang mga alegasyon hinggil sa mga iregularidad sa kontrata lalo na’t malapit na ang eleksyon.

Dagdag pa ng mambabatas, na makansela man o hindi ang kontrata ng COMELEC at MIRU, matutuloy pa rin ang eleksyon.

Ikinabahala naman ni Representative Gutierez ang muling paggamit ng vote counting machines ng Smartmatic lalo na’t kinasuhan ito ng Estados Unidos.

Pahahabain at palalawakin ni Pangulong Ferdinand Bongbong Marcos Junior ang mga ruta ng EDSA Bus Carousel upang mabawasan ang trapiko sa Metro Manila.

Ito’y matapos talakayin sa kauna-unahang traffic townhall summit ang malalim na problemang kinahaharap ng bansa pagdating sa trapiko.

Ayon sa pangulo, hindi matutugunan ang problema sa matinding traffic kung hindi magkakaroon ng maayos na mass transit system sa bansa.

Maliban dito, bahagi rin ng plano ni pbbm ang pagsasaayos ng stations at paggawa ng tulay sa Pasig River.

Tututukan din ng pamahalaan ang mga active transportation facilities gaya ng mga walkways at bike lanes para isulong ang malusog at sustainable na paraan ng paglalakbay.

Sinusuri na mga otoridad kung nakakaapekto ang malalim na butas sa sales road sa pundasyon ng skyway.

Sinabi ni Metropolitan Manila Development Authority Chairperson Romando Artes, na sa ngayon ay ligtas ang Skyway.

Matatandaan na nitong linggo lamang natuklasan ng mga otoridad ang isang malalim na butas sa sales road malapit sa Villamor Air Base sa Pasay City.

Sa ngayon, pansamantalang sarado ang apektadong lane maging ang linya ng tubig ng maynilad upang maiwasan ang karagdagang pagtagas ng tubig.

Samantala, iniimbestigahan na ng Department of Public Works and Highways–NCR ang sinkhole upang matukoy kung may mga tubo ng Maynilad ang naging sanhi ng butas.