Nasungkit ng Miami Heat ang 106-101 victory laban sa Boston Celtics dahilan upang makuha ang 2-0 lead sa Eastern Conference finals.
Si Goran Dragic ang nanguna sa Heat taglay ang kanyang 25 points habang nagdagdag si Bam Adebayo ng 21 points at 10 rebounds.
Samantala, target ng Miami na masikwat ang 3-0 lead sa susunod na laro at makuha ang kampeonato sa East.
Magsisilbing ‘cloud spotters’ ang isang daang katao, kabilang ang mga magsasaka at irrigation officials, para sa isasagawang cloud seeding operation upang mapaangat ang antas ng tubig sa Pantabangan Dam sa Nueva Ecija.
Ayon kay Engineer Rosalinda Bote, Department Manager ng National Irrigation Administration-Upper Pampanga River Integrated Irrigation System (NIA-UPRIIS), ito’y bilang paghahanda para sa dry crop season sa susunod na taon.
Kukunan ng mga cloud spotters sa Nueva Ecija ang mga makikita nilang ulap sa kani-kanilang lugar at ipapadala ang mga ito sa Bureau of Soils and Water Management (BSWM) ng Department of Agriculture (DA) para sa kaukulang assessment at prioritization.
Sinabi ni Bote na nitong weekend ay nasa 182 meters above sea level ang antas ng tubig sa dam na mas mababa kumpara sa 201 meters noong September 2019 habang malayo pa ito sa target na 210 meters sa katapusan ng susunod na buwan.
Nabatid na naglaan ang NIA ng 2.64 million pesos na pondo mula sa calamity fund ng ahensya para sa nasabing cloud seeding activity.
Hindi nadagdagan ang bilang ng mga Pinoy abroad na dinapuan ng coronavirus disease 2019 (COVID-19).
Dahil dito, ayon sa Department of Foreign Affairs (DFA), nananatili sa 10,181 ang mga kababayan nating COVID-19 positives sa ibang bansa.
Gayunman, nilinaw ng DFA na 2,980 na lamang ang kasalukuyang ginagamot dahil nakarekober na ang 6,433 sa mga ito.
Dalawa naman ang nadagdag sa bilang ng recoveries habang wala ring bagong fatality dahilan upang manatili sa 768 ang mga Pinoy na iginupo ng COVID-19 sa ibayong dagat.
13 September 2020
Weekend reports from PH Embassies and Consulates record two new recoveries from COVID-19 in the Americas, no new confirmed case, and no new fatality among Filipinos abroad. (1/3)@teddyboylocsin pic.twitter.com/R3xcaY9EFv
— DFA Philippines (@DFAPHL) September 13, 2020
Gagawing prayoridad sa mga programa at proyekto ng gobyerno ang mga gawang Pinoy o locally-made products upang matulungan ang mga lokal na industriya na pinakamatinding tinamaan ng coronavirus disease 2019 (COVID-19) pandemic.
Ang pahayag ay ginawa ni Cabinet Secretary Karlo Nograles matapos lagdaan ni Pangulong Rodrigo Duterte ang “Bayanihan to Recover as One Act” o “Bayanihan 2”.
Nakasaad aniya sa procurement provisions ng batas na dapat unahin ang mga produktong sariling atin, kabilang ang mga construction materials na gagamitin sa mga infrastructure projects ng pamahalaan.
Ayon kay Nograles, mahalagang tutukan ang kalagayan ng mga maliliit na negosyo upang maisalba ang trabaho ng mga manggagawa at maibangon ang ekonomiya ng bansa.
Tila tuloy-tuloy na ang pagtaas ng coronavirus disease 2019 (COVID-19) recoveries sa Pilipinas kumpara sa mga namamatay sa virus.
Ito’y makaraang makapagtala ang Department of Health (DOH) ng 20,472 na bagong recoveries dahilan upang tumuntong sa 207,568 ang bilang ng mga gumaling mula sa sakit.
