Mahigit 1,000 volunteers ang ikinalat ng Philippine Red Cross (PRC) sa mga ruta na dadaanan ng Traslacion.
Ayon sa pamunuan ng PRC, handa na sila para taunang tradisyon.
Anila, nasa 51 ambulansya at 13 first aid stations ang nakatalaga, ngayong araw.
Samantala, nakahanda na rin ang kanilang emergency medical unit, amphibian vehicle, rescue boats at isang advance medical post.
Inaasahan ang pagdagsa ng mga pasahero sa LRT line 1 (LRT-1) dahil sa Traslacion, ngayong araw, ika-9 ng Enero.
Ayon sa pamunuan ng LRT-1, inaasahan nilang puno ang lahat ng mga tren sa United Nation Station, Central, Carriedo at Doroteo Jose.
Anila, papayagang makasakay ang mga deboto na lalahok sa Traslacion na nakayapak.
Samantala, mayroon namang nakaantabay na mga volunteers mula sa Philippine Red Cross sa Carriedo Station.
Aabot sa 13,000 pulis ang ipinakalat sa Traslacion ng Itim na Nazareno, ngayong Huwebes, ika-9 ng Enero.
Ayon kay Department of the Interior and Local Government (DILG) Sec. Eduardo Año, nagmula ang mga pulis sa Mobile Action Force Battalion, Special Action Force, Eastern Police District at Manila Police District.
Tutukan umano ng mga pulis ang lahat ng kalyeng dadaanan ng Traslacion.
Mga Mulim na pulis kaisa rin sa seguridad ng Traslacion 2020
Kaisa rin sa pagtitiyak ng payapang Traslacion ng Itim na Nazareno ang nasa 200 Muslim na pulis.
Sumailalim din ang naturang mga pulis sa orientation ng Quezon City Police District, kagabi.
Kabilang ang mga pulis sa pinuwesto sa malapit sa Quiapo Church para magbantay sa prusisyon.
Una rito, sinabi ni Police Brig. Gen. Debold Sinas, acting director ng NCRPO, na nasa 1,500 pulis ang isasama mismo sa prusisyon habang 10,000 naman ang nakatako sa paligid ng ruta.
Umarangkada na ang oras-oras na misa sa Quiapo Church para sa Traslacion ng Itim na Nazareno, ngayong Huwebes, ika-9 ng Enero.
Ganap na alas-3 ng madaling nagsimula ang misa at tatagal ito hanggang alas-12:15 ng tanghali at magkakaroon muli ng alas-3 ng hapon hanggang alas-12ng hating gabi ng Biyernes, ika-10 ng Enero.
Pinangunahan ni Rev. Fr. Fernando Carpio ang misa kaninang alas-3 ng madaling araw.
Samantala, pasado alas-4 ng madaling araw ganap na nagsimula ang Traslacion ng Poong Itim na Nazareno mula Quirino Grandstand hanggang Quiapo Church.
Binigyang diin ni Philippine Coast Guard na Diplomatic matter ang magiging dahilan ng pagbisita ng hepe ng China Coast Guard sa bansa sa susunod na linggo.
Ayon sa PCG, may maayos na relasyon ang bansa sa lahat ng mga dayuhang Armed forces lalo na kung magtutungo sila dito ng magandang intensyon.
Nakatakdang bumisita sa bansa si China Coast Guard Chief Major Wang Zhongcal kasama pa ang iba pang opisyal mula January 13 hanggang 17.
Pinag iingat ni Special Envoy to Middle East Secretary Roy Cimatu ang mga Pilipino sa iba pang bansa sa Gitnang Silangan.
Ayon kay Cimatu, posibleng susunod na atakihin ng Iran ang Qatar, Kuwait at Bahrain dahil sa mga base ng amerika na nasa naturang mga bansa.
Aniya, dapat na ngayon pa lamang ay magkaroon na ng repatriation plan ang naturang mga bansa sakaling mangyari nga pag atake.
Tutulak na si Special Envoy to Middle East Secretary Roy Cimatu sa gitnang silangan ngayong araw.
Ayon kay Cimatu, mauuna na siya ngunit susunod sa kanya ang mga miyembro ng rapid response team na aalalay sa repatriation ng mga OFW.
Kaugnay nito, sinabi ni Cimatu na nagsisimula nang magtungo ang mga Pilipinong magpapa repatriate sa Embahada sa Baghdad.
Samantala, sa kaso ng mga Pilipinong nakapag asawa na ng Iraq, sinabi ni Cimatu na tanging ang mga Pilipino ang maaring ilikas at mapabalik sa bansa.
Handa na ang Embahada ng Pilipinas sa Iran at Iraq sa repatriation ng mga Pilipino duon.
Kasunod ito ng itinaas na alert level 4 sa Iraq dahil sa tumitinding tensiyon sa pagitan ng Iran at Amerika.
Ayon kay Special Envoy to the Middle East Secretary Roy Cimatu, plantsado na ang repatriation plan ng mga Pilipino.
Bukas aniya ay tutulak na siya patungong Middle East para pangunahan ang repatriation.
If the airport in Baghdad is still open, then they will use that. However, if that is not open they have 2 options. By land, going to Amman Jordan and the other one is going also to the North, there’s an airport there that can go either to Dubai or Qatar for eventual flight to Manila.
Inaasahang magbabalik na sa supay ng kuryente sa buong probinsya ng Aklan sa susunod na dalawang linggo.
Ito ang siniguro ni Engineer Alexis Regalado, General Manager ng Aklan Electric cooperative.
Ayon kay Regalado, pinapalitan na ang mga linya at nasirang istruktura ng kuryente sa probinsiya para maibalik ang kuryente sa Janaury 25 at sa Boracay Island naman ngayong Linggo.
Sa monitoring, mahigit 1,000 mga electric post karamihan ay mga primary at back bone lines ang nasira ng bagyong Ursula sa probinsya kaya mas matagal ang naging pagkukumpuni.
Nagtalaga na si Pangulong Rodrigo Duterte ng bagong mahistrado ng Korte Suprema.
Inilabas ng SC Public Information Office ang appointment paper ni Court of Appeals Associate Justice Samuel Gaerlan bilang bagong Supreme Court Associate Justice.
Si Gaerlan ang pumalit sa iniwang posisyon ni dating Associate Justice Diosdado peralta na itinalaga namang punong mahistrado nuong 2019.
Nakatakda namang manumpa si Gaerlan sa January 13, Lunes.