Author

Gilbert Perdez

DWIZ 882

Isa patay, 30 katao sugatan matapos tumagilid ang isang trak sa Iloilo

Patay ang isang senior citizen at 30 iba pang pasahero ang sugatan matapos tumagilid ang isang trak sa matarik na daan sa bayan ng Anilao, Iloilo.

Kinilala ang nasawi na si Helen Parcon, 61 taong gulang, habang patuloy na nilalapatan ng lunas sa ospital ang mga nagtamo ng sugat sa iba’t ibang parte ng katawan.

Sa inisyal na imbestigasyon ng Anilao Police Station, galing umano ang trak sa libing at papunta sa Barangay Balabag sa Anilao nang mangyari ang aksidente sa Barangay Mostro.

Sinasabing nawalan ng preno ang trak dahilan upang ibangga ng drayber sa gilid ng bundok ang sasakyan kaya’t tumagilid ito.

Kasalukuyang nakapiit ang truck driver habang nagpapatuloy ang imbestigasyon sa naturang aksidente.

October 27, 2019 0 comment

INTERNATIONAL NEWS

Bilang ng mga nasawi sa kilos protesta sa Iraq umakyat na sa 42

written by Gilbert Perdez

Umakyat na sa 42 ang bilang ng mga nasawi sa marahas na kilos-protesta sa Baghdad, Iraq.

Bagama’t binugahan na ng tear gas ng security forces ang mga raliyista, tila hindi matinag ang mga ito at patuloy na dumarami sa Tahrir Square.

Kabilang sa mga ipinanawagan ng mga demonstrador ay ang agarang pagbibitiw sa puwesto ni Prime Minister Adel Abdul Mahdi bunsod ng umano’y korapsiyon, malawakang unemployment at mahinang serbisyo-publiko.

Ayon naman sa Iraqi Commission for Human Rights, maliban sa mga nasawi, mahigit 2,000 rin ang mga nasugatan sa madugong kilos-protesta.

October 27, 2019 0 comment

HEADLINES NATIONAL NEWS RONDA PROBINSYA

Pulitika, negosyo at droga tinitingnang anggulo sa pananambang kay Mayor Navarro

written by Gilbert Perdez

Anggulo sa pulitika, negosyo, at droga ang tututukan ng mga awtoridad sa nangyaring pananambang kay Clarin, Misamis Occidental, Mayor David Navarro nitong Biyernes.

Pahayag ng binuong Special Investigation Task Group Navarro, kabilang umano si Navarro sa listahan ng mga High-Value Target o HVT, gayundin sa narco-list ni Pangulong Rodrigo Duterte.

Ayon kay Police Col. Gemma Vinluan, direktor ng Cebu City Police, maaaring isang organisadong grupo ang nasa likod ng pamamaslang.

Matatandaang pinagbabaril si Navarro ng hindi pa nakikilalang mga salarin habang sakay ng police mobile papuntang piskalya matapos ireklamo ng panggugulpi ng isang masahista.

Sinasabing bago ang insidente ay nakakatanggap na ng mga pagbabanta sa buhay ang nabanggit na opisyal.

Samantala, mariin ding itinanggi ng pamilya ng alkalde na dawit sa droga ang biktima.

October 27, 2019 0 comment

SPORTS

Barangay Ginebra panalo kontra Rain or Shine sa 2019 PBA Governors’ Cup

written by Gilbert Perdez

Humataw nang husto ang Barangay Ginebra sa fourth quarter dahilan upang mapataob nila ang Rain or Shine sa score na 98-89 sa kanilang laro sa 2019 PBA Governors’ Cup sa Araneta Coliseum.

Kumamada si Justin Brownlee ng 39 points, 17 rebounds at 8 assists habang nagtala sina Scottie Thompson at L.A Tenorio ng tig-11 points bawat isa.

Nakalamang pa ang Elasto Painters sa unang bahagi ng ika-apat na quarter pero nagpaulan ng puntos ang Gin Kings sa pangunguna ni Brownlee.

Sa isa pang laro, pinadapa ng Alaska Aces ang Blackwater Elite sa score na 101-91.

Si Jeron Teng ang nanguna sa Aces taglay ang kanyang 19 points at 8 rebounds.

October 27, 2019 0 comment

ENTERTAINMENT HEADLINES

Puerto Rico naiuwi ang korona sa Miss Earth 2019

written by Gilbert Perdez

Nasungkit ng pambato ng Puerto Rico na si Nellys Pimentel ang korona sa Miss Earth 2019 na ginanap sa The Cove ng Okada Manila sa Parañaque City Sabado ng Oktubre 26.

Minana ni Pimentel ang titulo mula kay Nguyen Phuong Khanh, ang kauna-unahang babaeng Vietnamese, na nanalo ng isang prestihiyosong international beauty crown.

Kabilang din sa winners’ circle sina Miss Earth-Air Emanii Davis ng Estados Unidos, Miss Earth-Water Klara Vavruskova ng Czech Republic at Miss Earth-Fire Alisa Manenok ng Belarus.

Pasok naman sa Top 20 si Ms. Janelle Tee ng Pilipinas habang wala namang kandidata mula sa Asya ang nakausad sa Top 10.

Kabilang sa judging panel sina international Filipino theater actor Leo Valdez, Filipino theater pillar Cecile Guidote-Alvarez, Bantay-Bata 163 CEO Ernie Lopez at international RnB singer Shontelle.