Pinakamarami pa rin sa National Capital Region na nakapagtala ng 1,307 na bagong kaso na sinundan ng Cavite, Laguna, Negros Occidental at Rizal.
Nadagdagan naman ng 3,372 ang mga kumpirmadong kaso kaya pumalo na sa 261,216 ang mga nagpositibo sa COVID-19.
Dahil dito, nasa 49,277 na lamang ngayon ang active cases.
Samantala, sumirit na sa 4,371 ang bilang ng mga nasawi kasunod ng pagpanaw ng 79 pang pasyente.
JUST IN: Kaso ng COVID-19 sa bansa, nadagdagan pa ng 3,372 ngayong Linggo, Setyembre 13.
Pumalo na sa kabuuang 261,216 ang bilang ng kumpirmadong kaso ng COVID-19 sa bansa. Mayroon namang 49,277 naitalang active cases. | https://t.co/HHOy7zaafm pic.twitter.com/gb2Ctim9WI
— DWIZ Newscenter (@dwiz882) September 13, 2020
Pagpapasyahan na ng Philippine Basketball Association (PBA) ngayong linggo ang magiging kapalaran ng naudlot nitong 2020 season.
Ito’y matapos mabatid na makikipagpulong si Commissioner Willie Marcial sa mga manlalaro, gayundin sa Board of Governors sa Miyerkules, Setyembre 16.
Dito umano malalaman kung itutuloy o hindi ang 45th season ng All-Filipino Cup na nasuspinde noong Marso dahil sa pandemya.
Pahayag ni Marcial, mahalaga ang input o panig ng mga manlalaro dahil sila ang maglalaro para sa PBA fans.
Pasok na sa Western Conference Finals ang Los Angeles Lakers.
Ito’y makaraang masungkit ng LA ang 119-96 victory sa Game 5 ng kanilang NBA playoffs series laban sa Houston Rockets.
Kumamada si LeBron James ng 29 points habang nagdagdag si Anthony Davis ng 13 points para sa Lakers.
Huling nakapasok sa West Finals ang Lakers noong 2010 nang gibain nila sa pangunguna ni Kobe Bryant ang Phoenix Suns hanggang sa makuha nila ang korona sa finals kontra Boston Celtics.
Pinatawan ng parusang kamatayan ang isang wrestler sa Iran dahil sa pagpatay sa isang security guard.
Ayon kay Justice department head Kazem Mousavi, naisagawa na ang execution kay Navid Afkari, 27-anyos, sa kabila ng pagtutol ng kanyang pamilya.
Sa imbestigasyon, lumalabas na pinagsasaksak hanggang sa mapatay ni Afkari ang isang sekyu sa isang water supply company sa lungsod ng Shiraz.
Naglunsad ng sariling contact tracing application o app ang Valenzuela City government.
Sa pamamagitan ng isang ordinansa, matagumpay na nabuo ang Valenzuela Tracing Application o ValTrace app na ginagamitan ng quick response o QR code system.
Kasabay nito, nanawagan ang lokal na pamahalaan sa mga residente na i-download ang app at kumuha ng kanilang QR codes bilang bahagi ng pag-iingat laban sa coronavirus disease 2019 (COVID-19).
Magagamit ang QR codes tuwing papasok ang mga residente sa mga establisimyento sa lungsod.
Sumirit na sa 10,181 ang mga Pilipinong kinapitan ng coronavirus disease 2019 (COVID-19 sa labas ng bansa.
Ito’y makaraang makapagtala ang Department of Foreign Affairs (DFA) ng 13 pang bagong impeksiyon sa America, Asia Pacific, at Europe.
Sa nabanggit na bilang, 2,982 ang sinasabing active cases.
Sumampa naman sa 6,431 ang total recoveries kasunod nang paggaling ng sampung COVID-19 patients habang nananatili naman sa 768 ang death toll sa hanay ng mga Pinoy abroad.