Pumalo na sa 130,396 ang bilang ng mga nasawi dahil sa coronavirus disease 2019 (COVID-19) sa Brazil.
Ayon sa health ministry, umabot na sa 4.3 million ang mga dinapuan ng impeksiyon sa kanilang bansa.
Sinasabing karamihan sa mga biktma ay mula sa mga mahihirap na lugar sa Brazil at sa mga indigenous communities sa Amazon rainforest.
Ipinag-utos ng lokal na pamahalaan ng Cebu ang mahigpit na pagpapatupad ng curfew sa Cebu South Bus Terminal (CSBT) kasabay nang pagbubukas nito.
Ang CSBT ay ang pinakamalaking transport terminal sa lungsod na matatagpuan sa Natalio Bacalso Avenue at pinamamahalaan ng pamahalaang panlalawigan.
Sa pakikipagpulong ni Mayor Edgardo Labella sa mga transport stakeholders, ipinaliwanag ng alkalde na ang terminal ay bukas lamang mula alas-10:00 ng gabi hanggang alas-5:00 ng umaga habang umiiral ang modified general community quarantine (MGCQ) sa nabanggit na lungsod.
Bawal ding pumasok sa terminal ang mga indibidwal na ang edad ay 21 pababa, gayundin ang mga matatanda.
Inilagay sa 14 na araw na lockdown ang siyam na barangay sa Mariveles, Bataan bunsod ng tumataas na bilang ng mga tinatamaan ng coronavirus disease 2019 (COVID-19).
Ayon kay Governor Albert Garcia, susundin sa ipinatutupad na localized lockdown ang guidelines sa enhanced community quarantine (ECQ).
Epektibo ang nabanggit na lockdown simula ngayong araw, September 12 hanggang September 26.
Hindi matutuloy ang laban ni Filipino knockout artist Mark Magsayo sa September 23 matapos magretiro ang kanyang American opponent na si Jose Haro.
Ayon sa 33-anyos na dating junior Olympian, nagpasya siyang huwag nang lumaban muli dahil ito ang hinihiling ng kanyang pamilya.
Si Magsayo ay wala pang talo sa 20 laban kung saan 14 dito’y kapwa dumapa sa lona.
Huling sumampa sa ring si Haro noong February 29 kung saan nagwagi siya sa pamamagitan ng unanimous decision laban kay Genaro Velarde.
Inilipat naman sa October 3 ang laban pero naghahanap pa ang MP Promotions ng ipapalit kay Haro.
Nagnegatibo sa coronavirus disease 2019 (COVID-19) si US Marine Lance Corporal Joseph Scott Pemberton.
Ito ang lumabas na resulta ng isinagawang test kay Pemberton ng Research Institute for Tropical Medicine (RITM) kung saan binanggit na walang nakitang “SARS-CoV-2” o COVID-19 sa sample na nakuha mula sa kanya.
Kasalukuyang nasa custody ng Bureau of Immigration (BI) si Pemberton at hinihintay na lamang ang clearance mula sa National Bureau of Investigation (NBI) para sa kanyang deportasyon.
Tumuntong na sa 257,863 ang bilang ng mga nagpositibo sa coronavirus disease 2019 (COVID-19) sa Pilipinas.
Ito’y matapos makapagtala ang Department of Health (DOH) ng 4,935 na bagong kompirmadong kaso.
Sa bilang na ito, nasa 66,455 ang active cases habang ang 2,619 sa mga nadagdag na kaso ay mula sa National Capital Region. (NCR)
Umakyat naman sa 4,292 ang death toll kasunod ng pagpanaw ng 186 na pasyente.
Samantala, sumampa na sa 187,116 ang mga pasyenteng gumaling mula sa COVID-19.
JUST IN: Kaso ng COVID-19 sa bansa, nadagdagan pa ng 4,935 ngayong Sabado, Setyembre 12.
Pumalo na sa kabuuang 257,863 ang bilang ng kumpirmadong kaso ng COVID-19 sa bansa. Mayroon namang 66,455 naitalang active cases. | https://t.co/HHOy7zaafm pic.twitter.com/98p7m8GVl5
— DWIZ Newscenter (@dwiz882) September 12, 2020
Binuksan na ng Kongreso sa Peru ang impeachment proceedings laban sa kanilang pangulo na si Martin Vizcarra dahil sa umano’y “moral incapacity.”
Ito’y bunsod ng alegasyon na tinangka umano nitong makialam sa imbestigasyon hinggil sa mga kontratang pinasok ng gobyerno na nagkakahalaga ng 50,000 dolyar na paborable sa isang singer.
Samantala, binigyang diin ni Vizcarra na hindi siya magre-resign at haharapin niya ang mga akusasyon laban sa kanya.
Namaalam na sa kasalukuyang NBA season ang Toronto matapos padapain ng Boston sa score na 92-87 sa Game 7 ng kanilang Eastern Conference semifinals series.
Umiskor si Jayson Tatum ng 29 points habang nagdagdag si Jaylen Brown ng 21 points para sa Celtics.
Dahil sa panalo ng Boston, bigong madepensahan ng Raptors ang kanilang korona kaya’t makakaharap naman ng Celtics sa East finals ang Miami Heath ni Filipino-American coach Erik Spoelstra.
Naglunsad ng job portal ang Office of Vice President (OVP) na tinawag na “Bayanihanapbuhay” upang matulungan ang mga naghahanap ng trabaho ngayong COVID-19 pandemic.
Ayon kay Vice President Leni Robredo, para ma-avail ang serbisyo ay maaaring bumisita sa sikap.ph kung saan target nito ang mga nawalan ng hanap-buhay o na-lay off na manggagawa, kabilang ang mga Overseas Filipino Workers (OFW’s) na napilitang lisanin ang kanilang trabaho sa labas ng bansa dahil sa pandemya.
Nasa 2,796 na ang job openings na naka-post sa nabanggit na website mula sa iba’t ibang kompanya sa bansa.
Dahil sa tumataas na bilang ng mga Pilipinong sumasailalim sa rehibilitasyon dulot ng kapansanan, idineklara ni Pangulong Rodrigo Duterte ang Hulyo 17 ng bawat taon bilang National Physiatry Day.
Sa Proclamation No. 1017, binanggit ng Presidente na mahalagang matutukan ang kalagayan ng mga may kapansanan sa bansa na pangungunahan ng Department of Health (DOH).
Kasabay nito, inatasan din ng Pangulo ang DOH na tukuyin ang mga proyekto o programa para sa taunang paggunita sa National Physiatry Day habang hinimok din ang iba pang ahensya ng gobyerno at lokal na pamahalaan na i-promote ang mga ito.