Bagama’t bigo si Tee, taglay pa rin ng Pilipinas ang rekord ng pinakamaraming korona mula sa apat na winners na sina Karla Paula Henry (2008), Jamie Herrell (2014), Angelia Ong (2015), at Karen Ibasco (2017).

October 26, 2019 0 comment

SPORTS

FEU nakabalik na sa ‘win column’ sa UAAP 82 Men’s Basketball Tournament

written by Gilbert Perdez

Nakabalik na sa win column ang Far Eastern University makaraang ilampaso ang De La Salle University sa score na 81-60 sa kanilang laro sa UAAP 82 Men’s Basketball Tournament na ginanap sa Ynares Center.

Kumamada si l-jay Gonzales ng 14 points, seven assists, six rebounds at two steals para sa Tamaraws.

Ayon kay Head Coach Olsen Racela, masaya siya sa naging panalo ng koponan dahil kailangan nila ito.

Nakakuha si Ken Tuffin ng 14 points at five assists habang nagdagdag si Wendell Comboy ng 12 markers at 11 points naman ang nasungkit ni Xyrus Torres.

Sa unang bahagi pa lamang ng laro ay humataw na ang Tamaraws at ibinaon ang Green Archers sa opening salvo kung saan napanatili nila ang matinding opensa at depensa hanggang sa dulo ng laro.

October 20, 2019 0 comment

HEADLINES NATIONAL NEWS

Pagtaas ng premium contributions ng mga OFWs tulong para sa pagpapatupad ng UHC law —PhilHealth

written by Gilbert Perdez

Ipinagtanggol ng Philippine Health Insurance Corp. (PhilHealth) ang napipintong pagtaas ng premium contributions ng mga Overseas Filipino Workers (OFW).

Sa panayam ng DWIZ, binigyang diin ni PhilHealth President Ricardo Morales na kailangang magtaas ng premium contributions kapalit ng mga benepisyo para sa bawat miyembro.

Yun naman sa requirements na kailangang magbayad ng premium bago umalis, e wino-workout na namin yung guidelines dyan kasi ayaw naman natin na magpabigat sating mga OFW.. Pero, proteksyon din yan sa kanilang mga pamilya na naiiwan dito,” —PhilHealth President Ricardo Morales

Ayon kay Morales, mahalaga ang kontribusyon ng mga PhilHealth members para sa implementasyon ng Universal Health Care law.

Pahayag pa ng opisyal, magkakaroon na ng primary healthcare worker o provider ang bawat mamamayan at awtomatikong magiging miyembro ng PhilHealth ang lahat ng mga Pilipino.

Tiniyak din ng PhilHealth president na nasa mabuting kamay ang pondo ng ahensya at hindi mawawalas sa ilalim ng kanyang pamamahala.

Importante kasi na maka-kolekta tayo para ma spread natin yung protection sa financial risk yung mga myembro.. otherwise, kung hindi sila covered, sila mismo ang magbabayad ng kanilang mga medical requirements.. Kaya kung maaari, magbayad po tayo ng premium para magkaroon ng proteksyon ang buong lipunan,” —dagdag pa ni Morales.

October 19, 2019 0 comment

INTERNATIONAL NEWS

13 patay hindi bababa sa 10 ang nawawala matapos bumigay ang isang dam sa Russia

written by Gilbert Perdez

Patay ang 13 katao habang tinatayang 10 iba pa ang idineklarang ‘missing’ o nawawala makaraang masira ang dam sa isang gold mine sa Siberian Region sa Russia.

Ayon sa Russian Emergencies Ministry, bumigay ang dam malapit sa minahan at inabot ng bahay ang barracks ng mga minero.

Nabatid na sa mga nasawi at nawawala, 14 na iba pang manggagawa ang patuloy na nilalapatan ng lunas sa ospital.

Halos 300 rescue personnel ang patuloy na nagsasagawa ng search-and-rescue operation sa nabanggit na lugar.

October 19, 2019 0 comment

RONDA PROBINSYA

1 patay sa sunog sa Cebu

written by Gilbert Perdez

Patay ang isang dalagita sa naganap na sunog na tumupok sa 22 bahay sa barangay Sambag 1 sa siyudad ng Cebu.

Kinilala ang biktima na si Dawn Therese Awi, 14 taong gulang.

Ayon kay Senior Fire Officer 3 Oliver Tauto ng Bureau of Fire Protection(BFP), mahimbing na natutulog ang dalagita kaya hindi nito namalayan ang sunog.

Mahigit sa P300-K ang halaga ng mga natupok na ari-arian sa nabanggit na insidente.

October 19, 2019 0 comment

HEADLINES RONDA PROBINSYA

2 persons of interest sa pamamaril sa isang brodkaster sa Davao del Norte tukoy na

written by Gilbert Perdez

Inihayag ng hepe ng Tagum City Police na tukoy na nila ang dalawang persons of interest sa pamamaril sa radio broadcaster na si Pat Lucero Pacquiao sa Barangay Visayan sa nabanggit na lungsod.

Ayon kay Chief of Police, Lt. Col. Ariel Acala, tugma ang hitsura ng dalawang gunmen sa mga inilarawan ng mga nakasaksi umano sa krimen.

Sinasabing nahagip din ng CCTV ang mukha ng dalawang salarin na sakay ng motorsiklo nang barilin si Pacquiao na tinamaan sa likod bago tumakas sa hindi matukoy na direksiyon.

Patuloy ang imbestigasyon ng mga pulis sa naturang pamamaril.

October 13, 2019 0 comment

Newer Posts

Older Posts